Wahyu 16:8 - En Taar Weru a nunuwu' é Tontemboan

⁸ Kekawus in itu ituas i malaékat kaepat sé an untep im paelepanna itu a si yéndo. Wo si yéndo winéan kawasa en rumengis sé tou ang karapi im paso'na si ra'io icakua.

Wahyu 16:8 ပူးပေါင်းရင်းမြစ်များ

Matius 13:6

Taan an tutuw mantango mai si yéndo, sé tinanem itu maweles wo mapera ampa'paan ra'ica imaa'mut sama'.

Lukas 21:25

“An tutuw si Toyaang i Tou maai sumawel, awéan tuu-tuus sé kalinteren oka mai e mamuali asi yéndo, serap wo a sé sumesendot. Wo pakasa sé tou ang kayo'baan maindé' oka wo mabingo an tutuw luminga in deges repet keli si kalinteren oka mai wo en téngéna in sempa' wangker an ta'sic si kaindéén oka mai.

Kisah Para Rasul 2:20

Si yéndo mariréimbeng oka keli wo en serap maréindang oka tanu in enda'. Pakasa en itu mamuali owo an tutuw ra'ipé' imai en endo i Casuruan, si endo wangko' wo ra'io icakua itu.

Wahyu 14:18

Wo awéan esa malaékat walina ka'i cumesotai am pawetaan i raragés. Si malaékat itu kumawasa in api. Wo sia mangko' a si malaékat si makatimboi im pagi' telew paupu', “Iwayongo mio' em pagi' telewmu itu wo upuuno sé wua-wua'na in anggor ang kayo'baan, ampa'paan em bua-wua'na itu wowoso.”

Wahyu 6:12

Kaséréanku, an tutuw i Toyaang i Domba muka' in ségél kaenem, mangéroo mai eng kayo'baan repet keli. Si yéndo imawuring tanu ing karai wuring si kanaramen pengapakén é mala'lu wo si serap maréindang tanu in enda'.

Wahyu 7:16

Séra ra'io ka'i maarem kuma'pa maré'om. Wo ka'i eng kapaso'na i yéndo ra'io tumena iséra.

Wahyu 8:12

Wo si malaékat kaepat sumengo in terompétna, wo sangapetelu i yéndo, serap wo sé sumesendot kinapasutan akar sangapetelu asé im pakasa sé kinapasutan itu mariréimbeng. Wo in taniitu sangapetelu in endo mariréimbeng, taniitu ka'i sé sangapetelu im bengi.

Wahyu 9:2

Wo wukaan i sumesendot itu em papalen pauntepan ang kepal im papaté, wo kumesotai en tembur asi kepal itu tanuoka pulutna in tembur im pakopraan. Wo si yéndo wo en langit mariréimbeng ampa'paan in tembur si cumesotai ang kepal itu.