Wahyu 16:15 - En Taar Weru a nunuwu' é Tontemboan

¹⁵ Icua i Casuruan “Séréno, Yaku maai oka tanu rombit. Pakakamangen sé tou sé tumu'tulo ing katouanna, sia itu puté wo sé tou en tumu'tulo ing karaina wosama' sia ra'ica malawi' kaséréan é tou sa sia metangkol.”

Wahyu 16:15 ပူးပေါင်းရင်းမြစ်များ

Matius 25:13

“Ampa'paano in itu kamu matéi-téiro mangé, ampa'paan ra'- ica kailekan iow en endo wo en orasna si Toyaang i Tou maai sumawel.”

Matius 26:41

Matéi-téiro mangé wo sumombayango wosama' kamu ra'ica makéré im pangepé'an. Ulit en até miow masalé' méma' sé aicua-Ku, taan ra'ica kawooan in owak iow i méma'.”

Markus 14:38

Matéi-téiro mangé wo sumombayango wosama' kamu ra'ica makéré im pangepé'an. Ulit en até miow masalé' méma' sé aicua-Ku, taan ra'ica kaémaan in owak iow.”

Lukas 21:36

Ampa'paano in itu matéi-téiro mangé kamu wo menomba-nombayango mangé, wosama' kamu keter en sumangkum ing kawenduan sé mamuali oka sa wo ka'i makawoo tumulung an dior i Toyaang i Tou tutuw Sia mai makim icamu.”

Kisah Para Rasul 20:31

Ampa'paan in ituo, mareti-retio mangé kamu. Musti pena'né-na'néi iow sapaoka ang kauré in telu ngata'un aku mewali-wali wo icamu, endo wo em bengi kamu pengasina'uenku si esa wo si esa akar en danona im berenku menii-niis.

2 Korintus 5:3

Si walé ituo en owakta weru. Sa icita makéré owak weru, eng kaangéanna icita mekarai, icita ra'ica imetangkol.

1 Tesalonika 5:4

Taan é poo-poow, kamu ra'ica menonou ang kariréimbengan. Ampa'paan in ituo, an oras i Apo' Yesus i maai tanuoka si rombit, kamu ra'ica mangaya'ka'.

1 Tesalonika 5:6

Ampa'paan in ituo, kita ra'ica toro asalo meneke-nekel meputé wo sé tou walina, taan matéi-téiro mangé wo kawasan angé sumama-sama' en owak.

1 Petrus 4:7

En endo kaka'puan ing kayo'baan makatawio. Ampa'paano in itu, musti kawasan iow en owak asé kaléwo-léwo'an wo elur em bewerot wosama' kamu ro'na sumombayang.

2 Petrus 3:10

Taan kawisa si Apo' Yesus maai sumawel ra'ica wana e makailek ampa'paan Sia maai tanuoka rombit. Wo asi endo itu en langit icatala oka parapiten in erut taténgé keli wo pakasa sé an langit makatunu-tunu oka, taniitu ka'i eng kayo'baan wo pakasa sé an untepna makaka'pu-ka'pu oka.

Wahyu 22:7

Icua i Yesus, “En ulitna, ra'io uré ka'i Aku maai. Pakakama- ngen sé tou sé makiit i nunuwu-nunuwu' asi Amang Kasuruan owo sé an untep ing kitap anio'.”

Wahyu 3:11

Ra'io uré ka'i Yaku maai! Téirano sumama-sama' sapa sé anu miow, wosama' ra'ica wana tou e rumombit i mahkota miow.

Wahyu 3:18

Ampa'paan in ituo, sina'uen-Ku kamu en tumeles mas a Yaku, si matuléno in api, wosama' kamu masiya'. Tumeleso karai kulo' a Yaku wosama' pakén iow wo ra'ica malawi' sérén é tou metangkol. Wo tumeleso solo eng kisu am beren wosama' kamu ro'na suméré.