Wahyu 16:10 - En Taar Weru a nunuwu' é Tontemboan

¹⁰ Kekawus in itu ituas i malaékat kalima sé an untep im paelepanna itu am palukutan pasiri-siriin i binatang itu wo eng kakolanoanna mariréimbéng, akar séra kumarét in lila' éra ampa'paan menanang i me'nget.

Wahyu 16:10 ပူးပေါင်းရင်းမြစ်များ

Matius 13:42

Pakasa iténdél oka an api patunuan si ra'ica mape'de-pe'del. Am bitu séra mengamé-ngamé' oka wo mengare-ngare'ket im baang.

Matius 13:50

Wo iténdél éra sé tou léwo' an api patunuan si ra'ica mape'de-pe'del. Am bitu séra mengamé-ngamé' oka wo mengare-ngare'ket im baang.

Matius 22:13

Wo icua i colano a sé atana, ‘Wa'keseno eng kécéi wo eng kama i tou itu wo iwangkilo mangé sia an tampa riréimbeng. A mangé mbitu kalingaan oka en amé' wo eng kare'ket im baang.’

Matius 24:51

wo si ata itu ukuman oka i tuangna in ukumen patén wo iténdél an tampa tinéndélan sé tou punek. Am bitu oka séra maamé' akar i mengare-ngare'ket em baang.”

Matius 8:12

Taan kelian tou Yahudi sé musti woo mamualio tou i Amang Kasuruan tiya' oka ang kariréimbengan si riréimbeng keli. A mangé mbitu séra maamé' oka akar mengare-ngare'ket im baang.”

Lukas 13:28

An tutuw iow suméré si Abraham, Ishak wo si Yakub wo pakasa sé nabi masalé-salé' ang Kakolanoan i Amang Kasuruan, kamu maamé' oka akar mengare-ngare'ket im baang ampa'paan kamu tiya' oka ang kesot.

1 Petrus 2:17

Pengasiriin angé sé pakasa in tou wo mengaupuso mangé sé poo-poow iow an esa paémanen. Maindé'o mangé a si Amang Kasuruan wo pengasiriin angé si colano miow.

Wahyu 11:10

Pakasa in tou sé maento' ang kayo'baan maarui oka ampa'paan im pinatéan é rua nabi itu. Séra mésta oka wo mensan-sawelan ing kadow, ampa'paan sé rua nabi ituo akar sé tou maento' ang kayo'baan makéré in okoi.

Wahyu 11:2

Taan tioo peuku-ukurenmu eng kintal si ang kesot im Balé Le'nas, iwayao mio' en itu ampa'paan eng kintal itu aiwééo a sé bangsa walina. Wo ipeléa-léak oka éra eng Kota Le'nas epat ngapulu' rua ngaserap eng kauréna.

Wahyu 11:8

Wo e mayat éra ipakawaya oka an lalan ing kota wangker. Ang kota ituo si Casuruan éra aisalip. Ampa'paan ing kaléwo'an é tou, eng kota itu ro'na ipeputé tanu in Sodom kuma'pa Mesir.

Wahyu 17:17

Ampa'paan si Amang Kasuruan matawoi an até éra wosama' émaan éra sapa en icasalé'-Na. Ampa'paan in ituo séra meesa e méé ing kawasa éra a si binatang itu, akar linekepo waya sé aicua-Na.

Wahyu 17:9

Em penting am bia'i musti pakénta eng kapinteran asi Amang Kasuruan owo wosama' ro'na kaangéanta andumoro' in sapa eng kaangéan é pitu ro'kos i binatang itu. Sé pitu ro'kos ituo sé pitu kuntung, am bawo é kuntung itu pengalukutan i wéwéné itu,

Wahyu 18:2

Wo sia kumua in taangko' keli, “Matongkaro, matongkaro eng kota Babel wangker itu. Sia mamualio paento'an é roh léwo', wo paenepan waya é roh najis wo paenepan waya é binatang najis wo sé pasuu-pasut.

Wahyu 18:21

Wo angkaien i esa malaékat keter en esa watu wangker tanu ing kawangkerna im batu pagilingan ing gandum. Wo iwangkilna an ta'sic ang karapi ing kumua, “Tanu si anioo eng kota Babel wangker itu iwangkil oka mio' repet, wo sia ka'i ra'io ipeta'up.

Wahyu 18:23

Wo ra'io ka'i kaséréanai en sendot in sosoloan an untepna, wo ra'io ka'i kalingaanai en suara im pésta ing kinawéngan. Sé mawangkér am bitu, sérao sé tou wangko' sé pasiri-siriin ang kayo'baan, wo em bangsa-bangsa aisélé'kowo in sihirna.”

Wahyu 8:12

Wo si malaékat kaepat sumengo in terompétna, wo sangapetelu i yéndo, serap wo sé sumesendot kinapasutan akar sangapetelu asé im pakasa sé kinapasutan itu mariréimbeng. Wo in taniitu sangapetelu in endo mariréimbeng, taniitu ka'i sé sangapetelu im bengi.

Wahyu 9:2

Wo wukaan i sumesendot itu em papalen pauntepan ang kepal im papaté, wo kumesotai en tembur asi kepal itu tanuoka pulutna in tembur im pakopraan. Wo si yéndo wo en langit mariréimbeng ampa'paan in tembur si cumesotai ang kepal itu.