Wahyu 15:4 - En Taar Weru a nunuwu' é Tontemboan

⁴ Si séi réén si ra'ica maindé' ai Co, o Kasuruan? Si séi réén si ra'ica rumayo i ngaran-Mu? Ampa'paan wayake' Ico si le'nas. Pakasa im bangsa mai oka kumuru en sumiri' ai Co, ampa'paan sinéré érao em pakaakim-Mu waya wutul.”

Wahyu 15:4 ပူးပေါင်းရင်းမြစ်များ

Roma 15:9

Wo si Kristus mai ang kayo'baan torona ka'i é tou ra'ica Yahudi, wosama' séra ro'na rumayo wo sumiri' si Amang Kasuruan ampa'paan ing kaupusan-Na ai séra. Ang Kitap Le'nas aipatic in tana'i, “Ampa'paano in itu rayoku oka si Amang Kasuruan an uner é tou ra'ica Yahudi, wo kantarku oka eng kakantaren rarayoan e rumayo i ngaran-Mu.”

1 Petrus 1:16

Ampa'paan ang Kitap Le'nas aipatic in tana'i, “Kamu musti menonou le'nas ampa'paan Aku le'nas.”

Wahyu 11:15

Wo si malaékat kapitu sumengo in terompét, wo awéan suara si maangko' an untep in sorga makua, “Eng kakolanoan ing kayo'baan mamualio Kakolanoan i Casuruanta wo Kakolanoan i Kristus. Sia merénta oka akar ing kauré-uré.”

Wahyu 14:7

Si malaékat itu kumua in taangko', “Maindé'o mangé a si Amang Kasuruan, irayoo wo siriino mangé Sia! Ampa'paan an témponao Sia maai makim pakasa sé tou. Apoono mangé Sia si méma' in langit wo in tana', in ta'sic wo im pakasa em palemboian in dano!”

Wahyu 16:5

Wo kalingaanku si malaékat makakawasa an dano itu kumua, “Icoo si le'nas, si awéano indior, wo ka'i awéan akar intarépé'. Ico si ra'ica marapit, ampa'paan Ico imééo in ukuman anio'.

Wahyu 16:7

Wo kalingaanku awéan suara asi pawetaan i raragés makua, “O Kasuruan, Amang Kasuruan Si Makakawasa. En ukuman si aiwéé-Mu wutul wo ra'ica marapit!”

Wahyu 19:2

Ampa'paan Sia maakim im butul wo ra'ica marapit. Wo winéan-Nao ukuman si wéwéné sundal itu, si iluméwoo ing kayo'baan ang karapi im peri kasundalan. Wo en enda' é ata-Na aisuli'-Nao a si wéwéné sundal itu.”

Wahyu 19:8

Wo si pengantén wéwéné itu winéan kaloasan eng kumarai ing karai lénen alus si masélap wo weresi ulit.” (kaéng lénen alus itu itumuru' im pakasa sé pengaémaan wutul é tou le'nas.)

Wahyu 3:7

“Ipatico mio' a si malaékat si mengatéir in jamaat an Filadelfia. Si anioo en taar Si Le'nas, Si Wutul, Si makakulu ing kukusi' i Daud. Sa em papalen winukaan-Nao, ra'ica wana e ro'na malen. Wo sa kinusi'an-Nao, ra'ica wana e ro'na muka'.

Wahyu 4:8

Sé epat mahluk itu maka- anu mekélé enem en tétéléw, en an untep wo ang kesot in tétéléw mawuta-wuta im beren. Endo wo em bengi sé mahluk itu ra'ica maento-ento' i makantar, “Le'nas, le'nas, le'nas si Amang Kasuruan Si Makakawasa, Si awéano indior, intarépé', wo si maai oka sa.”

Wahyu 6:10

Wo sé mu'kur itu kumua in taangko' keli, “O Kasuruan Si Makakawasa si le'nas wo wutul! Urépé' réén sé tou ang kayo'baan akimen i Casuruan? Wo kawisa réén suliin-Mu sé tou imaté icami?”