Wahyu 14:15 - En Taar Weru a nunuwu' é Tontemboan

¹⁵ Wo awéan malaékat walina kumesotai am Balé Le'nas. Wo sia mangko' ai Sia si makalukut am bawo ing kambung itu, “Iwayongo mio' em pagi'-Mu itu wo upuuno, ampa'paan en upuun ang kayo'baan wowoso, wo an orasnao in upuun.”

Wahyu 14:15 ပူးပေါင်းရင်းမြစ်များ

Matius 13:30

Anaé, iwayao taré mio' eng gandum wo eng kuung itu tumou mewali-wali akar an orasna in upuun. Wo an tutuw itu icuaku oka a sé maupu' in tana'i: Umungen owo eng kuung wo émaano sanga-sanga wa'kes wo tunun. Kekawus in itu umungeno eng gandum wo mangé yéma' am paumungan ing gandumku.’ ”

Matius 13:39

Si kaséké' si muras in lulumbo ing kuung, siao si kikiiten é sétang. En oras imaupu' siituo en endo kaka'puan ing kayo'baan wo sé tou imaupu' itu, sérao sé malaékat.

Matius 23:32

Anaé, lekepeno mio' taré eng kaléwo'an sé aito'tolo é apo-apo' miow indior itu.

Markus 4:29

Sa em bua'na mawowoso si tou menganguma itu makala'us mangé mupu' ampa'paan an orasnao in upuun.”

1 Tesalonika 2:16

Séra itu rumaméji mengala-ngala' icami wosama' kami ra'ica toro kumua in taar i Amang Kasuruan a sé tou ra'ica Yahudi, émaan éra sé tou itu ra'ica malowir. Wo in taniitu eng kamesé-meséaan éra mengawe-ngaweso akar ra'io icakua. Wo intarépé' eng kae'bowan i Amang Kasuruan itumenao iséra.

Wahyu 11:19

Kekawus in itu, mawuka'o mai em Balé Le'nas i Amang Kasuruan an sorga, wo kaséréano em piti im perjanjian-Na an untep im Balé Le'nas itu. Wo mamuali mai eng kilat wo en téngéna in erut wo em pangéro' wo en uran éis repet keli.

Wahyu 13:12

Wo pakasa eng kawasa si aiwéé i binatang kataré ai sia, pinakéna en itu an dior i binatang kataré wosama' pakasa in tou sé menonou ang kayo'baan kumuru en sumiri' a si binatang kataré itu. Siao si binatang si masama'o em péla'na si misioka makawali sia am papaté.

Wahyu 14:14

Kekawus in itu kaséréanku esa kambung kulo' wo am bawo ing kambung itu awéan esa tou makalukut. Sia itu tanuoka si Toyaang i Tou. En do'kos-Na pinakéan i mahkota mas, wo eng kama-Na makatimboi esa pagi' telew.

Wahyu 14:16

Wo Sia si makalukut am bawo ing kambung mayong im pagi'-Na itu am bawo ing kayo'baan wo eng kayo'baan ka'i paupuuno.

Wahyu 14:17

Kekawus in itu awéan ka'i esa malaékat walina kumesotai am Balé Le'nas si an sorga. Sia ka'i makatimboi esa pagi' telew.

Wahyu 14:18

Wo awéan esa malaékat walina ka'i cumesotai am pawetaan i raragés. Si malaékat itu kumawasa in api. Wo sia mangko' a si malaékat si makatimboi im pagi' telew paupu', “Iwayongo mio' em pagi' telewmu itu wo upuuno sé wua-wua'na in anggor ang kayo'baan, ampa'paan em bua-wua'na itu wowoso.”

Wahyu 15:6

Wo sé pitu malaékat maali-ali sé pitu kawangkuran icumesot asi Walé Le'nas. Séra mekarai ing kulo' weresi masélap, an da'dak éra pakalilitan in salémpang a mas owo.

Wahyu 16:17

Kekawus in itu tuas i malaékat kapitu sé an untep im paelepanna an langit, wo kalingaan en suara taangko' am palukutan pasiri-siriin owo si am Balé Le'nas, makua in tana'i “Kumawuso waya.”

Wahyu 6:10

Wo sé mu'kur itu kumua in taangko' keli, “O Kasuruan Si Makakawasa si le'nas wo wutul! Urépé' réén sé tou ang kayo'baan akimen i Casuruan? Wo kawisa réén suliin-Mu sé tou imaté icami?”