Wahyu 14:10 - En Taar Weru a nunuwu' é Tontemboan

¹⁰ elepenna oka en anggor i Amang Kasuruan, siituo en anggor kae'bowan-Na si aituas an untep in paelepan kae'bowan-Na. Wo sia okoien oka in api wo im balélang an dior é malaékat le'nas wo an dior i Toyaang i Domba.

Wahyu 14:10 ပူးပေါင်းရင်းမြစ်များ

Matius 20:22

Taan isowat i Yesus ai séra, “Ra'ica kailekan iow sapa em pinangilek iow. Makawoo réén kamu melep asi paelepan si musti elepen-Ku?” Wo isowat éra, “Én kawooan ami.”

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

Matius 26:39

Kumawus in itu si Yesus maya' mangé toyo', Sia kumundu wo sumombayang, “O Amang-Ku, sa woo ro'na, angkaien woo mai eng kawenduan anio' a Yaku. Taan ra'ica iciit ing kasalé'an-Ku e mamuali, iciito ing kasalé'an i Amang.”

Markus 8:38

Ampa'paan si séike' mangé e malawi' ampa'paan Yaku wo in sususuien-Ku an dior é tou sé ra'ica le'tek wo keli kamesé-meséaan anio', si Toyaang i Tou ka'i malawi' oka mangaku si tou itu an tutuw-Na maai ang kawasa wangko' i Amang-Na, mewali-wali wo sé malaékat le'nas.”

Markus 9:44

An tampa itu, sé uler ra'ica maté wo en api ra'ica kape'delan.]

Kisah Para Rasul 10:22

Wo isowat éra, “Kami airu'du' mai i Kornelius si perwira é Romawi. Sia tou sama' wo maapo' a si Amang Kasuruan wo pasiri-siriin é tou Yahudi. Asi makasa, sia pinapaturu'an i malaékat i Amang Kasuruan wo rumu'du' e menot ico mangé am baléna wosama' sia ro'na luminga sapa en icua i tuang.”

2 Tesalonika 1:7

Émaan-Na oka ka'i kamu wo icami cawekar an okoi wo ang kawenduan an tutuw si Apo' Yesus tumumpa mai a mangé en sorga owo. En itu mamuali an tutuw i Apo' Yesus mapaturu' in owak-Na mewali-wali wo sé malaékat-Na si wuta ing kawasa.

Yudas 1:7

Taniitu ka'i eng kota Sodom wo eng Gomora wo sé kota an sangkumna. Sé tou a mangé mbitu mengaéma' sé meputé wo im pinengaéma' é malaékat itu, ampa'paan séra mengabersina wo maéma' ing kasalé'an in owak sé ra'ica loor. Ampa'paan in itu séra makéré in ukuman an api si ra'ica mape'de-pe'del akar ing kauré-uré, en itu mamuali popokéi a sé pakasa in tou.

Wahyu 15:7

Wo esaan asé epat mahluk itu méé mekélé esa paelepan mas a sé pitu malaékat. Sé pitu paelepan itu wuta in anggor kae'bowan i Amang Kasuruan si menonou akar ing kauré-uré.

Wahyu 16:19

Wo eng kota wangker itu maweté' mapetelu, wo kai sé kota-kota é bangsa walina sé ra'ica makatuus si Amang Kasuruan makateri-teri waya. Wo kata'néiano i Amang Kasuruan eng kota Babel wangker itu wo émaan-Na eng kota itu melep in anggor am paelepan si wuta ing kae'bowan-Na.

Wahyu 18:3

Ampa'paan pakasa im bangsa ang kayo'baan linanguo in anggor kasalé'an in owak mabersina, wo sé kolano ang kayo'baan mabersinao ang karapina. Wo sé tou mawangkér ang kayo'baan imasiya'o ampa'paan wuta ing kasalé'an in owak.”

Wahyu 18:6

Émaano mangé sia tanu sapa sé niéma'na ai camu, wo suliino mangé waya sé pengaémaanna makarua lumepet. Pumpunano mio' em paelepanna in elepen si kinemu i makarua lumepet eng kakerasna.

Wahyu 19:15

Wo am ba'ba'-Na makesotai esa sa'bel telew si kumala oka pakasa im bangsa. Peréntan-Na oka séra maké im beka' bési wo Sia in esa en tumepes im bua'na in anggor am patepesan ing kae'bowan i Amang Kasuruan Si Makakawasa.

Wahyu 19:20

Wo si binatang itu mewali-wali wo si nabi ra'ica wutul tinangka'o. Si nabi ra'ica wutul ituo si sumangkumo méma' in tuu-tuus kakaya'kaan an dior i binatang itu, akar sia sumélé'kow sé tou sé itumerimao in tuus i binatang itu wo si kumuru en sumiri' im patongna. Wo si binatang itu mewali-wali wo si nabi ra'ica wutul itu imenonoué' aiténdélo an ta'sic api walélang wangker si mengembu-ngembung.

Wahyu 20:10

Wo si kikiiten é sétang si sumélé'kowo sé tou itu, iténdél an untep in ta'sic api wo walélang. An tampa ituo en tinéndélan si binatang wo si nabi ra'ica wutul. Wo am bitu séra niokoi endo wo em bengi akar ing kauré-uré.

Wahyu 20:14

Kekawus in itu, em papaté wo eng kakolanoan im papaté iténdél an untep in ta'sic api. En ta'sic api ituo en tampa ukuman si patuulen papaté karua.

Wahyu 21:8

Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”