Wahyu 13:8 - En Taar Weru a nunuwu' é Tontemboan

⁸ Pakasa é tou sé menonou ang kayo'baan kumuru en sumiri' oka a si binatang itu. Sérao sé tou tumo'tolke' mai eng kayo'baan anio' niéma' e ngaran éra ra'ica aipatic ang kitap ing katouan i Toyaang i Domba si pinatéo.

Wahyu 13:8 ပူးပေါင်းရင်းမြစ်များ

Matius 25:34

Wo si Toyaang i Tou si tanu Kolano itu kumua oka a sé tou ang kakan-Na, ‘Mayo sumusuto mai kamu sé kinamango i Amang-Ku! Muntepo mai ang Kakolanoan si aitu'tulo ai camu tumo'tolai eng kayo'baan anio' niéma'.

Lukas 10:20

Mandé in taniitu, kamu tioo masalé-salé' ampa'paan kinalao miow sé sétang, aweso taré kamu maaru-aruio ampa'paan e ngaran iow aipatico an sorga.”

Yohanes 1:29

Asi woondona mai sérén i Yohanes si Yesus mai ai sia wo icuana a sé tou, “Sérén, si anioo si Toyaang i Domba i Amang Kasuruan si mai misi ing kamesé-meséaan é tou ang kayo'baan.

Efesus 1:4

Ra'ipé' niéma' i Amang Kasuruan eng kayo'baan anio', sinisir-Nao kita wosama' meesa ang karapi i Kristus wo mamuali anu-Na si ra'ica wana kaséaan sapa-sapa an dior-Na.

Filipi 4:3

Wo ico é Sunsugos karapiku si le'tek, pangilekenku wosama' tawangenmu sé rua wéwéné itu, ampa'paan séra imakepé-kepéo mai mewali-wali wo yaku makua in Abar Kaaruien andumoro' i Yesus Kristus. Séra matawoi mewali-wali wo si Klemens wo sé karapiku walina an esa tawoien. Pakasa e ngaran é tou sé masémbong a yaku anio' aipatic ang Kitap Katowan ampa'paan séra menonou oka akar ing kauré-uré.

Titus 1:2

Ra'ipé' niéma' i Amang Kasuruan eng kayo'baan, Sia ijumanjio sapaoka Sia méé oka mai ing katouan akar ing kauré-uré a sé im pakasa in tou. Wo en janji-Na itu tantu mamuali, ampa'paan Sia ra'ica kawisa tumowo. Wo ampa'paano im paarapen in janji e makéré ing katouan akar ing kauré-uré siituo em patuuran im pasusuiku a sé tou maéman.

Wahyu 12:15

Wo ireput i naga en dano am ba'ba'na a si wéwéné itu tanu- oka in dano in doyongan, wosama' sia royong in doyongan itu.

Wahyu 13:12

Wo pakasa eng kawasa si aiwéé i binatang kataré ai sia, pinakéna en itu an dior i binatang kataré wosama' pakasa in tou sé menonou ang kayo'baan kumuru en sumiri' a si binatang kataré itu. Siao si binatang si masama'o em péla'na si misioka makawali sia am papaté.

Wahyu 17:8

Si binatang si sinérému itu, indior awéan taan intarépé' ra'io wana. Wo sia mapaturu' oka ang kepal im papaté wo sia maangém am papaté. Sé tou i menonou ang kayo'baan e ngaran éra ra'ica aipatic an untep ing kitap ing katouan tumo'tolai eng kayo'baan anio' niéma', séra mangaya-ngaya'ka' oka an tutuw suméré si binatang itu, ampa'paan si binatang itu indior awéan taan intarépé' ra'io wana, taan mapaturu' oka sumawel.

Wahyu 21:27

Taan sapake' mangé sé najis kuma'pa sé tou mengaéma' sé karican oka mai kuma'pa kotowo ra'ica toro muntep asi kota itu. Sé ro'na muntep asi kota itu, wayake' sé tou e ngaran éra aipatico an untep ing kitap katouan i Toyaang i Domba itu.

Wahyu 3:10

Kiniitano miow em peré-perénta-Ku ang karapi in talesen. Ampa'paan in itu loindongen-Ku oka kamu asi oras im pangepé'an si maai oka ang kayo'baan e mangepé' iséra sé maento' ang kayo'baan.

Wahyu 3:20

Séréno! Yaku makatulung an dior im papalen wo tuméngkor. Sa awéan tou luminga in suara-Ku wo muka' im papalen, muntep oka Aku meta'up wo isia, wo kuman mewali-wali wo isia, wo sia kuman mewali-wali wo Yaku.

Wahyu 3:5

Si séi e muntung sia pakéan ing karai tanu siitu. Wo e ngaran i tou itu ra'ica pisin-Ku ang kitap ing katouan, taan pangakun-Ku oka e ngaranna an dior i Amang-Ku wo an dior é malaékat-Na.

Wahyu 5:12

Séra im baya mewali-wali makantar in taangko' keli. Em pakantar éra tana'i, “Si Toyaang i Domba si sumangkumo pinaté itu em patus tumerima ing kawasa, ing kasiyaan, ing kapinteran, ing kaketeran, in siri', im parayo-rayo wo pasiri-siriin wo rarayoan.”

Wahyu 5:13

Wo kalingaanku pakasa sé mahluk an sorga, ang kayo'baan, an darem ing kayo'baan wo an ta'sic, séra mewali-wali kumua, “Toronake' Sia si makalukut am palukutan pasiri-siriin wo torona i Toyaang i Domba, e rarayo wo in sisiri' wo iparayo-rayo wo pasiri-siriin wo ing kawasa akar ing kauré-uré.”

Wahyu 6:1

Wo kaséréanku si Toyaang i Domba muka' in ségél kataré asé pitu ségél. Wo kalingaanku esa asé epat mahluk itu maangko', tanuoka in erut maténgé. Icuana, “Mayoo!”