Wahyu 13:16 - En Taar Weru a nunuwu' é Tontemboan

¹⁶ Wo pakasa in tou tumo'tolai asé tou sé ra'ica pengasiriin kuma'pa sé tou pengasiriin, sé tou lengéi kuma'pa sé tou siya', sé ata kuma'pa sé tou ra'ica pakakawasan é tou walina leséén i binatang karua itu wosama' wéan tuus ang kama kakan kuma'pa an tuintung éra.

Wahyu 13:16 ပူးပေါင်းရင်းမြစ်များ

Kisah Para Rasul 26:22

Taan yaku tinawang i Amang Kasuruan, siituo aku menonoué' akar asi endo anio'. Wo intarépé' aku makatulung am bia'i e méé kasairian andumoro' si Yesus ai camu im baya, tou sé iparangka-rangka' kuma'pa tou sé ipawawa-wawa'. Pakasa sé aicuaku itu meputé sé aicuao i Musa wo sé nabi indior.

1 Korintus 12:13

Taniitu ka'i kita im baya, mandé ka'i kita tou Yahudi kuma'pa tou ra'ica Yahudi, ata kuma'pa tou ra'ica pakakawasan é tou walina, kita im baya nibaptis i Roh Le'nas si meputé, wosama' kita émaan esa owak. Wo kita im baya ka'i sumangkumo mai ing kamang a si Roh Le'nas si makaleke-lekep itu.

Galatia 3:28

Anaé, pakasa in tou maéman a si Kristus ra'io wana em béda, mandé kai séra tou Yahudi kuma'pa tou ra'ica Yahudi, ata kuma'pa tou ra'io pakakawasan é tou walina, tuama kuma'pa wéwéné. Ampa'paan kamu im baya nianggap meputé an dior i Amang Kasuruan ampa'paano i Yesus Kristus.

Galatia 6:17

Tumo'tol intarépé' ra'io toro ka'i awéan esa tou en sumusa yaku, ampa'paan an owakku awéané' eng kala-kalat im péla' tanu tuus sapaoka aku anio' anu i Yesus.

Efesus 6:8

Ampa'paan kailekano miow sapaoka sé tou mengaéma' ing kalooran, mandé ka'i sia ata kuma'pa tou ra'ica pakakawasan é tou walina, tantu makéré oka in susuli' asi Casuruan.

Kolose 3:11

Wo in taniitu, kamu sé mamualio weru, ra'io wana em bédana, tou Yunani kuma'pa tou Yahudi, tou sinunat kuma'pa tou ra'ica sinunat, tou Barbar kuma'pa tou Skit, ata kuma'pa ra'ica ata, pakasa waya puté. Taan si penting keli si Kristus wo Sia menonouo an owak iow im baya.

2 Timotius 3:8

Katané'ianmupé' to en sisisilen i Yanes wo si Yambres? Indior séra in dua isumundur si Musa, en itu tanu intarépé' sé tou mengatawér sé wéwéné, séra itu ka'i mengasundur in sususuien wutul andumoro' si Yesus. Em bewerot é tou itu kinawasao im bewerot léwo' wo em paémanen éra a si Yesus ra'ica wutul.

Wahyu 11:18

Wo pakasa im bangsa mae'bowo, taan an témponao Ko tumuru' in e'bow-Mu wo makim sé tou imatéo. Si anioo en témpona e méé in laasa a sé ata-Mu, sérao sé nabi, wo pakasa sé tou le'nas, wo sé tou sé maindé' i ngaran-Mu, sé tou sé ra'ica pengasiriin kuma'pa sé tou pengasiriin. Si anioo en témpona ka'i e maté sé tou en luméwo' ing kayo'baan.”

Wahyu 15:2

Wo kaséréanku tanu awéan ta'sic kaca si kinemu in api. Wo awéan sé tou makatulung an tembir in ta'sic kaca itu. Séra itu sé tou imuntung asi binatang kataré, sé ra'ica mengakuru en sumiri' im patongna, wo ra'ica tumerima i nomor asi ngaran i binatang itu. Séra itu si esa wo si esa makatimboi esa kecapi aiwéé i Amang Kasuruan.

Wahyu 19:18

wosama' ro'na kanen iow waya en sama'na é kolano, sama'na é kikiiten é suraro, sama'na é tou keter, sama'na é kawayo wo sé makalukut an licurna, sama'na é pakasa in tou sé ra'ica pakakawasaan é tou walina kuma'pa sé ata, sé tou wawa' kuma'pa sé tou wangko'.”

Wahyu 19:20

Wo si binatang itu mewali-wali wo si nabi ra'ica wutul tinangka'o. Si nabi ra'ica wutul ituo si sumangkumo méma' in tuu-tuus kakaya'kaan an dior i binatang itu, akar sia sumélé'kow sé tou sé itumerimao in tuus i binatang itu wo si kumuru en sumiri' im patongna. Wo si binatang itu mewali-wali wo si nabi ra'ica wutul itu imenonoué' aiténdélo an ta'sic api walélang wangker si mengembu-ngembung.

Wahyu 19:5

Wo kalingaan awéan suara asi palukutan pasiri-siriin owo icumua in tana'i, “Irayoo mangé si Amang Kasuruanta, éi icamu im baya sé ata-Na si maindé' ai Sia, icamu sé tou ra'ica pengasiriin kuma'pa sé tou pengasiriin.”

Wahyu 20:12

Wo kaséréanku sé tou sé pasiri-siriin wo sé tou ra'ica pasiri-siriin sé imatéo, séra makatulung an dior im palukutan pasiri-siriin itu. An tutuw itu pakasa eng kitap winuka', wo winuka' ka'i eng kitap walina siituo eng kitap ing katouan. Wo sé tou imatéo akimen kumiit im pinengaéma' éra si aipatico asé kitap itu.

Wahyu 20:4

Kekawus in itu sérénku em palukutan pasiri-siriin, wo sé makalukut am bawona. Séra winéan kawasa e makim. Wo sérénku ka'i sé mu'kur é tou sé imaté pinokolan in do'kos ampa'paan mengasairi in andumoro' i Yesus wo ka'i mengakua in Taar i Amang Kasuruan. Séra sé tou sé ra'ica makuru en sumiri' a si binatang itu wo im patongna, wo ra'ica tumerima in tuusna an tuintung wo ang kama éra. Séra itu tinou sumawel wo merénta mewali-wali wo si Kristus sangariwu ngata'un eng kauréna.

Wahyu 6:15

Wo sé kolano ang kayo'baan, sé tou wangko', sé kikiiten é suraro, sé tou siya', sé tou makatimboi ing kawasa, sé ata wo sé tou ra'ica pakakawasan é tou walina, séra im pakasa rumaméji menep an untep im bo'bo-wo'bok wangker, wo am paawuu-paawuun im batu- watu ing kuntung.

Wahyu 7:3

“Tioo léwoon eng katanaan, en ta'sic kuma'pa sé tuura ing kayu, sa ra'ipé' pinakaségél ami en tuintung é ata i Amang Kasuruan ami!”