Wahyu 13:15 - En Taar Weru a nunuwu' é Tontemboan

¹⁵ Wo si binatang karua itu ka'i tumerima ing kawasa e méma' im patong i binatang kataré itu menonou, akar em patong itu ro'na rumoma' wo maté pakasa in tou sé ra'ica kumuru en sumiri' a si patong itu.

Wahyu 13:15 ပူးပေါင်းရင်းမြစ်များ

Yakobus 2:26

Anaé, si tou makua sapaoka sia maéman a si Casuruan taan ra'ica maéma' in loor, em paémanenna itu ra'ica wana torona. Sia itu meputé wo si tou makaowak taan ra'ica nimu'kuran.

Wahyu 13:1

Wo sérénku awéan esa binatang icumesotai an untep in ta'sic owo, sia makaro'kos pitu wo makasungé sangapulu'. An tempok é sungé itu awéan sangapulu' mahkota. Wo an do'kos i binatang itu pinatican i ngara-ngaran é maojat si Amang Kasuruan.

Wahyu 13:12

Wo pakasa eng kawasa si aiwéé i binatang kataré ai sia, pinakéna en itu an dior i binatang kataré wosama' pakasa in tou sé menonou ang kayo'baan kumuru en sumiri' a si binatang kataré itu. Siao si binatang si masama'o em péla'na si misioka makawali sia am papaté.

Wahyu 13:14

Wo ampa'paan in tuu-tuus sé niéma'nao an dior i binatang kataré itu, sé tou ang kayo'baan anio' aisélé'kowna. Iru'du'na séra méma' im patong eng giona tanu si binatang kataré, si pinéla'o in sa'bel taan menonouke'.

Wahyu 14:11

Wo en tembur in api e mokoi iséra itu memulu-mulut akar ing kauré-uré, wo séra pengoko-ngokoien endo wo em bengi. Séra ituo sé tou makuru en sumiri' si binatang wo im patongna itu wo sé itumerima in tuus i ngaranna.”

Wahyu 14:9

Kekawus in itu, mai ka'i si esa malaékat walina. Sia itu malaékat katelu, wo sia kumua in taangko', “Si séi e maapo' a si binatang kataré wo im patongna itu, wo tumerima in tuus an tuintung kuma'pa ang kamana,

Wahyu 16:2

Wo si malaékat kataré mangé wo ituasna sé an untep im paelepanna itu ang kayo'baan. Wo pakasa é tou sé awéan tuus i binatang itu wo makuru en sumiri' asi patongna, linemboan ing kupes léwo' wo kaindéén keli.

Wahyu 16:5

Wo kalingaanku si malaékat makakawasa an dano itu kumua, “Icoo si le'nas, si awéano indior, wo ka'i awéan akar intarépé'. Ico si ra'ica marapit, ampa'paan Ico imééo in ukuman anio'.

Wahyu 17:14

Séra merang oka en sumundur si Toyaang i Domba, taan si Toyaang i Domba ra'- ica kinakalaan éra, ampa'paan Sia Tuang am pakasa é tuang, wo Kolano am pakasa é kolano. Si Toyaang i Domba itu mewali-wali wo sé tou sé tinowao, sé sinisiro wo sé le'tek ai Sia, muntung oka.

Wahyu 17:17

Ampa'paan si Amang Kasuruan matawoi an até éra wosama' émaan éra sapa en icasalé'-Na. Ampa'paan in ituo séra meesa e méé ing kawasa éra a si binatang itu, akar linekepo waya sé aicua-Na.

Wahyu 17:6

Wo sérénku si wéwéné itu malanguo ampa'paan i melep in enda' é tou le'nas wo in enda' é sairi-sairi i Yesus. Keséréku isia, yaku mangaya-ngaya'ka'.

Wahyu 18:20

Maaru-aruio mangé éi sorga, éi tou le'nas, sé ruru'du'an wo sé nabi! Ampa'paan sia niukumo i Amang Kasuruan, tanu in susuli' a sé kaléwo-léwo'an sé niéma'na ai camu.”

Wahyu 18:24

An untepna kinéréan enda' é nabi, enda' é tou le'nas wo enda' waya é tou sé pinaté ang kayo'baan.

Wahyu 19:20

Wo si binatang itu mewali-wali wo si nabi ra'ica wutul tinangka'o. Si nabi ra'ica wutul ituo si sumangkumo méma' in tuu-tuus kakaya'kaan an dior i binatang itu, akar sia sumélé'kow sé tou sé itumerimao in tuus i binatang itu wo si kumuru en sumiri' im patongna. Wo si binatang itu mewali-wali wo si nabi ra'ica wutul itu imenonoué' aiténdélo an ta'sic api walélang wangker si mengembu-ngembung.

Wahyu 20:4

Kekawus in itu sérénku em palukutan pasiri-siriin, wo sé makalukut am bawona. Séra winéan kawasa e makim. Wo sérénku ka'i sé mu'kur é tou sé imaté pinokolan in do'kos ampa'paan mengasairi in andumoro' i Yesus wo ka'i mengakua in Taar i Amang Kasuruan. Séra sé tou sé ra'ica makuru en sumiri' a si binatang itu wo im patongna, wo ra'ica tumerima in tuusna an tuintung wo ang kama éra. Séra itu tinou sumawel wo merénta mewali-wali wo si Kristus sangariwu ngata'un eng kauréna.