Wahyu 12:9 - En Taar Weru a nunuwu' é Tontemboan

⁹ Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Wahyu 12:9 ပူးပေါင်းရင်းမြစ်များ

Matius 13:39

Si kaséké' si muras in lulumbo ing kuung, siao si kikiiten é sétang. En oras imaupu' siituo en endo kaka'puan ing kayo'baan wo sé tou imaupu' itu, sérao sé malaékat.

Matius 24:24

Ampa'paan sé kristus ra'ica wutul wo sé nabi ra'ica wutul mapaturu' oka. Émaan éra oka en tuu-tuus wo kakaya'kaan sé ra'io icakua en sumélé'kow sé tou, sa woo ro'na ka'i, isélé'kow éra sé tou sinisiro i Amang Kasuruan.

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

Matius 4:1

Kekawus in itu si Yesus iwali i Roh Le'nas an tana' kapayasan em pangepé'an i kikiiten é sétang.

Matius 4:10

Taan icua i Yesus ai sia, “Mangém ko, é kikiiten é sétang! Ang Kitap Le'nas aipatic in tana'i, ‘Ico musti kumuru en sumiri' a si Casuruan, si Amang Kasuruanmu, wo wayake' Sia em patus pengaselewiranmu.’ ”

Matius 4:5

Kekawus in itu, si Yesus iwali ka'i i kikiiten é sétang ang Kota Le'nas, wo itulungna Sia am buwungan im Balé Le'nas.

Matius 4:8

Kekawus in itu iwali ka'i i kikiiten é sétang si Yesus a si esa kuntung rumangka-rangka'. Ituru'na asi Yesus pakasa eng kakolanoan ing kayo'baan wo eng kasiyaanna.

Lukas 10:18

Icua i Yesus ai séra, “Én. Sinéré-Kuo si kikiiten é sétang ilumepok an langit owo tanuoka kilat.

Lukas 13:16

Am bia'i awéan esa wéwéné taranak i Abraham, sia sangapulu' walu ngata'uno kinawasa i kikiiten é sétang. Suméa' réén sa sia iwekar ang kakawasaan i kikiiten é sétang asi endo Sabat?”

Lukas 22:3

Wo kawasan i kikiiten é sétang si Yudas si patuulen ka'i Iskariot. Sia esaan asé sangapulu' rua murit i Yesus.

Lukas 22:31

Wo icua i Yesus a si Simon Petrus, “Simon, Simon, wéanmu rékén sumama-sama'! Si kikiiten é sétang imakéréo kaloasan asi Amang Kasuruan e mangepé' ai camu im baya, akar catané a Yaku. Si kikiiten é sétang itu tanu si menganguma tumaap im béné' en tumané im béné' loor wo sé wéné' pesel.

Lukas 8:12

En lulumbo irumongkor an tembir in lalan itu, ayandé sé tou ilumingao in Taar i Amang Kasuruan. Taan kekawus éra iluminga in Taar itu wo mai si kikiiten é sétang rumombit in Taar itu an até éra wosama' séra ra'ica maéman wo ra'ica malowir.

Yohanes 12:31

Intarépé' an témponao si Amang Kasuruan makim sé tou ang kayo'baan anio', wo si kikiiten é sétang si makakawasa ang kayo'baan anio' iténdél oka ang kesot.

Yohanes 14:30

Intarépé' Aku ra'io kumeli roma' ai icamu, ampa'paan si kikiiten é sétang si kumawasa ing kayo'baan anio' ang karoro'ano i maai. Taan sia ra'ica wana kawasa sapake' mangé a Yaku.

Yohanes 16:11

Katelu, ituru'-Na oka a sé tou sapaoka sé tou mengaéma' ing kamesé-meséaan tantu ukumen, ampa'paan si kikiiten é sétang si cumawasa ing kayo'baan anio' aitantuo in ukumen.

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’

Kisah Para Rasul 5:3

Wo icua i Petrus, “Ananias, kéitu réén en atému kinawasa i kikiiten é sétang? Ico tumowoo a si Roh Le'nas wo tinangmuke' si sangaperua im bééna in tana' itu.

Roma 16:18

Ampa'paan sé tou tanu siitu ra'ica matawoi sumelewir si Kristus Apo'ta, taan séra matawoi asalo makiit ing kasalé'an éra in esa. Séra maroma' mapaké i roroma' matawér wo nunuwu' sé manam palingan, akar séra imuwako sé tou sama' en até.

Roma 16:20

Wo si Amang Kasuruan, si palemboian ing kaeluran, makala'us tumeri si kikiiten é sétang an darem ing kécéi miow sa. Wo pekiupusenku en upus aitambér i Yesus Kristus Apo'ta mewali-wali oka wo icamu.

2 Korintus 11:14

Kamu ra'ica sangali mangaya'ka' andumoro' in itu. Ampa'paan si kikiiten é sétang mengaéma' in owak tanuoka woo si malaékat in sendot!

2 Korintus 11:3

Taan en caindé'ku em bewerot iow kauwakan akar ra'io ka'i wutu-wutul le'tek a si Kristus, kaputé i Hawa indior ka'i kinatawéran i ula' ampa'paano im pakauwak i ula' itu.

2 Korintus 12:7

Taan wosama' aku ra'ica talos tumirayo ampa'paan pinapaturu'an ing kakaya'kaan itu, anaé an owakku winéan esa tutuné. En itu aiwéé i kikiiten é sétang e méma' aku mawendu wosama' ra'ica tumirayo.

2 Korintus 2:11

Émaanku en itu wosama' si kikiiten é sétang ra'ica wana témpo loor muwak icita, ampa'paan kailekanta em pawasa-wasanna léwo'.

2 Korintus 4:4

Sé tou ra'ica mapercaya, em pakawerot éra winolao i opo' léwo' si makakawasa ing kayo'baan anio', akar séra ra'io mailek in sendot in Abar Kaaruien itu. Anaé, séra ra'ica makailek tambisa eng kawangko' i rarayo wo in sisiri' i Kristus, si meputé ulit wo si Amang Kasuruan.

Efesus 4:14

Wo in taniitu, kita ra'io ka'i kaputé é toyaang sé taporakké' pauwaken wo ipawali-walipé' i membam-balinaan sususuien é tou sé ra'ica wutul. Séra mengasélé'kow sé tou ang karapi in sususuien sé mengauwak.

2 Tesalonika 2:3

Tioo kamu kauwakan é tou sapake' mangé en lalanna. Ampa'paan an tutuw ra'ipé' mai si Apo' Yesus, tantu mamuali owo sé andumoro' in anio': Keli sé tou maéman mamualio léwo' wo kumélong si Casuruan. Wo awéan si tou luméwo-léwo' mai mapaturu' in owakna, si tou itu aitantuo yuntep ang kayo'baan é tou imatéo.

1 Timotius 2:14

Wo ka'i, ra'ica si Adam eng kinauwakan, taan si wéwéné eng kinauwakan i kikiiten é sétang, akar sia sumunduro im perénta i Amang Kasuruan.

2 Timotius 3:13

Taan sé tou léwo' wo sé tou mengauwak, séra itu makaléwo' oka. Séra mengauwak sé tou, taniitu ka'i wo sé tou walina maréng sumawel sumuli' muwak iséra.

Ibrani 2:14

Sé tou patuulen i Yesus toya-toyaang itu, séra asaloke' tou si ro'na maté. Anaé, si Yesus imamuali tou wo menonou meputé wo sé tou, wosama' em papaté ro'na sangkumen-Na kaputé in tou. Wo ampa'paano im papaté-Na itu, ro'na kalan-Na si kikiiten é sétang si makakawasa im papaté.

1 Petrus 5:8

Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna.

1 Yohanes 5:19

Kailekanta sa kita anio' asi Amang Kasuruan owo, wo pakasa sé ang kayo'baan anio' pakakawasaan i kikiiten é sétang.

Yudas 1:9

Sédangkan si Mikhael in esa si kikiiten é malaékat, sia maindé'ke' tumudu a si kikiiten é sétang imaké i nunuwu' si mengaojat an tutuw meindo-indoan roma' wo isia andumoro' i mayat i Musa. An tutuw itu si Mikhael asaloke' icumua in tana'i, “Mandéo si Amang Kasuruan oka en tumegor in depet ai co!”

Wahyu 12:12

Ampa'paan in ituo éi sorga wo kamu im baya sé maento' an untepna maaru-aruio, éi camu sé ang katanaan wo sé an ta'sic icawangkuro! Ampa'paan kailekano i kikiiten é sétang sapaoka en témpona tawio maka'pu, wo tumumpao mai sia ai camu ang karapi i mae'bow keli.”

Wahyu 12:3

Wo mapaturu' mai ka'i esa tuus walina an langit. Wo séréno si esa naga wangker kliur réindang. Sia itu makaro'kos pitu wo awéan sangapulu' sungé. An do'kos si esa wo si esa awéan mahkota.

Wahyu 12:7

Kekawus in itu mamualio mai em perang an sorga. Si Mikhael wo sé malaékatna maperang sumundur si naga itu, wo si naga itu tinawang é malaékatna.

Wahyu 12:8

Taan si naga wo sé malaékatna makala i merang, akar séra ra'io ka'i makéré paento'an an sorga.

Wahyu 13:14

Wo ampa'paan in tuu-tuus sé niéma'nao an dior i binatang kataré itu, sé tou ang kayo'baan anio' aisélé'kowna. Iru'du'na séra méma' im patong eng giona tanu si binatang kataré, si pinéla'o in sa'bel taan menonouke'.

Wahyu 16:14

Séra ituo sé roh é sétang sé mengaéma' in tuu-tuus kakaya'kaan. Wo séra mangé meta'up asé im pakasa é kolano am pakasa ing kayo'baan wo lumi'us iséra e mangé merang asi endo si Amang Kasuruan si Makakawasa makim sé tou.

Wahyu 18:2

Wo sia kumua in taangko' keli, “Matongkaro, matongkaro eng kota Babel wangker itu. Sia mamualio paento'an é roh léwo', wo paenepan waya é roh najis wo paenepan waya é binatang najis wo sé pasuu-pasut.

Wahyu 18:23

Wo ra'io ka'i kaséréanai en sendot in sosoloan an untepna, wo ra'io ka'i kalingaanai en suara im pésta ing kinawéngan. Sé mawangkér am bitu, sérao sé tou wangko' sé pasiri-siriin ang kayo'baan, wo em bangsa-bangsa aisélé'kowo in sihirna.”

Wahyu 19:20

Wo si binatang itu mewali-wali wo si nabi ra'ica wutul tinangka'o. Si nabi ra'ica wutul ituo si sumangkumo méma' in tuu-tuus kakaya'kaan an dior i binatang itu, akar sia sumélé'kow sé tou sé itumerimao in tuus i binatang itu wo si kumuru en sumiri' im patongna. Wo si binatang itu mewali-wali wo si nabi ra'ica wutul itu imenonoué' aiténdélo an ta'sic api walélang wangker si mengembu-ngembung.

Wahyu 2:13

Kailekan-Ku em paento'an iow, asi tampa pakakawasan i kikiiten é sétang. Taan kamu uli-ulit le'tek maéman a Yaku wo ra'ica sangkalen iow em paémanen iow a Yaku, mandé ka'i sinéré miow si Antipas sairi le'tek-Ku pinaté an dior iow asi tampa pakakawa- san i kikiiten é sétang.

Wahyu 2:24

Taan awéané' sé tou walina ai camu an Tiatira sé ra'ica makiit in sususuien i Izebel, wo ra'ica masalé' makailek andumoro' si kikiiten é sétang. Wo ra'ica kiim-Ku méé im pamuléngen walina ai camu

Wahyu 2:9

Kailekan-Ku eng kasusaan iow wo eng kalengéian iow, taan am beren i Casuruan kamu siya'. Kailekan-Ku ka'i e ngaran iow pengawuruken é tou sé mangaku séra tou Yahudi. Taan en ulitna séra ra'ica tou i Amang Kasuruan taan séra itu jamaat i kikiiten é sétang.

Wahyu 20:10

Wo si kikiiten é sétang si sumélé'kowo sé tou itu, iténdél an untep in ta'sic api wo walélang. An tampa ituo en tinéndélan si binatang wo si nabi ra'ica wutul. Wo am bitu séra niokoi endo wo em bengi akar ing kauré-uré.

Wahyu 20:8

Wo mangéna oka isélé'kow sé bangsa sé am pakasa ing kayo'baan, sérao sé patuulen ‘Gog’ wo ‘Magog’. Wo séra li'usen oka i kikiiten é sétang e mangé merang. Eng kakeli éra tanu in dangi'ngis an tembir in ta'sic.

Wahyu 3:9

Séréno! Pira-piraan tou asé jamaat i kikiiten é sétang, sé matuul in owak éra tou Yahudi, taan en ulitna ra'ica taniitu, séra itu kotowo. Émaan-Ku oka séra itu mai wo kumundu an dior ing kécéi miow, wo kakailekan oka éra sapaoka kamu icaupus-Ku.

Wahyu 9:1

Wo sengono i malaékat kalima en terompétna, wo sérénku si esa sumesendot an langit owo rumongkorai ang kayo'baan. Wo si sumesendot itu winéan ing kukusi' e muka' im papalen pauntepan ang kepal im papaté.

Wahyu 9:20

Taan sé tou walina sé ra'ica imaté ing kawangkuran itu, ra'- ica kiim mape'dis mengéma-ngéma' sé léwo'. Séra ka'i ra'ica kiim mento' makuru en sumiri' a sé roh léwo' wo a sé patong-patong tanumai patong mas, pérak, tambaga, watu wo kayu sé ra'ica maséré, malinga, kuma'pa ka'i mawaya'.