Wahyu 12:8 - En Taar Weru a nunuwu' é Tontemboan

⁸ Taan si naga wo sé malaékatna makala i merang, akar séra ra'io ka'i makéré paento'an an sorga.

Wahyu 12:8 ပူးပေါင်းရင်းမြစ်များ

Matius 16:18

Icua-Ku ka'i ai co: Ico si Petrus wo am bawo im batu karang anio' tooran-Ku oka sé jamaat-Ku wo ra'ica kawisa kawasan im papaté.

Kisah Para Rasul 1:25

Si tou ituo en sumawel maselewir wo tumerima oka in tawoien ruru'du'an si aitela'uo i Yudas. Si Yudas anio' imakéréo in tampa si patus terimana.”

Yudas 1:6

Taniitu ka'i wo sé malaékat sé lumébéo maké ing kakawasaan si aitantuo ai séra wo itumela'uo im patawoian éra. Séra yuntep asi tampa si uli-ulit riréimbeng, am bitu séra wina'kes i ranté si ra'ica kawukaan akar ing kauré-uré. Séra tinang am bitu akar asi endo pengaakiman en akimen asi endo wangko' itu.

Wahyu 12:11

Wo sé poo-poowta an esa paémanen itu kumala sia ang karapi in enda' i Toyaang i Domba wo ampa'paan sé nunuwu' ing kasairian éra. Séra ra'io mengaupus in owak éra in esa mandé ka'i meta'up im papaté.

Wahyu 12:7

Kekawus in itu mamualio mai em perang an sorga. Si Mikhael wo sé malaékatna maperang sumundur si naga itu, wo si naga itu tinawang é malaékatna.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Wahyu 20:11

Wo kaséréanku awéan esa palukutan pasiri-siriin kulo' wangker wo Sia si makalukut am bawona. Wo an dior-Na en tana' wo en langit icatala wo ra'io ka'i peta'up en tampana.