Wahyu 12:3 - En Taar Weru a nunuwu' é Tontemboan

³ Wo mapaturu' mai ka'i esa tuus walina an langit. Wo séréno si esa naga wangker kliur réindang. Sia itu makaro'kos pitu wo awéan sangapulu' sungé. An do'kos si esa wo si esa awéan mahkota.

Wahyu 12:3 ပူးပေါင်းရင်းမြစ်များ

Wahyu 12:1

Kekawus in itu, kaséréano an langit awéan tuus wangko'. Awéan esa wéwéné en owakna pakasaputen i yéndo wo eng kécéi aiweta'na am bawo i serap. Wo en do'kosna pinakéan i mahkota si niéma' asé sangapulu' rua sumesendot.

Wahyu 12:13

Wo an tutuw kailekano i naga sapaoka sia aiténdélo ang kayo'baan, paangitennao si wéwéné si tumou si Toyaang tuama itu.

Wahyu 12:17

Wo si wéwéné itu cae'bow i naga, wo mangé serangenna sé taranak walina i wéwéné itu. Séra ituo sé tou makiit in ukum-ukum i Amang Kasuruan wo mawéé ing ka- sairian andumoro' si Yesus.

Wahyu 12:4

Wo en ipusna méso' sé sangapetelu sumesendot an langit wo iténdélna ang kayo'baan. Si naga itu tumulung an dior i wéwéné si tawio makéré toyaang en lumo'mot si toyaangna, sa si toyaang itu tumou.

Wahyu 12:7

Kekawus in itu mamualio mai em perang an sorga. Si Mikhael wo sé malaékatna maperang sumundur si naga itu, wo si naga itu tinawang é malaékatna.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Wahyu 13:1

Wo sérénku awéan esa binatang icumesotai an untep in ta'sic owo, sia makaro'kos pitu wo makasungé sangapulu'. An tempok é sungé itu awéan sangapulu' mahkota. Wo an do'kos i binatang itu pinatican i ngara-ngaran é maojat si Amang Kasuruan.

Wahyu 13:2

Si binatang sinéréku itu, en owakna puté wo in owak i macan tutul, eng kécéina puté wo ing kécéi i beruang, em ba'ba'na puté wo im ba'ba' i singa. Wo iwéé i naga eng kaketeranna itu, em palukutan pasiri-siriinna wo eng kawasana wangko' a si binatang itu.

Wahyu 13:4

Séra kumuru en sumiri' a si naga itu ampa'paan eng kawasana aiwéénao a si binatang itu. Wo séra kumuru en sumiri' a si binatang itu wo kumua,“Ra'ica wana binatang kaputé i binatang itu. Wo ra'ica wana e makawoo sumundur sia.”

Wahyu 15:1

Wo kaséréanku an langit awéan tuus walina si wangko' wo kakaya'kaan. Awéan pitu malaékat sé maali-ali im pitu kawangkuran sosomoi. Sa sé pitu kawangkuran itu icumawuso, eng kae'bowan i Amang Kasuruan ka'i icumawuso.

Wahyu 16:13

Wo kaséréanku awéan telu roh léwo' tanuoka kesol. Sé telu roh léwo' itu, si esa kumesot am ba'ba' i naga, si esa kumesot am ba'ba' i binatang, si esa ka'i cumesot am ba'ba' i nabi ra'ica wutul.

Wahyu 17:12

Sé sangapulu' sungé sé sinérému itu, sérao sé sangapulu' kolano. Séra itu ra'ipé' maperénta, taan séra makéré oka kawasa merénta tanu kolano wayake' in esa jam mewali-wali wo si binatang itu.

Wahyu 17:16

Wo sé sangapulu' sungé sé sinérému wo si binatang itu, masuut oka asi wéwéné sundal itu. Wo andéten éra eng kasiyaanna itu wo tangkolan éra. Wo kanen éra en sama'nana wo tunun éra in api.

Wahyu 17:7

Wo icua i malaékat a yaku, “Kéitu réén ko mangaya-ngaya'ka'? Isisilku oka ai co eng kaangéanna sé aicaenepé' andumoro' i wéwéné wo si binatang pakasakéanna si binatang pitu en do'kos wo sangapulu' en sungé.”

Wahyu 19:12

Em beren-Na tanu embung in api, wo an do'kos-Na keli e mahkota. Wo an owak-Na pinatican esa ngaran. Eng kaangéan i ngaran itu ra'ica wana e makailek, wayake' Sia e makailek.

Wahyu 20:2

Wo si naga ula' matu'a itu tangkaanna, siao si kikiiten é sétang. Wo ranténna si naga itu sangariwu ngata'un eng kauré.