Wahyu 12:2 - En Taar Weru a nunuwu' é Tontemboan

² Sia maowa-owak, wo an témponao i makéré toyaang. Ampa'paan in ituo sia mengangko-ngangko' ing kasakitan.

Wahyu 12:2 ပူးပေါင်းရင်းမြစ်များ

Matius 24:8

Taan pakasa en itu asalopé' to'tolan ing kawenduan tutuw ra'ipé' mai en jaman weru.

Yohanes 16:21

Sa si esa wéwéné tawio makéré toyaang, sia mawendu ampa'paan an témponao itouna si toyaang. Taan kekawusna i makéré toyaang, ra'io ka'i pena'né-na'néienna eng kawenduan itu. Sia arui keli ampa'paan si esa tou aitounao ang kayo'baan.

Galatia 4:19

Éi toya-toyaang sé caupusku, ampa'paan maindé' in andumoro' icamu, yaku ka'i mawendu puté wo ing kawenduan si pinendamo mai i esa wéwéné tutuw makéré toyaang. Yaku mawendu oka melala'us tanu siitu akar em peri i Kristus kaséréan an owak iow.

Galatia 4:27

Ampa'paan aipatico in tana'i: “Éi wéwéné si ra'ica kawisa méé toyaang, maaru-aruio mangé! Éi ko si ra'ica sumangkum ako mendam in sakit méé toyaang, maaru-aruio wo masalé-salé'o mangé! Ampa'paan si wéwéné aitela'u i penanaanna, makéré oka toyaang lébé keli wo si wéwéné makapenanaan.”

Wahyu 12:4

Wo en ipusna méso' sé sangapetelu sumesendot an langit wo iténdélna ang kayo'baan. Si naga itu tumulung an dior i wéwéné si tawio makéré toyaang en lumo'mot si toyaangna, sa si toyaang itu tumou.