Wahyu 12:12 - En Taar Weru a nunuwu' é Tontemboan

¹² Ampa'paan in ituo éi sorga wo kamu im baya sé maento' an untepna maaru-aruio, éi camu sé ang katanaan wo sé an ta'sic icawangkuro! Ampa'paan kailekano i kikiiten é sétang sapaoka en témpona tawio maka'pu, wo tumumpao mai sia ai camu ang karapi i mae'bow keli.”

Wahyu 12:12 ပူးပေါင်းရင်းမြစ်များ

Lukas 15:10

Icua-Ku ai camu, tanu siitu ka'i sé malaékat i Amang Kasuruan an sorga séra ka'i maaru-arui oka sa awéan esa tou mape'dis ang kamesé-meséaan.”

Lukas 2:14

“Irayoo wo siriino mangé si Amang Kasuruan an tampa rumangka-rangka'! Wo am bawo ing kayo'baan wéan-Na mai ing kaeluran a sé tou sé mengaarui in até-Na.”

Ibrani 10:37

Ampa'paan awéan aipatic ang Kitap Le'nas in tana'i, “Ra'io uré Sia si maai itu maayo, wo ra'io mauré-uré.

2 Petrus 3:8

Taan é poo-poow sé icaupusku, awéan esa si musti pena'né-na'néien iow sapaoka am beren i Amang Kasuruan sangando meputé in sangariwu ngata'un, kuma'pa sangariwu ngata'un meputé wo en sangando.

Wahyu 10:6

wo sumumpa ai Sia si menonou akar ing kauré- uré, si méma' in langit wo pakasa sé an untepna, in tana' wo pakasa sé an untepna, in ta'sic wo pakasa sé an untepna. Icua i malaékat itu in tana'i, “En témpona ra'io ka'i pelando-landoi!

Wahyu 11:10

Pakasa in tou sé maento' ang kayo'baan maarui oka ampa'paan im pinatéan é rua nabi itu. Séra mésta oka wo mensan-sawelan ing kadow, ampa'paan sé rua nabi ituo akar sé tou maento' ang kayo'baan makéré in okoi.

Wahyu 11:14

Wo in taniitu si kawangkuran karua ilumangkoio. Wo séréno! Eng kawangkuran katelu ra'io uré ka'i maai.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Wahyu 13:6

Wo sia muka' im ba'ba'na e mojat si Amang Kasuruan wo i ngaran-Na, em paento'- an-Na an sorga, wo pakasa sé maento' an sorga.

Wahyu 18:20

Maaru-aruio mangé éi sorga, éi tou le'nas, sé ruru'du'an wo sé nabi! Ampa'paan sia niukumo i Amang Kasuruan, tanu in susuli' a sé kaléwo-léwo'an sé niéma'na ai camu.”

Wahyu 8:13

Wo kaséréanku awéan esa rajawali tuméléw rumangka-rangka' an langit. Wo linganku si rajawali itu mengangko-ngangko', “Icawangkur, icawangkur, icawangkuro sé tou sé maento' ang kayo'baan, ampa'paan awéané' telu malaékat walina sé sumengo oka in terompét éra.”

Wahyu 9:12

Eng kawangkuran kataré itu ilumangkoio, taan awéané' rua ka'i kawangkuran eng kumiitai.