Wahyu 12:11 - En Taar Weru a nunuwu' é Tontemboan

¹¹ Wo sé poo-poowta an esa paémanen itu kumala sia ang karapi in enda' i Toyaang i Domba wo ampa'paan sé nunuwu' ing kasairian éra. Séra ra'io mengaupus in owak éra in esa mandé ka'i meta'up im papaté.

Wahyu 12:11 ပူးပေါင်းရင်းမြစ်များ

Lukas 14:26

“Sa si esa tou uli-ulit kumiit Yaku, sia musti uli-ulit maupus Yaku lumébémai ing kaupusanna a si amangna wo si inangna, a si penanaan i tuama, a sé toyaangna, a sé poo-poowna wéwéné kuma'pa tuama wo ka'i lumébémai ing kaupusanna an owakna in esa. Sa sia ra'ica mengaupus Yaku tanu siitu, sia ra'ica toro mamuali murit-Ku.

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

Kisah Para Rasul 21:13

Taan sinowatke' i Paulus, “Kéitu réén kamu maamé' taniitu? Kamu iméma'o in atéku mawendu. Sapake' e mamuali an Yerusalem, yaku tu'tulo, ra'ica im ba'kesenke' taan ka'i tu'tulo i maté ampa'paan i Apo' Yesus.”

Roma 16:20

Wo si Amang Kasuruan, si palemboian ing kaeluran, makala'us tumeri si kikiiten é sétang an darem ing kécéi miow sa. Wo pekiupusenku en upus aitambér i Yesus Kristus Apo'ta mewali-wali oka wo icamu.

1 Korintus 15:57

Taan makapulu'sama' a si Amang Kasuruan, ampa'paan niéma'-Na mai kita imuntung sumundur im papaté ampa'paano i Apo'ta, Yesus Kristus.

1 Yohanes 4:4

Toya-toyaangku, kamu itu asi Amang Kasuruan owo. Kamu icumalao sé nabi ra'ica wutul itu, ampa'paan e Roh ai camu itu eng kawasana en lébé wangko' mai wo si roh asi cayo'baan anio'.

1 Yohanes 5:5

Si séi réén e makawoo kumala si léwo' ang kayo'baan anio'? Tantu si tou maéman sapaoka si Yesus itu Toyaang i Amang Kasuruan.

Wahyu 1:2

Wo si Yohanes méé ka'i ing kasairian andumoro' im pakasa sé sinéréna, siituo sé andumoro' in Taar i Amang Kasuruan wo ka'i sé andumoro' ing kasairian i Yesus Kristus.

Wahyu 1:9

Yaku si Yohanes poow an esa paémanen si mewali-wali wo icamu mendamai in okoi ampa'paan makiit si Yesus. Terimanta oka mewali-wali em bagéanta ang Kakolanoan-Na, wo talesen mangento-ngento' si Yesus maai sumawel. Wo yaku aisingkir angé am pulou Patmos ampa'paan mengakua in Taar i Amang Kasuruan wo me- ngasairi andumoro' sapa si aicua i Yesus.

Wahyu 11:7

Sa séra icumawuso méé ing kasairian, kumesoto mai ang kepal im papaté si binatang luméwo-léwo'. Sia mai oka sumerang iséra, kumala wo maté iséra.

Wahyu 12:17

Wo si wéwéné itu cae'bow i naga, wo mangé serangenna sé taranak walina i wéwéné itu. Séra ituo sé tou makiit in ukum-ukum i Amang Kasuruan wo mawéé ing ka- sairian andumoro' si Yesus.

Wahyu 19:10

Wo aku kumundu an dior ing kécéi i malaékat itu en sumiri' sia, taan icuana a yaku, “Tioo ko méma' taniitu a yaku! Ampa'paan yaku asaloke' ata i Amang Kasuruan kaputému wo kaputé é poo-poowmu an esa paémanen sé masairi andumoro' i Yesus. Apoono mangé si Amang Kasuruan, ampa'paan eng kasairian i Yesus ituo e méma' sé tou mengakua in Taar i Amang Kasuruan.”

Wahyu 2:13

Kailekan-Ku em paento'an iow, asi tampa pakakawasan i kikiiten é sétang. Taan kamu uli-ulit le'tek maéman a Yaku wo ra'ica sangkalen iow em paémanen iow a Yaku, mandé ka'i sinéré miow si Antipas sairi le'tek-Ku pinaté an dior iow asi tampa pakakawa- san i kikiiten é sétang.

Wahyu 2:17

Si séi si makalunteng, aweso taré sia luminga sapa en aicua i Roh a sé jamaat: Si séi si muntung, sia wéan-Ku oka kakanen manna si pakaenepé', wo wéan-Ku oka ka'i sia watu kulo' si pinatican i ngaran weru. E ngaran weru itu ra'ica wana e makailek, wayake' si tumerima.”

Wahyu 2:26

Si séi si muntung wo mengaéma' sapa sé icasalé'-Ku akar asi endo ing ka'karan, wéan-Ku oka sia kawasa e merénta im bangsa-bangsa.

Wahyu 2:7

Si séi si makalunteng, lébé loor sia luminga sapa en aicua i Roh a sé jamaat. Si séi si muntung wéan-Ku oka sia kaloasan eng kuman im bua'na in tuura ing katouan si an untep in Taman Firdaus i Amang Kasuruan.”

Wahyu 20:4

Kekawus in itu sérénku em palukutan pasiri-siriin, wo sé makalukut am bawona. Séra winéan kawasa e makim. Wo sérénku ka'i sé mu'kur é tou sé imaté pinokolan in do'kos ampa'paan mengasairi in andumoro' i Yesus wo ka'i mengakua in Taar i Amang Kasuruan. Séra sé tou sé ra'ica makuru en sumiri' a si binatang itu wo im patongna, wo ra'ica tumerima in tuusna an tuintung wo ang kama éra. Séra itu tinou sumawel wo merénta mewali-wali wo si Kristus sangariwu ngata'un eng kauréna.

Wahyu 3:12

Si séi e muntung, émaan-Ku oka sia mamuali totombol am Balé Le'nas i Amang Kasuruan-Ku, wo sia mento' oka am bitu akar ing kauré-uré. Ipatic-Ku oka ka'i ai sia e ngaran i Amang Kasuruan-Ku, e ngaran ing kota i Amang Kasuruan-Ku Yerusalem weru. Wo eng kota itu itumpa oka mai i Amang Kasuruan an sorga owo. Wo ipatic-Ku oka ai sia e ngaran weru-Ku.

Wahyu 3:21

Si tou muntung ilukut-Ku oka sia ang karapi-Ku asi palukutan pasiri-siriin-Ku, meputé wo Yaku si muntungo wo lumukut mewali-wali wo si Amang-Ku asi palukutan pasiri-siriin-Na.

Wahyu 3:5

Si séi e muntung sia pakéan ing karai tanu siitu. Wo e ngaran i tou itu ra'ica pisin-Ku ang kitap ing katouan, taan pangakun-Ku oka e ngaranna an dior i Amang-Ku wo an dior é malaékat-Na.

Wahyu 6:9

Wo tutuw i Toyaang i Domba muka' in ségél kalima, kaséréanku sé mu'kur an darem im pawetaan i raragés sé pinatéo ampa'paan in Taar i Amang Kasuruan wo ampa'paan ing kasairi-sairian éra.