Wahyu 12:1 - En Taar Weru a nunuwu' é Tontemboan

¹ Kekawus in itu, kaséréano an langit awéan tuus wangko'. Awéan esa wéwéné en owakna pakasaputen i yéndo wo eng kécéi aiweta'na am bawo i serap. Wo en do'kosna pinakéan i mahkota si niéma' asé sangapulu' rua sumesendot.

Wahyu 12:1 ပူးပေါင်းရင်းမြစ်များ

Matius 12:38

Asi témpo itu icua é piraan tou sé makailek wutul in Torat wo sé tou Farisi a si Yesus, “Guru, icasalé' ami suméré si Guru méma' esa tuus kakaya'kaan.”

Matius 24:30

An tutuw itu, an langit kaséréan oka awéan tuus i Toyaang i Tou, wo pakasa sé bangsa ang kayo'baan maamé' oka. Séra suméré oka si Toyaang i Tou itu mai an dangka' ing kambung-kambung ang karapi waya ing kawasa wo ing kawangko'-Na.

Markus 13:25

Sé sumesendot an langit makarongko-rongkor oka wo pakasa eng kawasa an langit malicoko oka.

Lukas 21:11

Wo awéan oka ka'i eng kamamualian en tana' mangéro' repet, am bisa-wisa awéan oka kaareman wo am bisa-wisa ka'i awéan sakit mengalawé. Wo mamuali oka ka'i an langit andumoro' sé kala'meren wo kalinteren oka mai.

Lukas 21:25

“An tutuw si Toyaang i Tou maai sumawel, awéan tuu-tuus sé kalinteren oka mai e mamuali asi yéndo, serap wo a sé sumesendot. Wo pakasa sé tou ang kayo'baan maindé' oka wo mabingo an tutuw luminga in deges repet keli si kalinteren oka mai wo en téngéna in sempa' wangker an ta'sic si kaindéén oka mai.

Yohanes 3:29

Ang kinawéngan, si pengantén tuama makaanu si pengantén wéwéné. Wo si karapi i pengantén tuama si makatulung an duruna arui tutuw sia luminga in suarana. Taniitu ka'i mai wo yaku si Yohanes, intarépé' aku mendam in arui keli ampa'paan keli tou mai a si Yesus.

Kisah Para Rasul 2:19

Émaan-Ku oka ka'i eng kakaya'kaan-kakaya'kaan a mangé en dangka' an langit, wo en tuu-tuus sé ra'io cakua an darem ing kayo'baan: awéan oka enda', api wo pulu-pulut in tembur.

Roma 13:14

Taan aweso taré kita menonou meputé im peri sé aituru' i Apo' Yesus Kristus. Wo ra'io toro makiit im peri é tou sé maéma' ing kamesé-meséaan e marui ing kasalé'an in owakna in esa.

Roma 3:22

sapaoka sé tou ro'na nianggap wutul i Amang Kasuruan, ampa'paan maéman a si Yesus Kristus. Niéma' i Amang Kasuruan in taniitu torona im pakasa é tou maéman a si Yesus Kristus. Ampa'paan pakasa en tou puté waya an dior i Amang Kasuruan.

2 Korintus 11:2

Kamu icae'bowku tanuoka si Amang Kasuruan manganat icamu. Kamu tanuoka si esa mangala'un si ra'ipé' sumangkum ako tumekel ang karapi i tuama, si aijanjikuo icawéng wo si esa tuama, siao si Kristus.

Galatia 3:27

Kamu im baya imeesao wo si Kristus ampa'paan nibaptis ang karapi i ngaran-Na, anaé eng katouan iow meputéo wo ing katouan i Kristus.

Galatia 4:26

Taan si wéwéné walina si Sara, sia ayandé tanu in Yerusalem an sorga. Sia itu inangta sé maéman sé ra'ica pakawa'kesen in ukum Torat.

Galatia 6:14

Taan aku wutu-wutul ra'ica masalé' rumayo in sapa-sapake', si casalé'ku irayo asalo papaté i Apo'ta Yesus Kristus ang kayu salip. Ampa'paan tutuw i Yesus imaté ang kayu salip, pakasa sé kasalé'an in owakku sé léwo' imatéo ang kayu salip-Na, wo aku tanu imatéo asé kasalé'anku in léwo'.

Efesus 5:32

En sususuien andumoro' é mempenanaan anio', eng kaangéanna rarem keli. Em paangé- angénku tumuru' in ubungan i Kristus wo sé jamaat.

Wahyu 1:20

Sé sinérémuo itu eng kaangéanna icaenepé'. Si anioo eng kaangéanna sé pitu sumesendot sé sinérémuo ang kama kakan-Ku, wo sé pitu totombol patuliran in sosoloan niéma' a mas itu: sé pitu sumesendot itu malaékat sé mengatéir sé pitu jamaat, wo sé pitu patuliran in sosoloan, siituo sé pitu jamaat.”

Wahyu 11:19

Kekawus in itu, mawuka'o mai em Balé Le'nas i Amang Kasuruan an sorga, wo kaséréano em piti im perjanjian-Na an untep im Balé Le'nas itu. Wo mamuali mai eng kilat wo en téngéna in erut wo em pangéro' wo en uran éis repet keli.

Wahyu 12:3

Wo mapaturu' mai ka'i esa tuus walina an langit. Wo séréno si esa naga wangker kliur réindang. Sia itu makaro'kos pitu wo awéan sangapulu' sungé. An do'kos si esa wo si esa awéan mahkota.

Wahyu 15:1

Wo kaséréanku an langit awéan tuus walina si wangko' wo kakaya'kaan. Awéan pitu malaékat sé maali-ali im pitu kawangkuran sosomoi. Sa sé pitu kawangkuran itu icumawuso, eng kae'bowan i Amang Kasuruan ka'i icumawuso.

Wahyu 21:14

Wo e ri'dir ing kota itu winangun am bawo é sangapulu' rua watu pandasi. Wo asé watu pandasi itu pinatican i ngara-ngaran é sangapulu' rua ruru'du'an i Toyaang i Domba.

Wahyu 21:23

Eng kota itu ra'io ka'i maperlu si yéndo wo si serap en sumendot, ampa'paan si Amang Kasuruan si wuta in darayo wo in sisiri', iméé mai in sendot, wo si Toyaang i Domba ituo en sosoloanna.