Wahyu 11:2 - En Taar Weru a nunuwu' é Tontemboan

² Taan tioo peuku-ukurenmu eng kintal si ang kesot im Balé Le'nas, iwayao mio' en itu ampa'paan eng kintal itu aiwééo a sé bangsa walina. Wo ipeléa-léak oka éra eng Kota Le'nas epat ngapulu' rua ngaserap eng kauréna.

Wahyu 11:2 ပူးပေါင်းရင်းမြစ်များ

Matius 27:53

An tutuw i Yesus itumou sumawel, séra kumesot ang kubur wo mangé muntep an Yerusalem si patuulen kota le'nas, wo mapaturu' in owak éra a sé tou keli.

Matius 4:5

Kekawus in itu, si Yesus iwali ka'i i kikiiten é sétang ang Kota Le'nas, wo itulungna Sia am buwungan im Balé Le'nas.

Matius 5:13

“Icamuo en asin ing kayo'baan. Sa en asin itu imata'pé'o, tumambisa en itu asinen sumawel? Ra'io wana ka'i torona aluar itiya' wo léakan é tou.

Lukas 21:24

Sé tou itu awéan sé patén oka in sa'bel wo awéan ka'i sé tangkaan mamuali tawanan wo paalin oka a negara-negara é tou ra'ica Yahudi. Wo en Yerusalem anio' mai oka tongkaren é bangsa ra'ica makatuus si Amang Kasuruan wo kawasan éra akar malekep en témpo aitantu-Na ai séra.”

Ibrani 10:29

Anaé, ro'nao kawerotanta tambisa eng kauter in ukuman a sé tou sé maepes im beren asi Toyaang i Amang Kasuruan wo maanggap ra'ica wana wééna en enda' perjanjian si ro'na meresi ing kamesé-meséaan éra, wo sé mengaroros i Roh e mawéé in upus tatambér ai cita.

Wahyu 11:11

Taan kumawusai in tiga ari sténga, sé rua nabi itu winéano i Amang Kasuruan aseng ing katouan wo séra tumou sumawel. Wo pakasa sé tou sé suméré séra maindé' keli.

Wahyu 11:3

Wéan-Ku oka kawasa a sé rua sairi-Ku e mangé kumua i nunuwuun-Ku ang karapi ing kumarai ing karai mala'lu eng kauréna sangariwu rua ngaatus enem ngapulu' ngando.”

Wahyu 12:6

Wo si wéwéné itu tumincas angé an tana' kapayasan, asi esa tampa si aitu'tulo i Amang Kasuruan ai sia. Am bitu sia paliaran oka sangariwu rua ngaatus enem ngapulu' ngando eng kauréna.

Wahyu 21:10

Wo aku kinawasa i Roh i Amang Kasuruan wo iwalina am puruk ing kuntung wangker wo rangka'. Am bitu turu'na a yaku eng kota le'nas, Yerusalem weru si itumumpa mai an sorga, asi Amang Kasuruan owo.

Wahyu 21:2

Kaséréanku ka'i eng kota le'nas, siituo en Yerusalem weru, tumumpamai an sorga asi Amang Kasuruan owo. Eng kota itu tu'tulo kaputé i esa pengantén wéwéné si pinasungo en sumungkul si pengantén tuama.

Wahyu 22:19

Taniitu ka'i, sa awéan tou e mina' esaanke' asi nunuwuun si aipatic ang kitap anio', indon oka i Amang Kasuruan em bagéanna asi tuur ing katouan wo asi kota le'nas, tanu si aipatic an untep ing kitap anio'.”