Wahyu 11:13 - En Taar Weru a nunuwu' é Tontemboan

¹³ An tutuw ituke' mangéroo mai repet. Sangapepulu' ing kota itu materi, wo pitu ngariwu tou imaté ampa'paan im pangéro' itu. Wo sé tou walina maindé' keli, wo séra rumayo wo sumiri' si Amang Kasuruan an sorga.

Wahyu 11:13 ပူးပေါင်းရင်းမြစ်များ

Yohanes 9:24

Wo towan éra ing kumarua si tou si indior wola itu wo icua éra ai sia, “Musti icuamu im butul an dior i Amang Kasuruan. Kailekan ami si tou isumama' ico itu tou ang kamesé-meséaan.”

Kisah Para Rasul 1:15

Asi makasa, sé poo-poow esa paémanen a si Yesus imaumung mewali-wali. Eng kakeli éra wona' sangaatus rua ngapulu' tou. Wo si Petrus tumulung an uner éra wo kumua,

Wahyu 11:11

Taan kumawusai in tiga ari sténga, sé rua nabi itu winéano i Amang Kasuruan aseng ing katouan wo séra tumou sumawel. Wo pakasa sé tou sé suméré séra maindé' keli.

Wahyu 11:19

Kekawus in itu, mawuka'o mai em Balé Le'nas i Amang Kasuruan an sorga, wo kaséréano em piti im perjanjian-Na an untep im Balé Le'nas itu. Wo mamuali mai eng kilat wo en téngéna in erut wo em pangéro' wo en uran éis repet keli.

Wahyu 14:7

Si malaékat itu kumua in taangko', “Maindé'o mangé a si Amang Kasuruan, irayoo wo siriino mangé Sia! Ampa'paan an témponao Sia maai makim pakasa sé tou. Apoono mangé Sia si méma' in langit wo in tana', in ta'sic wo im pakasa em palemboian in dano!”

Wahyu 15:4

Si séi réén si ra'ica maindé' ai Co, o Kasuruan? Si séi réén si ra'ica rumayo i ngaran-Mu? Ampa'paan wayake' Ico si le'nas. Pakasa im bangsa mai oka kumuru en sumiri' ai Co, ampa'paan sinéré érao em pakaakim-Mu waya wutul.”

Wahyu 19:7

Mayo kita maaru-arui wo masalé-salé', wo rumayo wo sumiri' Sia! Ampa'paan eng kawéngan i Toyaang i Domba an endonao, wo si pengantén wéwéné ka'i tu'tulo.

Wahyu 3:4

Taan an Sardis awéané' sé tou sé ra'ica kumotor ing karai éra. Séra maya' oka mewali-wali wo Yaku mekarai ing karai kulo', ampa'paan séra patus tumerima in itu.

Wahyu 6:12

Kaséréanku, an tutuw i Toyaang i Domba muka' in ségél kaenem, mangéroo mai eng kayo'baan repet keli. Si yéndo imawuring tanu ing karai wuring si kanaramen pengapakén é mala'lu wo si serap maréindang tanu in enda'.

Wahyu 8:5

Wo si malaékat itu mindo im patemburan in dupa itu, pumpunanna in api asi pawetaan i raragés owo. Wo iwangkilna em patemburan in dupa itu ang kayo'baan. Wo tuméngé mai en erut, parapiten ing kilat wo im pangéro'.