Wahyu 10:6 - En Taar Weru a nunuwu' é Tontemboan

⁶ wo sumumpa ai Sia si menonou akar ing kauré- uré, si méma' in langit wo pakasa sé an untepna, in tana' wo pakasa sé an untepna, in ta'sic wo pakasa sé an untepna. Icua i malaékat itu in tana'i, “En témpona ra'io ka'i pelando-landoi!

Wahyu 10:6 ပူးပေါင်းရင်းမြစ်များ

Wahyu 1:18

wo Si Menonou. Yaku si matéo, taan intarépé' séréno Aku menonou, wo Aku menonou akar ing kauré-uré. Pakakulun-Ku eng kukusi' im papaté wo eng kakolanoan im papaté.

Wahyu 12:12

Ampa'paan in ituo éi sorga wo kamu im baya sé maento' an untepna maaru-aruio, éi camu sé ang katanaan wo sé an ta'sic icawangkuro! Ampa'paan kailekano i kikiiten é sétang sapaoka en témpona tawio maka'pu, wo tumumpao mai sia ai camu ang karapi i mae'bow keli.”

Wahyu 16:17

Kekawus in itu tuas i malaékat kapitu sé an untep im paelepanna an langit, wo kalingaan en suara taangko' am palukutan pasiri-siriin owo si am Balé Le'nas, makua in tana'i “Kumawuso waya.”

Wahyu 21:6

Icua-Na ka'i a yaku, “Pakasa imamualio. Yakuo si Alfa wo si Omega, si Kumataré wo si Ka'karan. Si séike' si maré'om, sia wéan-Ku oka elepen si asalo aitambér, asi palemboian in dano si mawéé ing katouan.

Wahyu 4:10

sé rua ngapulu' epat matu'a itu kumundu an dior-Na si makalukut am palukutan pasiri-siriin itu wo kumuru en sumiri' ai Sia si menonou akar ing kauré-uré. Wo wukaan éra e mahkota, wo iweta' éra an dior im palukutan pasiri-siriin itu wo kumua,

Wahyu 4:11

“O, Kasuruan! O, Amang Kasuruan ami! Wayake' Ico em patus makéré in darayo, wo in sisiri' wo ing kawasa. Ampa'paan si Casuruan méma'o im baya-waya, wo ampa'paano ing kasalé'an-Mu pakasa en itu niéma'o wo awéan.”

Wahyu 4:9

Wo susur é epat mahluk itu kumantar ing kakantaren rarayoan, siri' wo méé makapulu'sama' ai Sia si makalukut asi palukutan pasiri-siriin wo si menonou akar ing kauré-uré itu,

Wahyu 6:11

Wo sé mu'kur itu winéan mekélé esa karai lambot kulo' wo séra kinuanan i mento'pé' toyo' ka'i akar eng kakeli éra malekep. Ampa'paan awéané' sé kara-karapi éra maselewir wo sé poo-poow éra esa paémanen sé patén oka tanu iséra.