Wahyu 10:5 - En Taar Weru a nunuwu' é Tontemboan

⁵ Wo si malaékat sinéréku makatulung am bawo in ta'sic wo am bawo ing katanaan, sia mangkai ing kama kakan maturu' an langit,

Wahyu 10:5 ပူးပေါင်းရင်းမြစ်များ

Kisah Para Rasul 14:15

“Éi camu im baya, kéitu réén kamu méma' in tana'i? Kami anio' tou kaputé miow. Kami am bia'i eng kumua in Abar Kaaruien andumoro' i Yesus Kristus ai camu, wosama' kamu ro'na tumela'u sé opo-opo' sé ra'ica wana torona wo kamu maémano mangé a si Amang Kasuruan si menonou. Siao si méma' in langit wo ing kayo'baan, ta'sic wo im pakasa sé an untepna.

Kisah Para Rasul 17:23

Ampa'paan an tutuwku in lumi'cir ing kota miow, sinéréku em barang-barang pengaapo'an iow. Asi esa tampa pengaapo'an awéan paragésan si pinatican in tana'i. ‘A si Casuruan si ra'ica katuusan.’ Si Kasuruan si paapo'an iow taan ra'ica katuusan iow itu, Siao si cuaku ai camu.

Roma 1:20

Mandé si Amang Kasuruan ra'ica kaséréan taan Sia ro'na kailekan é tou asé niéma'-Nao, tanu mai eng kaketeran-Na akar ing kauré-uré wo eng kale'nasan ing kakawasaan-Na tumo'tolke' mai eng kayo'baan anio' niéma'. Anaé, mandé esake' tou ra'ica wana e ro'na kumua sapaoka sia ra'ica makatuus si Amang Kasuruan.

Ibrani 6:13

Si Abraham mamuali paandéanta. An tutuw in jumanji a si Abraham, si Amang Kasuruan sumumpa ang karapi i ngaran-Na in esa ampa'paan ra'ica wana tou en lumébémai wo Sia.

Wahyu 1:18

wo Si Menonou. Yaku si matéo, taan intarépé' séréno Aku menonou, wo Aku menonou akar ing kauré-uré. Pakakulun-Ku eng kukusi' im papaté wo eng kakolanoan im papaté.

Wahyu 10:2

Eng kamana makatimboi ing gulungan kitap teké' si makawuka'. Eng kécéi kakanna am bawo in ta'sic wo eng kécéi ka'birina am bawo ing katanaan.

Wahyu 14:7

Si malaékat itu kumua in taangko', “Maindé'o mangé a si Amang Kasuruan, irayoo wo siriino mangé Sia! Ampa'paan an témponao Sia maai makim pakasa sé tou. Apoono mangé Sia si méma' in langit wo in tana', in ta'sic wo im pakasa em palemboian in dano!”

Wahyu 16:17

Kekawus in itu tuas i malaékat kapitu sé an untep im paelepanna an langit, wo kalingaan en suara taangko' am palukutan pasiri-siriin owo si am Balé Le'nas, makua in tana'i “Kumawuso waya.”

Wahyu 4:11

“O, Kasuruan! O, Amang Kasuruan ami! Wayake' Ico em patus makéré in darayo, wo in sisiri' wo ing kawasa. Ampa'paan si Casuruan méma'o im baya-waya, wo ampa'paano ing kasalé'an-Mu pakasa en itu niéma'o wo awéan.”

Wahyu 4:9

Wo susur é epat mahluk itu kumantar ing kakantaren rarayoan, siri' wo méé makapulu'sama' ai Sia si makalukut asi palukutan pasiri-siriin wo si menonou akar ing kauré-uré itu,