Wahyu 1:4 - En Taar Weru a nunuwu' é Tontemboan

⁴ Siri' i Yohanes a sé pitu jamaat an Asia Teké'. Pekiupusenku a si Amang Kasuruan wo a sé pitu roh an dior im palukutan pasiri-siriin-Na en tumambérai in upus wo ing kaeluran ai camu. Si Amang Kasuruan itu awéano indior, intarépé', wo si maai oka sa.

Wahyu 1:4 ပူးပေါင်းရင်းမြစ်များ

Yohanes 1:1

Asi kataré-taré ra'ipé' niéma' i Amang Kasuruan eng kayo'baan anio', en Taar awéano. En Taar itu mewali-wali wo si Amang Kasuruan wo en Taar ituo si Amang Kasuruan.

Kisah Para Rasul 19:10

En itu niéma'na akar in dua ngata'un, akar pakasa sé tou maento' an Asia luminga in Abar Kaaruien andumoro' i Yesus Kristus. Sé iluminga in itu, tou Yahudi wo tou ra'ica Yahudi.

Kisah Para Rasul 2:9

Kita tou: Partia, Media, Elam, Mesopotamia, Yudea wo eng Kapadokia, Pontus wo Asia,

Roma 1:7

Ampa'paan in ituo, ipaticku en surat anio' ai camu im baya sé maento' a Roma sé icaupus i Amang Kasuruan, sé tinowa-Nao e mamuali tou le'nas. Pekiupusenku woo a si Amang Kasuruan, Amangta wo a si Apo' Yesus Kristus en tumambérai ing kamang wo ing kaeluran ai camu.

1 Korintus 1:3

Pekiupusenku a si Amang Kasuruan Amangta wo a si Apo' Yesus Kristus en tumambérai in upus-Na wo méma' ing katowan iow elur.

2 Korintus 1:2

Pekiupusen ami a si Amang Kasuruan Amangta wo a si Apo' Yesus Kristus en tumambérai in upus wo ing kaeluran ang katouan iow.

Ibrani 13:8

Si Yesus Kristus kasake' puté, indior, intarépé' wo akar ing kauré-uré.

Yakobus 1:17

Pakasa sé loor wo lekep, mai an dangka' owo, asi Amang an sorga. Siao e méma' waya sé mengasendot an langit. Sia ra'ica kawisa mawalina, ra'ica tanu in serap wo sé sumesendot, en sendotna ro'na mawalina.

Wahyu 1:1

An untep ing kitap anio' aipatic andumoro' sé kamamualian sé makala'us mamuali. Sé kamamualian itu aituru'o i Amang Kasuruan a si Yesus Kristus wosama' ro'na ituru' i Yesus a sé ata-Na. Kekawus in itu yutus i Yesus si malaékat-Na e maai a si ata-Na Yohanes en sumisil sé kamamualian itu.

Wahyu 1:11

En téngéna tana'i, “Ipatico mio' an esa kitap pakasa sé sinérému. Kekawus in itu, icirimmu mangé a sé pitu jamaat anio': jamaat an Efesus, an Smirna, am Pergamus, an Tiatira, an Sardis, an Filadelfia wo an Laodikia.”

Wahyu 1:17

An tutuwku isuméré Sia, icakepao aku tanuoka tou imaté an dior ing kécéi-Na. Wo iweta'-Na eng kama kakan a yaku wo icua-Na, “Tioo maindé'! Yaku anio' Si Kumataré wo Si Ka'karan,

Wahyu 1:20

Sé sinérémuo itu eng kaangéanna icaenepé'. Si anioo eng kaangéanna sé pitu sumesendot sé sinérémuo ang kama kakan-Ku, wo sé pitu totombol patuliran in sosoloan niéma' a mas itu: sé pitu sumesendot itu malaékat sé mengatéir sé pitu jamaat, wo sé pitu patuliran in sosoloan, siituo sé pitu jamaat.”

Wahyu 1:8

Si Amang Kasuruan icumua in tana'i, “Yaku anio' Alfa wo Omega, si awéano indior, si awéan intarépé' wo si maai sa, wo Yaku ka'i Si Makakawasa.”

Wahyu 1:9

Yaku si Yohanes poow an esa paémanen si mewali-wali wo icamu mendamai in okoi ampa'paan makiit si Yesus. Terimanta oka mewali-wali em bagéanta ang Kakolanoan-Na, wo talesen mangento-ngento' si Yesus maai sumawel. Wo yaku aisingkir angé am pulou Patmos ampa'paan mengakua in Taar i Amang Kasuruan wo me- ngasairi andumoro' sapa si aicua i Yesus.

Wahyu 16:5

Wo kalingaanku si malaékat makakawasa an dano itu kumua, “Icoo si le'nas, si awéano indior, wo ka'i awéan akar intarépé'. Ico si ra'ica marapit, ampa'paan Ico imééo in ukuman anio'.

Wahyu 2:12

“Ipatico mio' a si malaékat si mengatéir in jamaat am Pergamus. Si anioo en taar si ai Sia owo si makatimboi in sa'bel rua en telewa:

Wahyu 2:18

“Ipatico mio' ka'i a si malaékat si mengatéir in jamaat an Tiatira. Si anioo en taar asi Toyaang i Amang Kasuruan owo, em beren-Na mengembu-ngembung kaputé in api wo eng kécéi-Na masélap tanuoka in tambaga patunun:

Wahyu 2:8

“Ipatico mio' a si malaékat si mengatéir in jamaat an Smirna. Si anioo en taar asi Kumataré wo Si Ka'karan, si matéo wo tinou sumawel:

Wahyu 22:16

Icua ka'i i Yesus, “Yaku, si Yesus imutuso si malaékat-Ku e méé ing kasairian andumoro' pakasa im perkara anio' ai camu torona é jamaat. Yakuo en sééna, si taranak i Daud, si lolouren si sumendo-sendot.”

Wahyu 22:8

Wo yaku, si Yohanes, liningakuo wo sinérékuo waya en itu. An tutuwku luminga wo suméré waya in itu, yaku kumundu wo kumuru en sumiri' an dior ing kécéi i malaékat si tumuru'o waya in itu.

Wahyu 3:1

“Ipatico mio' a si malaékat si mengatéir in jamaat an Sardis. Si anioo en taar si ai Sia owo si makaanu sé pitu Roh i Amang Kasuruan wo sé pitu sumesendot itu: Kailekan-Ku waya sé pinengaéma' miow. Kamu kaséréan menonou taan en ulitna matéo!

Wahyu 3:14

“Ipatico mio' ka'i a si malaékat si mengatéir in jamaat an Laodikia. Si anioo en taar asi Ulit owo, Sairi le'tek wo wutul, palemboian im pakasa sé niéma' i Amang Kasuruan:

Wahyu 3:7

“Ipatico mio' a si malaékat si mengatéir in jamaat an Filadelfia. Si anioo en taar Si Le'nas, Si Wutul, Si makakulu ing kukusi' i Daud. Sa em papalen winukaan-Nao, ra'ica wana e ro'na malen. Wo sa kinusi'an-Nao, ra'ica wana e ro'na muka'.

Wahyu 4:5

Wo asi palukutan pasiri-siriin si an unera, kinesotanai in télang ing kilat wo pakiiten in erut ing guntur melio-liondong. An dior im palukutan pasiri-siriin itu awéan pitu obor maembung, siituo sé pitu Roh i Amang Kasuruan.

Wahyu 4:8

Sé epat mahluk itu maka- anu mekélé enem en tétéléw, en an untep wo ang kesot in tétéléw mawuta-wuta im beren. Endo wo em bengi sé mahluk itu ra'ica maento-ento' i makantar, “Le'nas, le'nas, le'nas si Amang Kasuruan Si Makakawasa, Si awéano indior, intarépé', wo si maai oka sa.”

Wahyu 5:6

Wo sérénku awéan esa Toyaang i Domba tanu sumangkumo pinaté, makatulung an uner im palukutan pasiri-siriin wo sé epat mahluk wo an uner é matu'a itu. Sia makaanu pitu sungé wo pitu weren. Sé pitu weren ituo sé pitu Roh i Amang Kasuruan sé ayutus am pakasa ing kayo'baan.

Wahyu 8:2

Wo sérénku sé pitu malaékat sé makatulung an dior i Amang Kasuruan, séra si esa wo si esa winéan esa terompét.