17 An tutuwku isuméré Sia, icakepao aku tanuoka tou imaté an dior ing kécéi-Na. Wo iweta'-Na eng kama kakan a yaku wo icua-Na, “Tioo maindé'! Yaku anio' Si Kumataré wo Si Ka'karan,
An tutuw i Petrus maréng in somoi, sérénna si murit icaupus i Yesus makiit iséra. Si murit itu si ilumukut an duru i Yesus icuman mewali-wali an tutuw i Yesus ra'ipé' mate wo ka'i si mamuéi a si Yesus, “Tuang, si séi réén en sumarakan Ico?”
En téngéna tana'i, “Ipatico mio' an esa kitap pakasa sé sinérému. Kekawus in itu, icirimmu mangé a sé pitu jamaat anio': jamaat an Efesus, an Smirna, am Pergamus, an Tiatira, an Sardis, an Filadelfia wo an Laodikia.”
Siri' i Yohanes a sé pitu jamaat an Asia Teké'. Pekiupusenku a si Amang Kasuruan wo a sé pitu roh an dior im palukutan pasiri-siriin-Na en tumambérai in upus wo ing kaeluran ai camu. Si Amang Kasuruan itu awéano indior, intarépé', wo si maai oka sa.