Wahyu 1:16 - En Taar Weru a nunuwu' é Tontemboan

¹⁶ Wo eng kama kakan-Na makatimboi sé pitu sumesendot, wo am ba'ba'-Na makakesot esa sa'bel rua en telewa. Eng gio-Na matélang tanuoka si yéndo asi katoora in endo.

Wahyu 1:16 ပူးပေါင်းရင်းမြစ်များ

Matius 17:2

Wo sérén éra si Yesus imawalinao. Eng gio-Na matélang meputé wo in sendot i yéndo, wo eng karai-Na imakulo' masélap tanu in sendot.

Kisah Para Rasul 26:13

An uner in lalan an tutuw ing katoora i yéndo, éi kolano Agripa, tumarépé'anke'mai sérénku en sendot tumélangai an langit owo, en sendot itu lumébé mai ing kasendot i yéndo. Wo si sendot itu sumaput yaku wo sé tou mewali-wali wo yaku.

Efesus 6:17

Kamu linowiro i Amang Kasuruan, pakénno mangé eng kalowiran iow itu tanu pengaloindong an do'kos iow. Wo ka'i terimano mangé en Taar i Amang Kasuruan tanu sa'bel si aiwéé i Roh Le'nas en sumundur sé kaséké'.

Ibrani 4:12

En Taar i Amang Kasuruan itu menonou wo makakawasa. Wo en Taar itu ilumébé mai ing katelew in sa'bel rua telewa, ro'na tumopok rarem keli akar tumané i mu'kur wo e roh, wunak wo wuku-wuku in du'i, wo ro'na kailekan-Na waya sé an untep im bewerot wo im paaté-atén é tou.

Wahyu 1:20

Sé sinérémuo itu eng kaangéanna icaenepé'. Si anioo eng kaangéanna sé pitu sumesendot sé sinérémuo ang kama kakan-Ku, wo sé pitu totombol patuliran in sosoloan niéma' a mas itu: sé pitu sumesendot itu malaékat sé mengatéir sé pitu jamaat, wo sé pitu patuliran in sosoloan, siituo sé pitu jamaat.”

Wahyu 10:1

Wo sérénku si esa malaékat walina si kumete-keter tumumpa mai an sorga owo. En owakna pakasaputen ing kambung, wo awéan limbawa an dangka' in do'kosna. Eng giona tanuoka si yéndo wo eng kécéina tanuoka totombol in api.

Wahyu 12:1

Kekawus in itu, kaséréano an langit awéan tuus wangko'. Awéan esa wéwéné en owakna pakasaputen i yéndo wo eng kécéi aiweta'na am bawo i serap. Wo en do'kosna pinakéan i mahkota si niéma' asé sangapulu' rua sumesendot.

Wahyu 19:15

Wo am ba'ba'-Na makesotai esa sa'bel telew si kumala oka pakasa im bangsa. Peréntan-Na oka séra maké im beka' bési wo Sia in esa en tumepes im bua'na in anggor am patepesan ing kae'bowan i Amang Kasuruan Si Makakawasa.

Wahyu 19:21

Wo pakasa sé tou walina pinaté in sa'bel si makesotai am ba'ba'-Na si makalukut an licur i cawayo kulo' itu. Wo pakasa sé burung imawesu mengula-ngulat in sama'na éra.

Wahyu 2:1

Wo icua i Toyaang i Tou a yaku, “Patico mio' a si malaékat si mengatéir in jamaat an Efesus: Si anioo en taar si ai Sia owo si makatimboi sé pitu sumesendot ang kama kakan-Na wo si mawaya' am paawuun é pitu totombol patuliran in sosoloan si niéma a mas owo.

Wahyu 2:12

“Ipatico mio' a si malaékat si mengatéir in jamaat am Pergamus. Si anioo en taar si ai Sia owo si makatimboi in sa'bel rua en telewa:

Wahyu 2:16

Ampa'paan in itu mape'diso mio'! Sa kamu ra'ica mape'dis, yaku makala'us oka maai ai camu wo perangen-Ku oka sé tou itu maké in sa'bel makakesot am ba'ba'-Ku.

Wahyu 3:1

“Ipatico mio' a si malaékat si mengatéir in jamaat an Sardis. Si anioo en taar si ai Sia owo si makaanu sé pitu Roh i Amang Kasuruan wo sé pitu sumesendot itu: Kailekan-Ku waya sé pinengaéma' miow. Kamu kaséréan menonou taan en ulitna matéo!