Wahyu 1:12 - En Taar Weru a nunuwu' é Tontemboan

¹² Wo sérénku an somoi si séi si manuwu' a yaku. Wo kaséréanku sé pitu totombol patuliran in sosoloan niéma' a mas owo.

Wahyu 1:12 ပူးပေါင်းရင်းမြစ်များ

Wahyu 1:13

Wo an uner é pitu totombol patuliran in sosoloan itu awéan esa tou, sia meputé wo si Toyaang i Tou. Sia mekarai in lambot akar ang kécéi wo en da'dak-Na pakalilitan in salémpang mas.

Wahyu 1:19

Ampa'paan in ituo patico mio' sé sinérémuo, andumoro' sé mamuali intarépé' wo sé mamuali oka sa.

Wahyu 1:20

Sé sinérémuo itu eng kaangéanna icaenepé'. Si anioo eng kaangéanna sé pitu sumesendot sé sinérémuo ang kama kakan-Ku, wo sé pitu totombol patuliran in sosoloan niéma' a mas itu: sé pitu sumesendot itu malaékat sé mengatéir sé pitu jamaat, wo sé pitu patuliran in sosoloan, siituo sé pitu jamaat.”

Wahyu 2:1

Wo icua i Toyaang i Tou a yaku, “Patico mio' a si malaékat si mengatéir in jamaat an Efesus: Si anioo en taar si ai Sia owo si makatimboi sé pitu sumesendot ang kama kakan-Na wo si mawaya' am paawuun é pitu totombol patuliran in sosoloan si niéma a mas owo.

Wahyu 4:1

Kekawus in itu, yaku pinapaturu'an esa papalen si makawuka' an sorga. Wo kalingaanku ka'i en suara si sumangkumo liningaku, en suara itu tanuoka in téngéna in terompét si makua, “Sumosoro mai! Ituru'-Ku oka ai co sapa e mamuali sa.”