Wahyu 1:10 - En Taar Weru a nunuwu' é Tontemboan

¹⁰ Asi endo ipasombayang, yaku kinawasa i Roh i Casuruan wo palinganku an somoiku awéan manuwu' in taangko' keli, tanu in téngéna in terompét.

Wahyu 1:10 ပူးပေါင်းရင်းမြစ်များ

Matius 22:43

Wo wuéien ka'i i Yesus ai séra, “Sa réén taniitu, tumambisa si Daud an tutuw sia kinawasa i Roh Le'nas wo patuulenna si Kristus itu Tuangna? An tutuw itu aicua i Daud in tana'i,

Yohanes 20:19

Asi ari duminggu itu ka'i an tutuw imawengio, sé murit i Yesus mali'us an esa walé. Wo kusiin éra waya em papalen ampa'paan icaindé' éra sé kikiiten é tou Yahudi. Tumarépé'anke' mai si Yesus tumulung an uner éra wo icua-Na, “Eng kaeluran mewali-wali wo icamu.”

Yohanes 20:26

Kekawus i walu ngando, mali'us ka'i sumawel sé murit Yesus am balé itu, wo si Tomas mewali-walio wo iséra. Mandé ka'i pakasa em papalen kinusi', tumarépé'anke' si Yesus mai wo tumulung an uner éra. Icua-Na, “Eng kaeluran mewali-wali wo icamu!”

Kisah Para Rasul 20:7

Asi endo kataré in duminggu itu, cami wo sé tou maéman walina mai mali'us mewali-wali e méma' im perjamuan. Am bitu si Paulus uré-uréan manuwu' a sé tou maéman akar ing katoora im bengi, ampa'paan asi mando mai sia suméngkot.

1 Korintus 12:3

Ampa'paano in itu, musti kailekan iow sapaoka si tou paakinen i Roh i Amang Kasuruan, sia ra'ica kawisa kumua in tana'i, “Kinutuko si Yesus!” Taniitu ka'i ra'ica wana mandé esake' tou e ro'na kumua “Si Yesus itu Kasuruan” sa sia ra'ica pakaakinen i Roh Le'nas.

1 Korintus 16:2

Susur in ari Duminggu, kamu si esa wo si esa mengatané mio' roit kiit eng kinéréan i esa wo si esa. Wo yéma' miow sé roit itu wosama' an tutuw aku mai, kamu ra'io sangali ka'i lumi'us roit.

Wahyu 17:3

Kekawus in itu, yaku kinawasa i Roh i Amang Kasuruan wo aku uwiten angé i malaékat an tana' kapayasan. A mangé mbitu, kaséréanku si esa wéwéné makalukut an licur i esa binatang réindang matu'a. An owakna pinatican i ngara-ngaran ipaojat a si Amang Kasuruan. Si binatang itu makaro'kos pitu wo makasungé sangapulu'.

Wahyu 21:10

Wo aku kinawasa i Roh i Amang Kasuruan wo iwalina am puruk ing kuntung wangker wo rangka'. Am bitu turu'na a yaku eng kota le'nas, Yerusalem weru si itumumpa mai an sorga, asi Amang Kasuruan owo.