Titus 3:5 - En Taar Weru a nunuwu' é Tontemboan

⁵ An tutuw itu Sia lumowiro icita, en itu ra'ica ampa'paan kita mengaéma' im butul an dior-Na taan ampa'paan aituru'-Nao eng kaupusan-Na ai cita. Weresin-Na eng kamesé-meséaanta wo pakén-Na e Roh Le'nas e méma' ing katouanta maweru. En itu meputé kita tumou sumawel.

Titus 3:5 ပူးပေါင်းရင်းမြစ်များ

Matius 3:11

Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api.

Lukas 1:50

Wo si Amang Kasuruan ra'ica mento' menuru-nuru' ing kaupusan-Na a sé apo-apo' wo a sé toyaang akar a sé poyo' sé mengakuru mengasiri' Sia.

Lukas 1:54

Tawangen-Na sé tou Israel, ata-Na, ampa'paan Sia makata'néi ing kaupusan-Na.

Lukas 1:72

en tumuru' ing kaupusan-Na a sé apo-apo'ta wo pena'né-na'néien-Na en janji-Na sé le'nas.

Lukas 1:78

Si Amang Kasuruanta itu lumoo-loor wo taupus. Sia mai lumowir icita tanuoka sendot i yéndo i mamoondo,

Roma 11:14

Arapenku, ang karapi in tawoienku itu sé tou Israel sé esa taranak wo yaku manganat ai camu tou ra'ica Yahudi. Ang karapi in tumaniitu, arapenku aku ro'na lumowir piraan tou asé tou Israel.

Roma 11:6

Sinisir-Na séra ampa'paan in upus si aitambér-Nao, ra'ica ampa'paan im pengaémaan éra. Sa séra sinisir-Na ampa'paan im pengaémaan éra, eng kaangéanna, Sia sumisir séra en sumuli' im pengaémaan éra ra'ica ampa'paan in upus aitambér-Na.

Roma 12:2

Tioo pakiiten iow em peri é tou sé ra'ica makatuus i Amang Kasuruan. Taan iwayao mio' em pakawerot iow werun i Amang Kasuruan wosama' em pakawerot iow mawalina. Wo in taniitu ro'na kakailekan iow eng kasalé'an-Na: siituo sé loor wo lekep, wo si mengaéma' in até-Na arui.

Roma 3:20

Ampa'paan ra'ica wana tou mandé esake' sé nianggap wutul an dior i Amang Kasuruan ampa'paan mengaéma' in ukum Torat. Taan, ampa'paano taré in ukum Torat ituo sé tou makailek ing kamesé-meséaan.

Roma 3:28

Anaé tana'i: Sé tou nianggap wutul i Amang Kasuruan ampa'paan séra maéman a si Yesus, ra'ica ampa'paan mengaéma' in ukum Torat.

Roma 4:5

Taan ubungan é tou wo si Amang Kasuruan ra'ica tanu siitu, sé tou émaan-Na wutul an dior-Na ra'ica ampa'paan in tawoien éra in esa taan ampa'paan im paémanen éra a si Amang Kasuruan si mengaampung sé tou mengaéma' ing kamesé-meséaan.

Roma 9:11

Wo ra'ipé' itumou sé rua toyaang itu, si Amang Kasuruan tumantuo im pawasa-wasa-Na. En itu ra'ica ampa'paan im pengaémaan é rua toyaang itu, ampa'paan an tutuw sé rua toyaang itu ra'ipé' maéma' sé loor wo sé léwo',

Roma 9:16

Anaé, si Amang Kasuruan sumisir tou ra'ica kumiit ing kasalé'an é tou, kuma'pa im pengaémaan é tou, taan Sia in esao en tumantu sapaoka Sia masalé' méé ing kaupusan-Na.

Roma 9:30

Anaé, ro'na icuata in tana'i: Sé tou walina sé ra'ica Yahudi ra'ica rumaméji nianggap wutul i Amang Kasuruan, taan séra nianggap-Na wutul ampa'paan séra maéman a si Yesus.

1 Korintus 6:11

Indior awéan piraan tou an uner iow makaperi tanu siitu ka'i. Taan intarépé' eng kamesé-meséaan iow wineresio i Amang Kasuruan. Kamu niéma'-Nao le'nas wo nianggap-Nao wutul an dior-Na ampa'paan kamu maémano a si Apo' Yesus Kristus wo ka'i ampa'paan ing kawasa i Roh i Amang Kasuruanta.

Galatia 2:16

Taan, kailekan ami ra'ica wana tou mandé esake' si nianggap wutul an dior-Na ampa'paan mengaéma' in ukum Torat. Sé tou nianggap wutul an dior-Na ampa'paan maéman a si Yesus Kristus. Anaé, kami in tou Yahudi ka'i maémano a si Yesus Kristus wosama' kami nianggap wutul an dior i Amang Kasuruan ampa'paan im paémanen, ra'ica ampa'paan i mengaéma' in ukum Torat. Ampa'paan ra'ica wana tou mandé esake' si nianggap wutul i Amang Kasuruan ampa'paan mengaéma' in ukum Torat.

Efesus 2:4

Taan taloso wangko' eng kaupusan i Amang Kasuruan! Kita icaupus-Na keli,

Efesus 4:23

Musti tela'u miow em peri ing katouan uré tanu siitu, wosama' en até wo em bewerot iow maweru,

Efesus 5:26

Niéma'-Na en itu wosama' Sia lume'nas sé jamaat kekawus éra wineresi-Na in dano wo in Taar,

Kolose 3:10

Wo kamu intarépé' winéano ing katouan weru, wo em peri miow pemeru-merun i Amang Kasuruan si méma' icamu kiit ing gambar-Na, wosama' kamu wutu-wutul makatuus Sia.

2 Timotius 1:9

Aiwéé-Nao eng kalowiran ai cita wo tinowa-Na kita wosama' menonou le'nas kumiit ing kasalé'an-Na. Niéma'-Na waya en itu ra'ica ampa'paan kita maéma' ing kaloo-looran, taan ampa'paan pinewasa-Nao indior. An tutuw eng kayo'baan anio' ra'ipé' niéma'-Na, Sia mawasao tumambérai in upus-Na ai cita in tou ampa'paan i Kristus Yesus.

Titus 3:4

Taan intarépé', aituru'o i Amang Kasuruan si Lumolowirta eng kasamaan-Na wo eng kaupusan-Na a sé pakasa in tou.

Ibrani 10:22

Ampa'paan in itu mayoo kita rumuru mangé a si Amang Kasuruan ang karapi in lekep en até wo uli-ulit maéman ai Sia. Ampa'paan en atéta wineresio in enda' i Kristus akar male'nas asi kaléwo'anta, wo en owakta tanuoka winu'asano in dano weresi.

Ibrani 4:16

Ampa'paan in ituo, mayoo kita ang karapi in da'ica wana eng kaindé'an sumaru im palukutan pasiri-siriin i Casuruan si maturu' in upus tatambér. Wo in taniitu, kawisake' kita mapatawang, tantu wéé-Na oka mai eng kaupusan wo tumambérai in upus en itumawang icita.

Ibrani 6:6

taan sa séra ra'io ka'i maéman a si Kristus, séra ra'io kawisa kaakinan e mape'dis ang kamesé-meséaan éra. Ampa'paan séra in esa tanu isumalipo sumawel si Toyaang i Amang Kasuruan wo ka'i suméroo Sia an dior é tou keli.

1 Petrus 1:3

Irayoo mangé si Amang Kasuruan! Sia itu Amang i Apo'ta Yesus Kristus. Irayota Sia ampa'paan taloso wangko' eng kaupusan-Na ai cita akar kita imakéréo ing katouan weru, si katouan wuta im paarapen. Kita ro'na makéré ing katouan weru itu ampa'paan indior si Yesus Kristus itumouo sumawel am papaté.

1 Petrus 2:10

Indior kamu ra'ica tou i Amang Kasuruan, taan intarépé' kamu imamualio tou-Na. Wo indior kamu ra'ipé' itumerima ing kaupusan i Amang Kasuruan taan intarépé' kamu tumerimao ing kaupusan-Na.

1 Petrus 3:21

Si sonop wangko' an tutuw itu, andéan im baptisan intarépé'. Em baptisan itu pengatuus sapaoka kamu linowiro i Amang Kasuruan ampa'paano tinou-Na sumawel si Yesus Kristus. Em baptisan itu ra'ica i meresi sé kotor an owak iow, taan i mangilek a si Amang Kasuruan wosama' en até miow weresi.