Titus 3:2 - En Taar Weru a nunuwu' é Tontemboan

² Musti ita'néimu mangé ai séra, ra'ica toro mengawuruk i ngaran é tou walina wo ra'ica toro meindo-indoan roma'. Aweso taré em peri éra musti loor wo ka'i ko'kos en até a sé im pakasa in tou.

Titus 3:2 ပူးပေါင်းရင်းမြစ်များ

Matius 11:29

Wuléngeno em pamuléngen si aiwuléng-Ku am palukamu wo mekisusuio mai a Yaku, ampa'paan Aku sama' wo ko'kos en até. Wo in taniitu kamu mendam oka ing kaeluran.

Kisah Para Rasul 23:5

Wo isowat i Paulus, “Poo-poow, ra'ica kailekanku sa sia itu imam wangko'. Mémang aipatic ang Kitap Le'nas tana'i, ‘Tioo kamu maroma' in léwo' andumoro' si kikiiten iow.’ ”

1 Korintus 6:10

sé tou rombit, sé tou rakus, sé tou lalangun, sé tou mengawuruk i ngaran é tou walina wo sé tou mengauwak, sé tou tanu siitu ra'ica mamuali tou i Amang Kasuruan ang Kakolanoan-Na.

1 Korintus 9:19

Mandé ka'i aku ra'ica ata asi séike', taan niéma'kuo en owakku ata é pakasa in tou. Niéma'ku en itu, wosama' ro'na akinenku lébé keli en tou mai a si Kristus.

2 Korintus 10:1

Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

2 Korintus 12:20

Em ipaindé-indé'ku sapaoka an tutuw aku maai ai camu kéréanku kamu ra'ica tanu im pinaarapku, wo kaséréan iow ka'i aku ra'ica tanu si paarapen iow. Ipaindé-indé'ku oréoka awéan sé mengindo-indoan roma', mengkanatan, mengkae'bowan, mengawerotke' in owakna in esa, mengaroros, memaa-maar a sé tou andumoro' sé raica wutul, mengatirayo wo mengalicoko.

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Galatia 6:1

Poo-poow, sa si esa tou an uner iow kinakailekan méma' ing kaséaan, kamu sé menonou pakaakinen i Roh Le'nas, musti akinen iow si tou itu an lalan wutul ang karapi ing ko'kos en até. Wo téirano en owak iow in esa wosama' ra'ica katawéran im pangepé'an kaputé i tou méma' ing kaséaan itu.

Galatia 6:10

Ampa'paan in itu, ang karoro'anta winéané' témpo, mayoo émaanta sé loor a sé pakasa in tou, kataré-taré a sé poo-poowta an esa paémanen.

Efesus 4:2

Anaé, menonouo mangé ang karapi ing ko'kos en até, sama' en até a sé pakasa é tou wo talesen. Ituru'o mio' en upus iow ang karapi i mentan-tawangan si esa wo sé walina.

Efesus 4:31

Itela'uo mio' eng kasuutan, kae'bowan akar ing karangoan, kae'bowan, meindo-indoan roma', mengawuruk i ngaran é tou, taniitu ka'i mai pakasa sé léwo'.

Filipi 4:5

Iwayao mio' eng kasamaan in atému kakailekan é pakasa in tou. Si Apo' Yesus ra'io uré maai sumawel.

1 Tesalonika 2:7

Taan ituru'o ami eng kasama-samaan ami ai camu an tutuwta mewali-wali, tanu si inang maurus si toyaangna.

1 Timotius 3:11

Taniitu ka'i wo sé penanaan éra, em peri é penanaan éra musti loor akar pasiri-siriin é tou, ra'ica mengawuruk i ngaran é tou walina, makailek matang in owak wo ro'na papercayan am baya-waya.

1 Timotius 3:3

ra'ica lalangun, ra'ica tae'bow taan sama' a sé tou, masalé' meelu-eluran wo sé kakélé in tou wo ra'ica ata in doit,

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.

Yakobus 4:11

Poo-poowku, tioo kamu si esa wo si esa mengawuruk i ngaran é tou. Si séi e muruk i ngaran i poowna esa paémanen kuma'pa tumudu meséa', en itu meputé imuruko wo imééo séa' in ukum i Amang Kasuruan. Wo in taniitu kamu ra'ica masalé' kumiit in ukum i Amang Kasuruan itu, taan imamualio akim si mengaséa' in ukum itu.

1 Petrus 2:1

Ampa'paan in ituo kamu ra'io toro mengéma-ngéma' pakasa ing kaléwo'an, pakasa sé mengauwak, pakasa sé punek, menii-niim ing kasuutan wo mengaléwo' i ngaran é tou walina.

1 Petrus 3:10

Ang Kitap Le'nas aipatic in tana'i, “Si séi si masalé' menonou ang kaaru-aruian wo masalé' sumangkum in endo-endo loor, sia musti tuméir in lila'na wosama' ra'ica manuwu' andumoro' in léwo', wo tuméir im biwina wosama' ra'ica mengauwak.

1 Petrus 3:8

Anaé, kumusi' i nunuwu'ku anio' pangilekenku ai camu, musti meesa en até wo esa em pamendamen, meupu-upusan tanuoka sé mepoow wo tumuru' ing kaupusan wo ko'kos en até.

1 Petrus 4:4

Taan intarépé' kamu ra'io ka'i mengaéma' sé ra'ica loor tanu indior, akar sé tou ra'ica makatuus si Amang Kasuruan itu mangaya-ngaya'ka'. Ampa'paano in itu, kamu paroros éra.

2 Petrus 2:10

Wo eng kataré-taré akimen-Na, sé tou sé asalo makiit ing kasalé'an in owak sé ra'ica wutul ampa'paan kasalé'an in esa wo maroros ing kawasa i Amang Kasuruan. Sé guru ra'ica wutul itu ra'ica wana eng kaindé'an wo tirayo akar séra ra'ica maindé' maroros pakasa sé menonou an sorga sé iparayo wo pasiriin.

Yudas 1:10

Taan sé guru ra'ica wutul mengaojat waya sé ra'ica kailekan éra. Séra mengaéma' andumoro' sé asalo kumiit ing kasalé'an éra in esa, en itu meputé wo sé binatang ra'ica ningaasan. Sé pinengaéma' éra ituo e makawali iséra am papaté.

Yudas 1:8

Taniitu ka'i wo sé guru ra'ica wutul. Séra itu tampangipin wo anggapen éra em pinangipi éra itu wutul akar séra mengaéma' sé andumoro' in sina, paepesen érake' im beren eng kawasa i Amang Kasuruan wo ka'i mengaojat pakasa sé mahluk sé parayo-rayo wo pasiri-siriin an sorga.