Titus 2:8 - En Taar Weru a nunuwu' é Tontemboan

⁸ An tutuw ko masusui, musti pakénmu sé nunuwu' wutul wo sumoma wosama' ko ra'ica iséro' é tou. Wo in taniitu sé kaséké'mu malawi', ampa'paan ra'ica wana en andumoro' sé ra'ica loor ai cita sé ro'na ipemaa-maar oka éra.

Titus 2:8 ပူးပေါင်းရင်းမြစ်များ

Markus 12:17

Wo icua-Na ai séra, “Iwééo mangé a si Kaisar si musti iwéé miow a si Kaisar, wo iwééo mangé a si Amang Kasuruan si musti iwéé miow a si Amang Kasuruan!” Kelinga in itu, séra mangaya-ngaya'ka'.

Markus 12:28

Asi témpo itu, awéan si esa tou si makailek wutul in Torat makalinga si Yesus wo sé tou Saduki membum-buéian. Palingan i tou itu sapaoka en aisowat i Yesus a sé tou itu wutul. Ampa'paan in ituo sia sumusut angé a si Yesus wo mamuéi, “Si ukum wisa réén eng kumataré-taré am pakasa in ukum?”

Markus 12:32

Wo icua i tou makailek wutul in Torat itu a si Yesus, “En aicua i Guru wutul keli, sapaoka si Amang Kasuruan itu wayake' in esa, ra'ica wana walina aluar Sia.

Markus 12:34

Sérén i Yesus si tou itu si sumowat ang karapi ing kapinteran, wo icua-Na ai sia, “Ico tawio mamuali tou i Amang Kasuruan.” Wo ra'io wana ka'i mandé esake' tou em brani mamuéi sapake' mangé ai Sia.

Lukas 13:17

En aisowat i Yesus itu, iméma' sé kaséké'-Na wutu-wutul malawi' taan sé tou walina masalé-salé' isuméré pakasa sé kakaya'kaan niéma' i Yesus.

2 Tesalonika 3:14

Sa awéan tou ra'ica kiim kumiit sé aipatic ami an surat anio', kamu musti mareti-reti wo tioo makara-karapi wo si tou itu wosama' sia malawi'.

1 Timotius 5:14

Ampa'paan ituo icasalé'ku sé balu wéwéné wo'basé' wosama' séra masalé'pé' kawéngen sumawel. Sa séra kawéngené' sumawel, séra ro'napé' makéré toyaang wo murus im pamalé éra in esa. Wo in taniitu si kikiiten é sétang ra'- ica wana témpo e maké sé tou e muruk i ngaranta tou maéman.

1 Timotius 6:3

Si séi masusui in sususuien walina wo maanggap in sususuien wutul i Apo'ta Yesus Kristus suméa', wo ka'i ra'ica makiit in sususuienta mengaapo',

Titus 3:14

Wo sé touta maémano, musti rumaméji maéma' in tawoien loor wosama' ro'na tumawang sé tou walina e makéré ing kaperluan éra mengendo-ngendo. Wo in taniitu eng katouan éra awéan en torona.

1 Petrus 2:12

Em peri miow musti loor an dior é tou sé ra'ica makatuus si Amang Kasuruan. Mandé ka'i patudun éra kamu tou léwo', sérén éra oka sé pengaémaan iow loor wo in taniitu séra rumayo wo sumiri' oka si Amang Kasuruan, an tutuw maai en endo-Na sa.

1 Petrus 2:15

Ampa'paan icasalé' i Amang Kasuruan kamu méma' sé loor, wosama' si tou ra'ica wana eng kailekan andumoro' ing kasalé'an-Na, sia ra'io ka'i memaa-maar sé ra'ica wutul andumoro' icamu.

1 Petrus 3:16

Sa kamu sumowat, musti uli-ulit ang karapi in até weresi, wosama' sé tou maroros icamu ampa'paan kamu makiit si Kristus, séra in esa e malawi' ampa'paan sé iparoros éra itu ra'ica wutul.