Titus 2:4 - En Taar Weru a nunuwu' é Tontemboan

⁴ Wo in taniitu séra ro'na sumusui a sé inang-inang sé wo'basé' wosama' séra mengaupus sé penanaan éra wo sé toyaang éra.

Titus 2:4 ပူးပေါင်းရင်းမြစ်များ

1 Timotius 5:11

Taan sé balu wéwéné wo'basé' sé ra'ipé' imangé in enem ngapulu' ngata'un, ra'ipé' toro daftar en tawangen. Ampa'paan sa séra kinawasao ing kasalé'an in owak si ra'ica wutul, tantu séra masalé'pé' kawéngen sumawel wo ra'io mengaselewir a si Kristus,

1 Timotius 5:14

Ampa'paan ituo icasalé'ku sé balu wéwéné wo'basé' wosama' séra masalé'pé' kawéngen sumawel. Sa séra kawéngené' sumawel, séra ro'napé' makéré toyaang wo murus im pamalé éra in esa. Wo in taniitu si kikiiten é sétang ra'- ica wana témpo e maké sé tou e muruk i ngaranta tou maéman.

1 Timotius 5:2

Taniitu ka'i wo sé wéwéné sé matu'a mai ai co. Musti sina'uenmu mangé in sama' séra tanu ko manuwu' a si inangmu in esa. Wo sé mangala'un, sina'uenmu mangé ka'i séra ang karapi ing kale'nasan in atému tanu ko manuwu' a si tuarimu in esa.

Titus 2:3

Taniitu ka'i sé wéwéné matu'ao, sina'uenmu mangé séra wosama' musti mengaapo' kumiit ing kasalé'an i Casuruan. Séra ka'i ra'ica toro mengawuruk i ngaran é tou wo ra'ica tansaléén in elepen mengalangu. Aweso taré séra itu mengasusui angé sé loor a sé tou.

Titus 2:5

Wo ka'i pasusuian angé sé inang-inang wo'bas itu wosama' menonou maké ing kapinteran asi Casuruan owo, menonou le'nas an dior i Casuruan, re'dem maelur im pamalé, loor en até wo le'tek a si penanaanna. Sa séra mengaéma' in taniitu, en Taar i Amang Kasuruan ra'ica ojaten é tou.