Titus 2:3 - En Taar Weru a nunuwu' é Tontemboan

³ Taniitu ka'i sé wéwéné matu'ao, sina'uenmu mangé séra wosama' musti mengaapo' kumiit ing kasalé'an i Casuruan. Séra ka'i ra'ica toro mengawuruk i ngaran é tou wo ra'ica tansaléén in elepen mengalangu. Aweso taré séra itu mengasusui angé sé loor a sé tou.

Titus 2:3 ပူးပေါင်းရင်းမြစ်များ

Roma 1:29

En até éra wuta ing kabengisan wo wuta ing kaléwo'an. Séra wuta ing kalongi'an wo ing kawurukan, wuta im panganaten, masalé' mengapaté tou, masalé' meindo-indoan roma', tampenguwak wo ra'ica makiit ing kasalé'an i Amang Kasuruan.

Roma 16:2

An tutuw sia maangé ai camu sungkuleno mangé sia ang karapi in arui en até ampa'paan sia tou maéman a si Casuruan, tanu siituo em patus émaan é tou le'nas. Wo pangilekenku ai camu, patawangen angé sia sapake' em paperlunna. Ampa'paan kelio sé aiwééna en tumawang sé tou keli wo ka'i a yaku.

Efesus 5:3

Tioo kamu kawera-werake' in cabul, mengéma-ngéma' sé karican oka mai, kuma'pa masalé-salé'ke' in anu é tou walina. Ipepaarke' ka'i en itu ra'ica toro, ampa'paan ra'ica patus émaan é tou le'nas.

1 Timotius 3:11

Taniitu ka'i wo sé penanaan éra, em peri é penanaan éra musti loor akar pasiri-siriin é tou, ra'ica mengawuruk i ngaran é tou walina, makailek matang in owak wo ro'na papercayan am baya-waya.

1 Timotius 3:8

Taniitu ka'i wo sé maselewir sé jamaat, séra sumémbong tumu'tul sé jamaat, em peri éra musti loor akar pasiriin é tou, ra'ica punek, ra'ica lalangun wo ra'ica longi'.

1 Timotius 5:23

Timotius, kailekanku ko pengasakitan in tina'i wo awéan sakit walina. Anaé, ko tioo asalo mengaelep rano kulo'ke', taan maelep angé toyo' anggor en sumama' in sakitmu itu.

Titus 1:7

Sé mengatilik an jamaat en tawoienna mengatu'tul sé jamaat i Amang Kasuruan, sia musti menonou ra'ica wana e ro'na méé kaséaan, ra'ica tirayo, ra'ica tae'bow, ra'ica lalangun, ra'ica tampenokolen wo ra'ica ata in doit.

Titus 2:4

Wo in taniitu séra ro'na sumusui a sé inang-inang sé wo'basé' wosama' séra mengaupus sé penanaan éra wo sé toyaang éra.

Ibrani 5:12

En ulitna kamu an témponao woo mamuali guru, taan kamu sangalipé' pasusuian é tou walina en andumoro' im patuuran in Taar i Amang Kasuruan. Kamu susupé' em paelepen, ra'ipé' makawoo tumerima ing kakanen keté.

Wahyu 2:20

Taan iséro'-Ku kamu, ampa'paan aiwayake' miow si esa wéwéné makangaran Izebel. Si wéwéné itu matuul in owakna nabi i Amang Kasuruan, taan sia masusui wo mengasélé'kow sé ata-Ku mengabersina wo mengakan ing kakanen sé ayumpero a sé opo-opo'.