Titus 2:12 - En Taar Weru a nunuwu' é Tontemboan

¹² Wo en upus aitambér-Na itu ka'i en sumusui ai cita wosama' tioo menonou ra'ica maindé' a si Casuruan wo tioo makiit ing kasalé'an ing kayo'baan. En upus aitambér-Na itu isumusui ai cita e makawoo tumang in owak, menonou ra'ica marapit wo maapo' kumiit ing kasalé'an-Na ang kayo'baan ya'sa.

Titus 2:12 ပူးပေါင်းရင်းမြစ်များ

Matius 12:32

Sa awéan tou manuwu' en sumundur si Toyaang i Tou, si tou itu ampungan oka. Taan sa sé ipanuwu'na maojat si Roh Le'nas, sia ra'ica kawisa kaampungan, intarépé' wo ka'i akar ing kauré-uré.”

Matius 16:24

Wo icua i Yesus a sé murit-Na, “Si séike' e masalé' kumiit Yaku, sia musti sumangkal in owakna, muléng in salipna wo kumiit Yaku.

Matius 28:20

Wo susuiano mangé séra wosama' émaan éra waya sé aiperénta-Ku ai camu. Pena'né-na'néieno mangé, Yaku kasake' ang karapi miow akar ing kaka'puan ing kayo'baan.”

Lukas 1:6

Séra in dua mengaéma' im butul an dior i Amang Kasuruan wo wutu-wutul makiit waya im perénta wo in atoran i Amang Kasuruan.

Lukas 1:75

Wo ang kauréta menonou ang kayo'baan, kita musti menonou le'nas, wo asalo mengéma-ngéma' im butul si casalé' i Casuruan.

Yohanes 14:30

Intarépé' Aku ra'io kumeli roma' ai icamu, ampa'paan si kikiiten é sétang si kumawasa ing kayo'baan anio' ang karoro'ano i maai. Taan sia ra'ica wana kawasa sapake' mangé a Yaku.

Yohanes 6:25

An tutuw é tou keli icateka' ang Kapernaum, séra meta'up wo si Yesus, icua éra ai Sia, “Guru, kawisa réén si Guru aicateka' mai am bia'i?”

Kisah Para Rasul 24:16

Ampa'paano in itu, yaku tatap rumaméji menonou ang karapi in até weresi an dior i Amang Kasuruan wo ka'i an dior é tou.

Kisah Para Rasul 24:25

Wo icua i Paulus tumambisa sé tou menonou wutul an dior i Amang Kasuruan, tumambisa eng kumawasa in owak wosama' ra'ica méma' ing kamesé-meséaan wo ka'i andumoro' in endo sé tou akimen i Amang Kasuruan. Kelingana in itu, sia makala'us maindé' wo icuana, “Taniitupé'owo, wo mangéo ko. Kawisa mangé sa awéano témpo loor towanku oka sumawel ko.”

Roma 12:2

Tioo pakiiten iow em peri é tou sé ra'ica makatuus i Amang Kasuruan. Taan iwayao mio' em pakawerot iow werun i Amang Kasuruan wosama' em pakawerot iow mawalina. Wo in taniitu ro'na kakailekan iow eng kasalé'an-Na: siituo sé loor wo lekep, wo si mengaéma' in até-Na arui.

Roma 6:12

Anaé, tioo iwaya en owak iow si ro'na maté itu, kawasané' ing kamesé-meséaan, wosama' kamu ra'ica kumiit ing kasalé'an in owak sé léwo'.

Roma 6:19

Em pakawerot iow tanu tou ra'ica rior makailek, anaé aku maké in andéan ata, wosama' kamu rior makailek sapa em peangé-angénku. Indior kamu sumarakano waya ing katouan iow mamuali ata ing kasamekan wo ing kaléwo-léwo'an akar kamu mengéma-ngéma' in léwo'. Taniituo ka'i intarépé', musti isarakan iow waya eng katouan iow mamuali ata mengaéma' im butul akar makawali icamu ang katouan le'nas.

Roma 8:13

Ampa'paan, sa kamu menonou mengakiit ing kasalé'an in owak in esa, kamu makéré oka ukuman icatané a si Amang Kasuruan akar ing kauré-uré. Taan sa yento' miow mengéma-ngéma' ing kasalé'an in owak maké ing kawasa i Roh-Na, kamu menonou oka ang karapi-Na akar ing kauré-uré.

2 Korintus 1:12

Kami marayo, sapaoka eng katouan ami asi cayo'baan anio', linangkoio ami ang karapi in lekep en até wo rondor en até. Kami menonou tanu siitu wuntulke' im paesaan wo icamu. Siituo eng kasairian in até weresi ami. Niéma' ami en itu, ra'ica ang karapi ing kapinteran é tou, taan ang karapi in upus aitambér i Amang Kasuruan.

2 Korintus 7:1

Poo-poow sé icaupusku, pakasa en janji itu aituru' ai cita. Ampa'paan in itu mayo kita meresi in owak asé im pakasa sé mengakotor in owak wo i rohta. Wo mayo kita menonou le'nas torona i Amang Kasuruan ang karapi in lekep wo maindé'o mangé ai Sia.

Galatia 1:4

Kumiit ing kasalé'an i Amang Kasuruan Amangta, si Yesus si sumarakano in owak-Na en tumu'bus ing kamesé-meséaanta wosama' kita icawekar asi kaléwo'an si awéan ang kayo'baan intarépé'.

Galatia 5:24

Si séike' sia si mamualio tou i Kristus Yesus, pinaténao em peri-perina sé ra'ica loor wo pakasa ing kasalé'an in owakna ang kayu salip.

Efesus 1:4

Ra'ipé' niéma' i Amang Kasuruan eng kayo'baan anio', sinisir-Nao kita wosama' meesa ang karapi i Kristus wo mamuali anu-Na si ra'ica wana kaséaan sapa-sapa an dior-Na.

Efesus 2:2

An tutuw itu kamu mengakiité' ing kanaramen ing kayo'baan anio', wo mengakiit si kikiiten é sétang si cumawasa an langit. Siao e roh si matawoi intarépé' an untep in até é tou sé ra'ica le'tek a si Amang Kasuruan.

Kolose 1:22

Taan intarépé' kamu niéma'o i Amang Kasuruan meelurano sumawel wo Sia ampa'paan im papaté in owak i Kristus, wosama' kamu menonou le'nas wo ra'ica wana kaséaan wo ra'ica wana e ro'na itudu an dior-Na.

1 Tesalonika 4:7

Kita tinowao i Amang Kasuruan e menonou ang kale'nasan wo ra'ica mengaéma' in andumoro' sé cabul sé karican oka mai.

1 Tesalonika 4:9

Wo en andumoro' i meupu-upusan wo sé poo-poow maéman, werotenku kamu ra'io sangali susuian ampa'paan en itu aisusuio i Amang Kasuruan tambisa e meupu-upusan.

1 Timotius 4:12

Tioo iwayamu sé tou maepes im beren ai co ampa'paan ko wo'basé'. Taan émaano mangé en owakmu mamuali paandéan an uner é tou maéman, am pakanuwu'mu, am perimu, ang kaupusanmu a sé tou walina, ang kale'tekanmu wo ang kale'nasanmu a si Casuruan.

1 Timotius 6:17

Pokéianmu mangé sé tou siya' ang kayo'baan anio' wosama' séra tioo mengatirayo wo tioo menonou mamangén ang kasiyaan. Ampa'paan eng kasiyaan ing kayo'baan anio' ra'ica akar ing kauré-uré, si endo anio' awéan woondo maka'puo. Aweso taré séra itu menonou mamangén a si Amang Kasuruan, si méé mai im baya-waya sé paperlunta wosama' ro'na kaipianta waya en itu.

1 Timotius 6:9

Taan sé tou sé masalé' masiya', séra itu sé taporak katawéran méma' ing kaléwo'an ampa'paan séra kinawasao ing kasalé'an in owak. Eng kasalé'an in owak éra itu ra'ica wana torona wo méma'ke' taré séra mawendu. Eng kasiwakanna sé tou masalé' masiya', séra katawéran méma' ing kaléwo-léwo'an. Anaé, niéma'o éra in esa en owak icawangkur, en itu puté séra kinata'kongano.

2 Timotius 3:12

Mémang pakasa in tou maéman a si Kristus Yesus wo kumiit ing kasalé'an-Na meta'up oka in okoi.

2 Timotius 4:10

Ampa'paan si Kreskes imangém ang Galatia wo si Titus imangémo an Dalmatia. Wo aku aitela'uo ka'i i Demas, sia imangémo an Tesalonika ampa'paan sia masalé-salé'ke' sé andumoro' ing kayo'baan.

Titus 3:3

Kailekanmu é Titus, indior kita ra'ipé' makailek sapa-sapa. Ampa'paan in itu kita ra'ica le'tek a si Amang Kasuruan, icasélé'kow wo kinatawéranke' mengaéma' in léwo', kita mamuali ata ing kasalé'an ing kayo'baan si asalo maarui in owak in esa, kita menonou mengéma-ngéma'ke' in léwo', kokanat a sé tou walina, bengis, mengkasuutan asi esa wo sé walina.

Ibrani 8:11

Wo séra ra'io sangali mensusuian wo sé kara-karapi kuma'pa sé poo-poow éra, wosama' makatuus si Casuruan. Ampa'paan séra im baya tumo'tol asé tou ra'ica penting akar a sé tou penting makatuus oka Yaku.

Yakobus 1:27

Taan imaapo' im butul wo lekep an dior i Casuruan Amangta, tanu si anio': Tumawang sé toyaang ula wo sé wéwéné balu ang kasusaan éra wo matéir in owak wosama' ra'ica kumiit ing kasalé'an ing kayo'baan anio'.

2 Petrus 2:9

Anaé, ro'na kailekanta sapaoka si Amang Kasuruan tumawang sé tou sé masiri' Sia an tutuw séra am pangepé'an, wo sume'sek sé tou léwo' in ukumen asi endo Sia mai makim pakasa in tou.

2 Petrus 3:11

Anaé, sa em pakasa pakateri-terin oka tanu siitu, tumambisa réén kamu musti menonou intarépé'? Tantu musti menonou le'nas wo le'tek a si Amang Kasuruan.

1 Yohanes 2:27

Wo andumoro' icamu in esa, si Casuruan imééo mai i Roh Le'nas eng kumawasa icamu wo akar intarépé' e Roh Le'nas itu awéané' ai camu. Anaé kamu ra'io sangali susuian é tou walina, ampa'paan kamu penusu-nusuian i Roh Le'nas andumoro' im pakasa in itu. Wo sapa en aisusui-Na itu wutul wo ra'ica towo. Tinerimao miow en sususuien itu ai Sia, ampa'paan in itu kamu musti menonou angé meesa wo si Kristus.

1 Yohanes 2:6

Si séike' mangé si mengakua sa sia imeesao wo si Casuruan, em pakatouna ka'i musti meputé wo im pakatou i Kristus.

1 Yohanes 5:19

Kailekanta sa kita anio' asi Amang Kasuruan owo, wo pakasa sé ang kayo'baan anio' pakakawasaan i kikiiten é sétang.

Yudas 1:18

Aicua éra, “Sa maayo en endo kaka'puan ing kayo'baan, mapaturu' oka mai sé tou koséro'. Séra itu menonou makiitke' ing kasalé'an in owak éra sé ra'ica loor.”

Wahyu 14:12

Em penting am bia'i sé tou le'nas musti talesen mandé ka'i meta'up in okoi, sérao sé makiit im perénta-perénta-Na wo mauli-ulit maéman a si Yesus.