Titus 2:10 - En Taar Weru a nunuwu' é Tontemboan

¹⁰ Séra ka'i ra'ica toro marombit in anu é tou. Aweso taré ituru' éra mangé a si tuang éra sapaoka en até éra wutu-wutul weresi wo le'tek, wo in taniitu séra ro'na percayan i tuang éra. Sa émaan éra tanu siitu, en sususuien i Amang Kasuruan, si Lumolowirta, irayo oka é tou walina.

Titus 2:10 ပူးပေါင်းရင်းမြစ်များ

Matius 24:45

“Si séi si ata le'tek wo pandéi, tantu sia angkaien i tuangna mamuali kikiiten é kakéléna ata am balé i tuang itu. Wo sia tokéan i tuangna e méé kanen a sé kakéléna ata an oraso ing kuman.

Matius 5:16

Tanu siituo ka'i wo icamu, en sendotmu musti tumélang an dior é tou wosama' sérén éra em pengaémaanmu loor wo marayo-rayo si Amangmu an sorga.”

Lukas 1:47

Wo en atéku masalé-salé' ampa'paan si Amang Kasuruanku si Lumolowirku.

Lukas 1:80

Makauré si Yohanes makawangkoo wo makaketero ka'i em paémanenna a si Amang Kasuruan wo em perina makalooro. An tutuwna imawangkoo, sia mangé mento' an tana' kapayasan, akar sia tumo'tolo maéma' in tawoienna an uner é tou Israel.

Lukas 16:10

Si tou ro'na tokéan in tawoien teké', sia ka'i ro'na tokéan in tawoien wangker. Taan si tou ra'ica toro tokéan in tawoien teké', sia ka'i ra'ica toro tokéan in tawoien wangker.

Yohanes 12:6

Aicua i Yudas in taniitu ra'ica ampa'paan sia masalé' tumawang sé tou lengéi taan ampa'paan sia rombit. Sia sumangkum mengaindo in doit kas si pengaéma' ai sia.

1 Korintus 4:2

Si kumataré-taré en tuntuten ai cita sé mengaselewir, kita musti le'tek a si tuang si méé in tawoien.

Efesus 4:1

Yaku Paulus si binui ampa'paan maselewir si Casuruan, sina'- uenku kamu sé tinowao i Amang Kasuruan wosama' kamu menonou kumiit in totowa itu.

Filipi 1:27

Anaé, em penting keli kamu musti menonou kumiit in sapa sé aisusui an Abar Kaaruien andumoro' i Kristus. Wo in taniitu, aku maai meta'up wo icamu kuma'pa ra'ica, kailekanku oka sapaoka kamu enté' makatulung an esa wasa wo rumaméji mewali-wali an esa até torona im paémanen ampa'paan makiit in Abar Kaaruien.

Filipi 4:8

Anaé, é poo-poow, icuaku mangé ai camu, pakasa sé paanggapen wutul i Amang Kasuruan, pakasa e rarayo wo in sisiri', pakasa sé ra'ica marapit, pakasa sé le'nas, pakasa sé loor, pakasa sé manam pengalingan, pakasa sé patus paangkaian im bawangko' wo patus iparayo, weroteno mangé sumama-sama' en itu.

1 Timotius 1:1

En surat anio' a yaku owo Paulus, si mamualio ruru'du'an i Kristus Yesus kumiit im perénta i Amang Kasuruan Si Lumolowirta wo si Kristus Yesus si paarapenta.

1 Timotius 5:17

Sé penatua an jamaat sé mengaéma' in tawoienna ang karapi in loor, séra itu patus pasiri-siriin makarua lumepet. Wopé'ka'i sé re'dem makua in Taar i Casuruan wo masusui a sé jamaat.

1 Timotius 6:1

Awéan sé ata maémano a si Yesus, séra itu musti mengasiri' si tuang éra. Wo in taniitu, sé tou sé ra'ica maéman a si Yesus ra'ica wana alasan e mojat i ngaran i Amang Kasuruan wo ka'i in sususuienta.

1 Timotius 6:3

Si séi masusui in sususuien walina wo maanggap in sususuien wutul i Apo'ta Yesus Kristus suméa', wo ka'i ra'ica makiit in sususuienta mengaapo',

Titus 1:3

Wo asi témpo si aitantuo i Amang Kasuruan, ituru'-Na ai cita en lalan makéré ing katouan akar ing kauré-uré. Aitoké-Nao a yaku eng kumua in Abar Kaaruien andumoro' i Yesus Kristus itu wo icuaku kiit im perénta-Na. Siao si Lumolowirta.

Titus 3:4

Taan intarépé', aituru'o i Amang Kasuruan si Lumolowirta eng kasamaan-Na wo eng kaupusan-Na a sé pakasa in tou.

1 Petrus 2:12

Em peri miow musti loor an dior é tou sé ra'ica makatuus si Amang Kasuruan. Mandé ka'i patudun éra kamu tou léwo', sérén éra oka sé pengaémaan iow loor wo in taniitu séra rumayo wo sumiri' oka si Amang Kasuruan, an tutuw maai en endo-Na sa.

1 Petrus 3:16

Sa kamu sumowat, musti uli-ulit ang karapi in até weresi, wosama' sé tou maroros icamu ampa'paan kamu makiit si Kristus, séra in esa e malawi' ampa'paan sé iparoros éra itu ra'ica wutul.

2 Yohanes 1:9

Si tou ra'io ka'i makiit in sususuien i Kristus wo makiit oka in sususuien walina, sia itu ra'ica makaanu si Amang Kasuruan. Taan si tou makiit in sususuien i Kristus, sia itu makaanu si Amang wo ka'i si Toyaang.