Titus 1:6 - En Taar Weru a nunuwu' é Tontemboan

⁶ Sé tou angkaien mamuali penatua musti tanu sia'i: ra'ica wana e ro'na méé kaséaan ai sia, wayake' in esa wéwéné e mamuali penanaan, sé toyaangna maéman a si Casuruan wo in taniitu ra'ica wana tou e makua sapaoka sé toyaang itu makaperi ra'ica loor kuma'pa tansunduren.

Titus 1:6 ပူးပေါင်းရင်းမြစ်များ

Lukas 1:5

En sisisilenna tana'i: An tutuw i Herodes mamuali kolano an Yudea, awéan esa imam Yahudi makangaran Zakharia. Sia itu imam si cauntep ang golongan é imam Abia. Si penanaanna makangaran Elisabet, sia ka'i taranak i imam Harun.

Efesus 5:18

Tioo kamu malangu-langu ampa'paan in elepen pengakalangun e méma' icamu ra'ica makawoo kumawasa in owak. Taan aweso taré en owak iow pakakawasan i Roh i Amang Kasuruan.

1 Tesalonika 5:14

Pangileken ami ka'i ai camu é poo-poow, pengaromaan angé in sama' sé tou ra'ica kiim tumawoi, keteran angé en até é tou toloindé', tawangen angé sé tou patus tawangen wo malese-lesen angé a sé im pakasa é tou.

1 Timotius 1:9

En ukum ang Kitap Le'nas itu ra'ica niéma' torona é tou sé maéma' im butul, taan niéma' torona é tou sé ra'ica makiit in ukum wo sé tou ra'ica le'tek, torona é tou léwo' wo sé tou mengaéma' ing kamesé-meséaan, torona é tou makiit ing kasalé'an ing kayo'baan wo ra'ica maéman a si Casuruan, torona é tou sé mengapaté si amang wo si inang, torona é tou sé kinakelian mengapaté tou,

1 Timotius 3:12

Sé maselewir e masémbong tumu'tul sé jamaat itu, musti wayake' in esa wéwéné em penanaanna. Sia musti makailek maurus ang karapi in loor sé toyaangna wo em pamaléna.

Titus 1:10

Icuaku in taniitu ampa'paan kelio sé tou masalé' mengasundur in sususuien wutul. An uner éra itu awéan tou Yahudi si maémano a si Yesus, pengasusuina sapaoka sé tou ra'ica Yahudi sa masalé' mamuali anggota jamaat musti sunaten owo. Séra itu mengauwak sé tou walina ang karapi in doroma' éra sé ra'ica wana en torona.