Titus 1:5 - En Taar Weru a nunuwu' é Tontemboan

⁵ Ico aitela'uku am pulou Kreta wosama' ro'na tu'tulenmu sapa sé ra'ipé' tu'tul an jamaat am bitu wo ka'i lumantik sé penatua ang kota-kota am pulou itu. Kiiteno mangé tanu sé aitaarkuo ai co.

Titus 1:5 ပူးပေါင်းရင်းမြစ်များ

Kisah Para Rasul 11:30

Kumawusai séra sumuun roit, wo ru'du' éra si Barnabas wo si Saulus e maali in doit itu a sé penatua an Yudea.

Kisah Para Rasul 14:23

Wo séra in dua sumisir sé penatua torona é jamaat itu. Séra sumombayang wo muasa en sumarakan sé penatua itu a si Casuruan si paémanen éra.

Kisah Para Rasul 2:11

sé tou Yahudi wo sé tou ra'ica Yahudi sé mengakiit in agama Yahudi. Wo awéan ka'i sé tou Kreta wo sé tou Arab. Icita im baya iluminga iséra maroma' imaké i nunuwu'ta in esa andumoro' ing kakaya'kaan wangko' sé niéma' i Amang Kasuruan.”

Kisah Para Rasul 27:12

Ampa'paan em pasuwaan ing kapal itu ra'ica loor pasuwaan ing kapal-kapal asi oras ing kautingan. Ampa'paan in ituo keli sé tou ang kapal lébé masalé' sa eng kapal maya' suméngkot melala'us mangé ang kota Feniks am pulou Kreta wosama' ro'na mento' toyo' am bitu an orasna ing kautingan. Eng kota Feniks itu kota pasuwaan ing kapal aicari'dir an deges ampa'paan makasaru mako.

Kisah Para Rasul 27:13

Asi témpo itu, en deges a mékona owo ra'ica talos repet. Anaé, paweroten é tou ing kapal sa séra suméngkot maangé ang kota Feniks ra'ica sapa-sapa. Ampa'paan in ituo angkaien éra en jangkar wo suméngkot angé kumiit in tembir in ta'sic im pulou Kreta.

Kisah Para Rasul 27:21

Wo si Paulus tumulung an uner éra, ampa'paan pirao ngando sé tou itu ra'ica icuman. Icuana, “Poo-poow, sa lininga miow si aipokéiku asi sangando sapaoka kita ra'ica suméngkot tumela'u im pulou Kreta, tana'i kita ra'ica meta'up ing kawenduan wo kelian eng kinatalaan tanu sia'i.

Kisah Para Rasul 27:7

Pirao ngando kami suméngkot, eng kapal mawaya' ngenger keli ampa'paan pasu'suken in deges repet wo ang karapi im bendu keli kami matawio ing Knidus. Asi témpo itu en deges repeté' keli, ampa'paano in itu, kami suméngkot mindo lalan walina kumiit an tanjung Salmone am pulou Kreta wosama' ra'ica sumu'suk in deges repet.

1 Korintus 11:34

Sa awéan tou maarem, sia musti kuman owo am baléna. Sa émaan iow tanu siitu, em paesaan iow ra'ica makawali mai ukuman asi Amang Kasuruan. Andumoro' sé walina, elurenku oka sa aku maai.

1 Korintus 14:40

Taan an tutuw kamu maapo', eluren iow sumama-sama' pakasa en itu, oréoka malicoko.

1 Korintus 4:17

Ampa'paan in ituo yutusku mangé si Timotius ai camu ampa'paan sia itu niéma'kuo tanu toyaangku in esa wo icaupusku, sia ka'i le'tek a si Casuruan. Mangéna oka ita'néi sumawel ai camu andumoro' tambisa eng katouanku makiit a si Kristus Yesus. Eng katouanku itu ipenusu-nusuikuo a sé jamaat am pakasa in tampa.

Kolose 2:5

Ampa'paan mandé ka'i aku ra'ica an uner iow taan en atéku kasake' ang karapi miow. Wo aku arui an tutuw luminga sapaoka kamu menonou mensan-samaan si esa wo sé walina wo em paémanen iow a si Kristus kasake' keter.

1 Timotius 1:3

An tutuwku maangém a Makedonia, pangilekenku ko mentoo mio' an Efesus. Am bitu ko ro'na sumina'u sé tou masusui in sususuien ra'ica wutul, wosama' yento' érao masusui in sususuien sé ra'ica wutul itu.

2 Timotius 2:2

Liningamuo en sususuien si aisusuikuo an dior é tou keli. Musti isusuimu en itu a sé tou walina sé ro'na percayanmu wo sé pandéi masusui. Wo in taniitu séra ro'na sumusui sé tou walina.

Titus 1:12

Awéan esa nabi, sia tou éra in esa ang Kreta si sumangkumo kumua in tana'i, “Ulito sé tou Kreta kotowo, puté wo sé binatang luméwo-léwo', longi' wo weles ra'ica kiim tumawoi.”