Titus 1:4 - En Taar Weru a nunuwu' é Tontemboan

⁴ Éi Titus, ico nianggapkuo toyaangku in esa, ampa'paan kita in dua puté maéman a si Kristus Yesus. Pekiupusenku a si Amang Kasuruan wo si Kristus Yesus Lumolowirta tumambérai in upus wo ing kaeluran ai co.

Titus 1:4 ပူးပေါင်းရင်းမြစ်များ

Lukas 2:11

En abar itu tana'i: Asi endo anio' ang kota Daud makangaran im Betlehem itumouo si Lumolowir iow, Siao si Kristus, si Kasuruan.

Yohanes 4:42

Icua éra a si wéwéné itu, “Percayaan ami si Yesus ra'icake' ampa'paan sé aicuamu asi kaawii makasa, taan ampa'paan intarépé' icami in esa lumingao Sia. Kailekan amio sa Sia itu wutu-wutul Lumolowir é tou.”

Roma 1:12

Em peangé-angénku sa aku an uner iow am bitu, kita ro'na membém-béan ing kaketeran im paémanen a si Amang Kasuruan.

Roma 1:7

Ampa'paan in ituo, ipaticku en surat anio' ai camu im baya sé maento' a Roma sé icaupus i Amang Kasuruan, sé tinowa-Nao e mamuali tou le'nas. Pekiupusenku woo a si Amang Kasuruan, Amangta wo a si Apo' Yesus Kristus en tumambérai ing kamang wo ing kaeluran ai camu.

2 Korintus 12:18

Airu'du'kuo si Titus mai ai camu, wo rumu'du' si poow esa am paémanen walina mangé mewali-wali wo isia. Mindo réén ing kauntungan si Titus ai camu? Em perina wo em periku meputé wo taniitu ka'i em pakatawoi.

2 Korintus 2:13

Taan aku ra'ica makaaté in sama', ampa'paan a mangé mbitu aku ra'ica meta'up wo si poowta Titus. Anaé, aku mapermisi a sé tou asi tampa itu wo mangé a Makedonia.

2 Korintus 4:13

Ang Kitap Le'nas awéan e makua, “Percayanku, ampa'paan in ituo aku manuwu'.” Anaé, ang karapi ing kaincayaan imaéman tanu siitu ka'i, kami manuwu' ampa'paan percayan ami.

2 Korintus 7:6

Taan makapulu'sama' a si Amang Kasuruan si mengaibor sé tou sama' en até. Sia mengaarui in até ami an tutuw si Titus mai ai cami.

2 Korintus 8:16

Icua ami makapulu'sama' a si Amang Kasuruan, ampa'paan an até i Titus winéan-Nao mai ing kasalé'an wangko' en tumawang icamu, an até i Titus meputé wo si an até ami.

2 Korintus 8:23

Si Titus karapiku matawoi en sumémbong ai camu. Wo sé rua poow itu, sé mangé ang karapina, séra sé tou ayutus é jamaat wo sé marayo wo masiri' si Kristus ang karapi im pakaselewir éra.

2 Korintus 8:6

Ampa'paan in ituo, linesé' ami si Titus mangé ai camu wo lumekep in sumuun in doit ipatawang anio'. Ampa'paan siao eng kataré tumo'tol in tawoien anio' an uner iow.

Galatia 2:3

Wo sé aipepaarku tinerima éra. Si Titus si mewali-wali wo yaku, mandé sia tou Yunani taan ra'ica linesé' é tou Yahudi sé am bitu in sunaten.

Galatia 3:26

Kamu im baya imamualio toya-toyaang i Amang Kasuruan ampa'paan maéman a si Yesus Kristus.

Galatia 3:28

Anaé, pakasa in tou maéman a si Kristus ra'io wana em béda, mandé kai séra tou Yahudi kuma'pa tou ra'ica Yahudi, ata kuma'pa tou ra'io pakakawasan é tou walina, tuama kuma'pa wéwéné. Ampa'paan kamu im baya nianggap meputé an dior i Amang Kasuruan ampa'paano i Yesus Kristus.

Efesus 1:2

Upus aitambér wo eng kaeluran asi Amang Kasuruan Amangta wo asi Apo' Yesus Kristus mewali-wali wo icamu.

Kolose 1:2

En surat anio' aicirim ami a sé poo-poow le'nas ang Kolose, sé maémano a si Kristus. Pekiupusenku a si Amang Kasuruan, Amangta, sa woo ro'na Sia tumambérai in upus wo ing kaeluran-Na ai camu.

1 Timotius 1:12

Yaku kumua i makapulu'sama' a si Kristus Yesus Apo'ta, ampa'paan Siao si méé mai ing kaketeran a yaku. Anggapen-Na aku tou le'tek ai Sia, akar tinokéan-Na mai aku mamuali maselewir ai Sia.

2 Timotius 1:1

En surat anio' a yaku owo, Paulus, si mamualio ruru'du'an i Kristus Yesus kumiit ing kasalé'an i Amang Kasuruan. Yaku sinisir-Na eng kumua in janji-Na wosama' sé tou maéman a si Kristus Yesus ro'na makéré ing katouan akar ing kauré-uré.

2 Timotius 1:2

Timotius, ko tanu toyaangku in esa wo icaupusku. Pangilekenku a si Amang Kasuruan wo a si Kristus Yesus Apo'ta en tumambérai ing kamang, tumuru' ing kaupusan wo ing kaeluran ang katouanmu.

2 Timotius 4:10

Ampa'paan si Kreskes imangém ang Galatia wo si Titus imangémo an Dalmatia. Wo aku aitela'uo ka'i i Demas, sia imangémo an Tesalonika ampa'paan sia masalé-salé'ke' sé andumoro' ing kayo'baan.

Titus 1:3

Wo asi témpo si aitantuo i Amang Kasuruan, ituru'-Na ai cita en lalan makéré ing katouan akar ing kauré-uré. Aitoké-Nao a yaku eng kumua in Abar Kaaruien andumoro' i Yesus Kristus itu wo icuaku kiit im perénta-Na. Siao si Lumolowirta.

Titus 2:13

Émaanta waya en itu ang karoro'anta mengento-ngento'pé' wo maarap in endo i Casuruan maai sumawel. Sia itu si Amang Kasuruan mangko-wangko', Siao si Yesus Kristus si Lumolowirta. Sia maai wuta i rarayo wo in sisiri' wo maali mai ing kamang ai cita im baya.

2 Petrus 1:1

En surat anio' a yaku owo, Simon Petrus. Yaku anio' ata wo ruru'du'an i Yesus Kristus. Ipaticku en surat anio' ai camu sé maémano a si Yesus Kristus kaputé ami. Si Yesus Kristus itu Amang Kasuruan wo Lumolowirta. Sia iméma' icamu maéman ampa'paan si pengaémaan-Na wutul wo ra'ica marapit.

2 Petrus 1:11

Wo in taniitu kamu wéan-Na oka kaloasan e muntep ang kakolanoan akar ing kauré-uré, siituo eng kakolanoan i Apo' Yesus Kristus wo Lumolowirta.

2 Petrus 2:20

Sé tou itu isumangkumo makatuus si Yesus Kristus, Apo' wo Lumolowirta, séra icawekaro ang kasalé'an léwo' ing kayo'baan. Taan sa séra maréng sumawel iméma' sé kaléwo'-léwo'an itu, eng kasiwakanna em peri ing katouan éra itu ilumébé léwo' mai asi cataré.

2 Petrus 3:18

Taan aweso taré kamu makaawes mendam ing kamang aitambér i Amang Kasuruan, wo makalébéo makatuus si Yesus Kristus, Apo' wo si Lumolowirta. Ai Siake' pakasa e rarayo wo en sisiri' intarépé' akar ing kauré-uré. Ulit.

2 Petrus 3:2

Icasalé'ku kata'néian iow en taar sé aicuao é nabi le'nas indior wo ka'i mena'né-na'néi em perénta i Apo' Yesus si Lumolowirta, sé aicuao é ruru'du'an-Na ai camu.

1 Yohanes 5:14

Wo kita ra'ica maindé' meta'up wo Sia, ampa'paan sa kita sumombayang kumiit ing kasalé'an-Na, percayanta lingan-Na oka sapa em pangilekenta.

Yudas 1:3

Poo-poow sé icaupusku! En ulitna si paangé-angénku asi kataré-taré, yaku masalé' keli woo matic in surat ai camu andumoro' ing kalowiran si tinerimatao im baya. Taan intarépé' icasalé'ku keli e matic andumoro' sé walina torona miow. Icasalé'ku en sumina'u icamu wosama' kamu rumaméji kasake' imaéman. Em paémanen itu makasake' iwéé i Amang Kasuruan a sé tou le'nas akar ing kauré-uré.