Titus 1:12 - En Taar Weru a nunuwu' é Tontemboan

¹² Awéan esa nabi, sia tou éra in esa ang Kreta si sumangkumo kumua in tana'i, “Ulito sé tou Kreta kotowo, puté wo sé binatang luméwo-léwo', longi' wo weles ra'ica kiim tumawoi.”

Titus 1:12 ပူးပေါင်းရင်းမြစ်များ

Kisah Para Rasul 17:28

Sia si méma' icita menonou wo ro'na mengéro-ngéro' wo maaseng. En itu meputé wo im puisi si aipatic é tou miow si cumua, ‘Kita im baya toya-toyaang-Na.’

Kisah Para Rasul 2:11

sé tou Yahudi wo sé tou ra'ica Yahudi sé mengakiit in agama Yahudi. Wo awéan ka'i sé tou Kreta wo sé tou Arab. Icita im baya iluminga iséra maroma' imaké i nunuwu'ta in esa andumoro' ing kakaya'kaan wangko' sé niéma' i Amang Kasuruan.”

Kisah Para Rasul 27:12

Ampa'paan em pasuwaan ing kapal itu ra'ica loor pasuwaan ing kapal-kapal asi oras ing kautingan. Ampa'paan in ituo keli sé tou ang kapal lébé masalé' sa eng kapal maya' suméngkot melala'us mangé ang kota Feniks am pulou Kreta wosama' ro'na mento' toyo' am bitu an orasna ing kautingan. Eng kota Feniks itu kota pasuwaan ing kapal aicari'dir an deges ampa'paan makasaru mako.

Kisah Para Rasul 27:13

Asi témpo itu, en deges a mékona owo ra'ica talos repet. Anaé, paweroten é tou ing kapal sa séra suméngkot maangé ang kota Feniks ra'ica sapa-sapa. Ampa'paan in ituo angkaien éra en jangkar wo suméngkot angé kumiit in tembir in ta'sic im pulou Kreta.

Kisah Para Rasul 27:7

Pirao ngando kami suméngkot, eng kapal mawaya' ngenger keli ampa'paan pasu'suken in deges repet wo ang karapi im bendu keli kami matawio ing Knidus. Asi témpo itu en deges repeté' keli, ampa'paano in itu, kami suméngkot mindo lalan walina kumiit an tanjung Salmone am pulou Kreta wosama' ra'ica sumu'suk in deges repet.

Roma 16:18

Ampa'paan sé tou tanu siitu ra'ica matawoi sumelewir si Kristus Apo'ta, taan séra matawoi asalo makiit ing kasalé'an éra in esa. Séra maroma' mapaké i roroma' matawér wo nunuwu' sé manam palingan, akar séra imuwako sé tou sama' en até.

Filipi 3:19

Sé tou menonou tanu siitu ukumen oka i Amang Kasuruan akar ing kauré-uré. Séra menonou asaloke' makiit ing kasalé'an in owak éra in esa. Séra tirayo mengaéma' in sapa sé kalawiin. Séra mawerotke' andumoro' sé ang kayo'baan anio'.

1 Timotius 4:2

Sé tou mengasusui in sususuien mengasélé'kow itu, séra itu punek wo kotowo. En até weresi éra itu imariréimbengo.

Titus 1:5

Ico aitela'uku am pulou Kreta wosama' ro'na tu'tulenmu sapa sé ra'ipé' tu'tul an jamaat am bitu wo ka'i lumantik sé penatua ang kota-kota am pulou itu. Kiiteno mangé tanu sé aitaarkuo ai co.

2 Petrus 2:12

Taan sé guru ra'ica wutul itu tanuoka sé binatang ra'ica ningaasan, meputé wo sé binatang asalo ayanak en tangkaan wo patén. Séra maroros sapa sé ra'ica kailekan éra, wo ampa'paano ing kaléwo-léwo'an sé niéma' éra ituo, séra in esa ka'i patén oka kaputé é binatang ra'ica papiaran.

2 Petrus 2:15

Séra itumela'uo in lalan karondoran akar séra icasélé'kow. Séra kumiit in lalan winayaan i Bileam toyaang i Beor si masalé' keli materima roit tanu laasa ing kaléwo-léwo'an.