8 Eng kaangéanna, ra'ica pakasa sé taranak i Abraham mamuali toya-toyaang i Amang Kasuruan. Taan sé toyaang itumou ampa'paan in janji i Amang Kasuruan sérao sé patuulen toya-toyaang-Na.
Tioo kamu mawasa ro'na icawekar an ukuman ampa'paan kamu taranak i Abraham. Icuaku mangé ai camu, sé watu anio' ro'na émaan i Amang Kasuruan mamuali taranak i Abraham.
Séra mamuali toya-toyaang i Amang Kasuruan ra'ica ampa'paan é matu'a éra, kuma'pa im basa wo ing kasalé'an i tou. Taan si Amang Kasuruan in esa e méma' iséra mamuali toya-toyaang-Na.
Wo ra'ica icitake' in tou, taan pakasa sé niéma' i Amang Kasuruan ang kayo'baan anio' lumeloo keli mengento-ngento' in oras i Amang Kasuruan tumuru' mai in darayo wo in sisiri' a sé toyaang-Na.
Ampa'paan si Abraham awéan paémanen akar si Sara ro'na maowa-owak mandé ka'i sia matu'ao wo ra'io toro ka'i makéré toyaang. En itu imamuali ampa'paan si Abraham maéman sapaoka émaan oka i Amang Kasuruan sapa sé aijanji-Na.