Roma 9:5 - En Taar Weru a nunuwu' é Tontemboan

⁵ Séra itu taranak é apo-apo' é tou Israel. Si Kristus ka'i taranak éra, sa iciit in owak. Siao si Amang Kasuruan si makakawasa am baya-waya, wo iparayo-rayo akar ing kauré-uré. Ulit!

Roma 9:5 ပူးပေါင်းရင်းမြစ်များ

Matius 28:20

Wo susuiano mangé séra wosama' émaan éra waya sé aiperénta-Ku ai camu. Pena'né-na'néieno mangé, Yaku kasake' ang karapi miow akar ing kaka'puan ing kayo'baan.”

Matius 6:13

Wo tioo woo iwali kami muntep am pangepé'an, taan iwekaro mai kami ang kawasa i léwo'. [Ampa'paan si Amango e makaanu ing kakolanoan wo ing kawasa, wo iparangka-rangka' akar ing kauré-uré. Ulit.’]

Lukas 20:44

Anaé, sa si Daud in esa mengatuul si Kristus itu Tuangna, tambisa réén wo icuata Sia itu taranakna ka'i?”

Yohanes 10:30

Yaku wo si Amang-Ku esa.”

Kisah Para Rasul 20:28

Ampa'paan in ituo, musti téiran iow sumama-sama' en owak iow in esa wo sé jamaat si aiwéé i Roh Le'nas en téiran iow. Téiran iow sé jamaat i Amang Kasuruan tanu si gembala matéir sé domba-Na. Sé jamaat itu mamuali anu i Amang Kasuruan ampa'paan linowir-Na séra in enda'-Na in esa.

Kisah Para Rasul 3:13

Si Amang Kasuruan si pengaapo'an é apo-apo'ta Abraham, Ishak wo si Yakub, Siao e méma' si Yesus ata-Na itu iparayo-rayo wo pasiri-siriin. Si Yesus ituo si aisarakan iow wo aicélong iow an dior i Pilatus em patén, mandé ka'i si Pilatus e musé'o e mekar woo Sia.

Roma 1:25

Séra ra'ica maéman in sususuien wutul andumoro' i Amang Kasuruan, taan mapercaya sé ra'ica wutul. Séra ra'io marayo wo maapo' a si Amang Kasuruan si méma' in tana' wo en langit, taan maapo'ke' a sé niéma' i Amang Kasuruan. En ulitna si Amang Kasuruano iméma' im baya-waya wo Siake' em patus iparayo-rayo akar ing kauré- uré. Ulit.

Roma 1:3

En Abar Kaaruien itu andumoro' i Toyaang-Na, si Apo'ta Yesus Kristus. Sa sérén eng katouan tanu in tou, Sia itu taranak i colano Daud,

Roma 10:12

E nunuwu' i Amang Kasuruan itu torona im pakasa é tou, ampa'paan sé tou Yahudi wo sé tou walina puté waya. Si Casuruan wayake' in esa, Sia itu Kasuruan é pakasa sé tou. Wo pakasa en tou sé mekiupus ai Sia kamangen-Na oka ang karapi i lumébé-lébé.

Roma 11:28

Intarépé' sé tou Israel ra'ica masalé' tumerima in Abar Kaaruien andumoro' si Yesus Kristus, ampa'paano in itu séra imamualio kaséké' i Amang Kasuruan. Taan ampa'paan séra ra'ica tumerima in Abar Kaaruien itu, akar kamu sé tou ra'ica Yahudi makéré ing kauntungan. Mandé ka'i taniitu, sé tou Israel tatapké icaupus i Amang Kasuruan ampa'paan séra itu tou sinisir-Na tumo'tolai indior, wo ka'i ampa'paan in janji-Na a sé apo-apo' éra indior.

1 Korintus 14:16

Ampa'paan sa kamu kumua makapulu'sama' a si Amang Kasuruan asalo mapaké i nunuwu' i roh a roh miow in esa, wo sé tou am bitu ra'ica makailek ing kaangéan i nunuwu' i roh miow itu, tantu ra'ica kiim éra kumua ‘ulit’ ampa'paan ra'ica kailekan éra eng kaangéan sé ipakua miow.

2 Korintus 11:31

Si Amang Kasuruan, Amang i Apo' Yesus, kailekan-Na aku ra'ica matowo. Irayoo mangé si Amang Kasuruan akar ing kauré-uré.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

1 Timotius 6:15

Si Amang Kasuruano in esa en tumantu kawisa si Yesus maai sumawel. Ampa'paan wayake' si Amang Kasuruan e makakawasa em patus iparayo-rayo é tou. Siao si Colano am pakasa é kolano wo Kasuruan am pakasa é kasuruan.

2 Timotius 2:8

Ta'néien in sumama-sama' en anio': si Yesus Kristus taranak i Daud, wo maté taan tinou sumawel i Amang Kasuruan. Si anioo en Abar Kaaruien si pakua-kuakuo am bisa-wisa.

Ibrani 7:24

Taan si Yesus menonou akar ing kauré-uré, akar en tawoien-Na tanu Imam ra'ica kasawelan é tou walina.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.

Wahyu 1:18

wo Si Menonou. Yaku si matéo, taan intarépé' séréno Aku menonou, wo Aku menonou akar ing kauré-uré. Pakakulun-Ku eng kukusi' im papaté wo eng kakolanoan im papaté.

Wahyu 22:16

Icua ka'i i Yesus, “Yaku, si Yesus imutuso si malaékat-Ku e méé ing kasairian andumoro' pakasa im perkara anio' ai camu torona é jamaat. Yakuo en sééna, si taranak i Daud, si lolouren si sumendo-sendot.”

Wahyu 22:20

Sia en icumua a yaku andumoro' im pakasa in anio', icua-Na, “Én, Yaku makala'us oka maai!” Ulit, mayoo, é Apo' Yesus!

Wahyu 5:14

Wo sé epat mahluk itu kumua, “Ulit!” Wo sé matu'a itu ka'i kumundu wo kumuru in sumiri'.