Roma 9:4 - En Taar Weru a nunuwu' é Tontemboan

⁴ Séra itu sinisiro i Amang Kasuruan wo niangkaio mamuali toyaang-Na in esa wo tumerimao ka'i i rarayo wo in sisiri'-Na. Séra jinanjian i Amang Kasuruan ing kamangen, wo winéan-Nao ukum Torat. Wo aicuao i Amang Kasuruan ai séra tumambisa maapo' ai Sia, wo ka'i séra winéan-Nao in janji-janji.

Roma 9:4 ပူးပေါင်းရင်းမြစ်များ

Matius 21:33

“Lingan iow ka'i si esa andéan walina: Awéan si esa makauma imuka' uma usewan in anggor wo pagerenna waya en lumi'cir in uma itu. Wo sia kuma'il esa lo'beng an tana' em patepesan in anggor. Wo toorna terung rangka' an uma itu, paento'an i matéir in uma. Wo iséwana en uma itu a sé tou matawoi in uma kumawus in itu sia mangé an doong walina.

Yohanes 1:17

Tinerimata en ukum-ukum i Amang Kasuruan ampa'paan i Musa, taan kinatuusanta en upus aitambér i Amang Kasuruan wo en sususuien wutul-Na ampa'paan si Yesus Kristus.

Yohanes 1:47

An tutuw i Yesus suméré si Natanael maai ai Sia, icua i Yesus, “Sérén, siao si wutu-wutul tou Israel. Si tou anio' ra'ica mengauwak sé tou walina.”

Kisah Para Rasul 2:39

Ampa'paan sé aijanjio i Amang Kasuruan itu torona pakasa in tou sé tinowa-Na, icauntep icamu wo sé taranak iow wo ka'i pakasa en tou sé maento' an tampa-tampa tayang.”

Roma 3:2

Tantu kelian eng katoranaan wo am baya-waya! Kataré-taré, a sé tou Yahudio sé tinokéan in Taar i Amang Kasuruan.

Roma 8:15

Ampa'paan e Roh aiwéé i Amang Kasuruan ai camu itu, ra'ica méma' icamu mamuali ata akar kamu menonou ang kaindé'an. Taan e Roh aiwéé i Amang Kasuruan itu, méma' icamu mamuali toya-toyaang i Amang Kasuruan. Wo e Roh i Amang Kasuruan itu maakin icita akar patowanta si Amang Kasuruan, “Amang, o Amangku!”

Roma 9:6

Mandé ka'i in taniitu, ra'ica icuaku sapaoka si Amang Kasuruan ra'ica lumekep in janji-janji-Na a sé tou Israel. Ampa'paan ra'ica pakasa sé taranak Israel sisiren i Amang Kasuruan mamuali tou-Na.

2 Korintus 11:22

Ipakua éra sapaoka séra tou Ibrani. Yaku ka'i tou Ibrani! Ipakua éra ka'i séra tou Israel. Yaku ka'i tou Israel! Ipakua éra ka'i sapaoka iséra taranak i Abraham. Taniitu ka'i aku taranak i Abraham!

Galatia 3:16

Taniitu ka'i wo im pakasa in janji i Amang Kasuruan si aicuao a si Abraham wo a si taranakna. An tutuw en janji-Na itu niéma', ra'ica aicua “a sé tarana-taranakmu” en tumuru' a sé tou keli, taan aicua “a si taranakmu” si tumuru' asi esa tou, Siao si Kristus.

Efesus 2:12

An tutuw itu kamu ra'ipé' maéman a si Kristus. Kamu ra'ipé' aicauntep a sé tou sé sinisir i Amang Kasuruan wo ra'ica tumerima pakasa sé aijanji-Na a sé tou-Na Israel. Wo kamu menonou ang kayo'baan anio' ra'ica wana em paarapen wo ka'i ra'ica makatuus si Amang Kasuruan.

Ibrani 9:1

Asi perjanjian kataré si niéma' i Amang Kasuruan ang karapi é tou Israel, awéan atoran-atoran andumoro' i mengaapo' wo im paapo'an le'nas si niéma' in tou.

Ibrani 9:10

Ampa'paan sé atoran asi ipakaapo' uré itu asalo andumoro' in owak in tou, tanumai atoran andumoro' ing kakanen, in elepen wo mengaweresi in owak, taan sé atoran itu ra'ica andumoro' in até in tou. Sé atoran itu pengapakén akarke' asi oras em perjanjian weru itu awéano.

Ibrani 9:3

Asi kamar kataré itu awéan kaéng pengakawu' aiwérén em pauntepan asi kamar karua. Eng kamar karua itu pengatuulen Kamar Lume'na-le'nas.

Ibrani 9:5

Am bawo ing kekelew im piti perjanjian itu awéan rua patong malaékat makatétéléw si patuulen kerup, tanu tuus sapaoka si Amang Kasuruan iparayo wo pasiriin awéan am bitu. En tétéléw é rua kerup itu makawélar icumungkung ing kekelew im piti, siituo en tampa i Amang Kasuruan mengawéé ing kaampungan ing kamesé-meséaan é tou. Taan intarépé' ra'ica wana témpo en sumisil lébé lambot andumoro' im pakasa in itu.

Ibrani 9:6

Tanu siituo en ténda paapo'an itu nielur. Susur in endo sé imam muntep asi Kamar kataré an ténda paapo'an mengaéma' in tawoien éra.