Roma 9:22 - En Taar Weru a nunuwu' é Tontemboan

²² Taniituo ka'i sapa sé niéma' i Amang Kasuruan. Sia awéan hak en tumuru' ing kae'bowan-Na wo tumuru' ing kakawasaan-Na. Taan Sia tumuru' ing katalesenan-Na a sé tou sé tu'tulo im patén ampa'paan méma' Sia mae'bow.

Roma 9:22 ပူးပေါင်းရင်းမြစ်များ

Roma 1:18

Si Amang Kasuruan an sorga itumuru' ing kae'bowan-Na a sé pakasa in tou sé ra'ica maindé' ai Sia wo sé tou mengaéma' ing kaléwo-léwo'an. Ampa'paan, sé kaléwo-léwo'an ituo en sumépe'd sé tou e makailek in sususuien wutul andumoro' i Amang Kasuruan.

Roma 9:17

Ampa'paan ang Kitap Le'nas aipatic in andumoro' sé aicua i Amang Kasuruan a si Firaun kolano i Mesir, tana'i, “Angkaien-Ku ko mamuali kolano, wosama' ituru'-Ku eng kawasa-Ku ai co, wosama' ka'i e ngaran-Ku katuusan waya é tou ang kayo'baan.”

Roma 9:20

Taan kita ra'ica toro kumua in taniitu, kita anio' touke'. Wo kita in tou ra'ica wana hak eng kumua a si Amang Kasuruan sapaoka Sia meséa'. Ro'na réén eng kuré' kumua a si mengaéma' ing kuré, “Kéitu réén aku niéma'mu tana'i?”

Roma 9:21

Si tou maéma' ing kuré' awéan hak e méma' ing kuré' kumiit ing kasalé'anna. Asi tana' pulut itu ro'na émaanna rua kuré', si esa papakén an acara penting wo si esa papakén susur in endo.

1 Tesalonika 2:16

Séra itu rumaméji mengala-ngala' icami wosama' kami ra'ica toro kumua in taar i Amang Kasuruan a sé tou ra'ica Yahudi, émaan éra sé tou itu ra'ica malowir. Wo in taniitu eng kamesé-meséaan éra mengawe-ngaweso akar ra'io icakua. Wo intarépé' eng kae'bowan i Amang Kasuruan itumenao iséra.

1 Tesalonika 5:9

Ampa'paan kita ra'ica sinisir i Amang Kasuruan in ukumen. Taan sinisir-Na kita e makéré ing kalowiran am paémanenta a si Yesus Kristus Apo'ta.

2 Timotius 2:20

Am balé é tou siya', awéan pakakas-pakakas sé niéma' a mas, am pérak, ang kayu wo ka'i awéan sé niéma' an tana' pulut owo. Em pakakas sé niéma' a mas wo pérak papakén ang kasalé-salé'an wangko'. Wo em pakakas si niéma' ang kayu owo wo tana' pulut, papakénke' ang kasalé-salé'an teké' sé kanaramenke'.

1 Petrus 2:8

Wo awéan ka'i en aipatic, “Si watu itu mamuali watu pasangkilan akar icawangkur.” Eng kaangéanna séra casangkil asi watu itu akar cawangkur ampa'paan séra ra'ica maéman wo ra'ica makiit in Taar i Amang Kasuruan, tanu siituo en aitantu mai i Amang Kasuruan ai séra.

1 Petrus 3:20

Sé roh itu, roh é tou ra'ica le'tek asi Amang Kasuruan an jaman i Nuh. Ang karoro'an i Nuh maéma' ing kapal wangker, si Amang Kasuruan talesen maento-ento' sé tou e mape'dis mengéma-ngéma' ing kaléwo-léwo'an. An tutuw en sonop wangko' itu imayo, wayake' i walu tou sé malowir asi sonop wangko' itu. Sérao sé an untep ing kapal wangker itu.

2 Petrus 2:3

Ampa'paan sé guru ra'ica wutul itu longi' in doit, séra masisil in sisisilen sé niéma' éra in esa torona muwak icamu. Ampa'paano sé niéma' éra itu, en ukuman éra uréo keli aitu'tulo i Amang Kasuruan wo em papaté éra ra'io ipauré-uré.

2 Petrus 2:9

Anaé, ro'na kailekanta sapaoka si Amang Kasuruan tumawang sé tou sé masiri' Sia an tutuw séra am pangepé'an, wo sume'sek sé tou léwo' in ukumen asi endo Sia mai makim pakasa in tou.

2 Petrus 3:15

Anggapeno mio' eng katalesenan i Casuruanta itu iméé témpo a sé tou e mape'dis wo makéré ing kalowiran. Si Paulus poowta si ipaupu-upus ka'i matico tanu siitu ai camu imaké ing kapinteran a si Amang Kasuruan owo.

Yudas 1:4

Icuaku in taniitu, ampa'paan awéan tou sé sumolisipo mai an uner iow. Séra itu sé tou ra'ica makiit in lalan i Casuruan. Séra itumerimao in upus aitambér i Amang Kasuruan taan ra'ica pengakiiten éra eng kasalé'an-Na, wo isuméa' mengapaké in upus aitambér-Na itu wosama' ro'na isalu éra eng kasalé'- an in owak éra sé ra'ica loor. Wo ka'i ra'ica pangakun éra sapaoka wayake' si Yesus Kristus si Makakawasa wo Apo'ta. Sé tou tanu isérao sé indioré'wo aitantuo makéré oka in ukuman.