Roma 9:20 - En Taar Weru a nunuwu' é Tontemboan

²⁰ Taan kita ra'ica toro kumua in taniitu, kita anio' touke'. Wo kita in tou ra'ica wana hak eng kumua a si Amang Kasuruan sapaoka Sia meséa'. Ro'na réén eng kuré' kumua a si mengaéma' ing kuré, “Kéitu réén aku niéma'mu tana'i?”

Roma 9:20 ပူးပေါင်းရင်းမြစ်များ

Matius 20:15

Si séi e méro yaku e maké in doitku in esa kumiit ing kasalé'anku? Kuma'pa panganatenmu réén ampa'paan aku tumuru' ing kalooranku a sé tou anio'?’

Lukas 12:14

Taan icua i Yesus ai sia, “Éi poow, si séi réén e mangkai Yaku mamuali akim kuma'pa mengawéténg im budel si aitela'u é matu'a miow?”

Roma 14:4

Si séi réén kamu akar kamu mengawéé kaséaan a sé tou maselewir sé tou walina? Wayake' si tuangna en awéan hak en tumantu si maselewir itu wutul kuma'pa meséa'. Wo si maselewir itu ra'ica icalepok ampa'paan si Casuruan makakawasa tumawang sia.

Roma 2:1

Éi poo-poow, kailekan iow sapaoka sé tou mengaéma' ing kaléwo'an ukumen oka i Amang Kasuruan. Anaé, si séi réén kamu akar akimen iow sé tou walina? Kamu in esa ka'i ra'ica icawekar ang kameséaan! Ampa'paan sa kamu maakim sé tou walina taan kamu in esa maéma' ing kameséaan tanu iséra, eng kaangéanna kamu imakimo ka'i in owak iow in esa.

Roma 2:3

Wo kamu é poo-poow, ipatudu miow sé tou walina sapaoka séra patus in ukumen, tioo mawerot kamu ro'na icawekar an ukuman i Amang Kasuruan ampa'paan kamu in esa mengaéma' sé andumoro im pengaémaan éra.

Roma 9:21

Si tou maéma' ing kuré' awéan hak e méma' ing kuré' kumiit ing kasalé'anna. Asi tana' pulut itu ro'na émaanna rua kuré', si esa papakén an acara penting wo si esa papakén susur in endo.

Roma 9:22

Taniituo ka'i sapa sé niéma' i Amang Kasuruan. Sia awéan hak en tumuru' ing kae'bowan-Na wo tumuru' ing kakawasaan-Na. Taan Sia tumuru' ing katalesenan-Na a sé tou sé tu'tulo im patén ampa'paan méma' Sia mae'bow.

1 Korintus 1:20

Sa taniitu, sapa en torona é tou awéan kapinteran? Wo sapa en toronana sé tou makailek wutul in Torat? Wo sapa en torona sé tou pandéi ang kayo'baan anio' sé masalé' masundur i nunuwu' é tou walina? En ulitna aituru'o i Amang Kasuruan sapaoka eng kapinteran é tou pandéi itu ra'ica wana torona.

1 Korintus 7:16

Éi kamu wéwéné-wéwéné maémano a si Kristus, ra'ipé' réén kailekan iow sapa e mamuali sa. Icamuo wona' e méma' sé penanaan iow ro'na lowiren. Taniitu ka'i kamu é tuama sé maémano a si Kristus, ra'ipé' réén kakailekan iow sapa e mamuali sa. Icamuo wona' e méma' sé penanaan iow ro'na lowiren.

1 Timotius 6:5

meindo-indoan roma', mawasa-wasa sé ra'ica loor wo ra'io makailek in sususuien wutul. Pawerotenna sa sia mengaapo' a si Amang Kasuruan, sia ro'na masiya'.

2 Timotius 2:20

Am balé é tou siya', awéan pakakas-pakakas sé niéma' a mas, am pérak, ang kayu wo ka'i awéan sé niéma' an tana' pulut owo. Em pakakas sé niéma' a mas wo pérak papakén ang kasalé-salé'an wangko'. Wo em pakakas si niéma' ang kayu owo wo tana' pulut, papakénke' ang kasalé-salé'an teké' sé kanaramenke'.

Titus 2:9

Musti sina'uenmu ka'i sé ata wosama' séra le'tek a sé tuang éra am baya-waya wo marui in até i tuang éra wo ra'ica toro masangkal a si tuang éra.

Yakobus 2:20

Éi camu sé tou bodok! Masalé' réén pangakun iow intarépé' sapaoka em paémanenmu ra'ica wana torona sa ra'ica pengaémaan?