Roma 9:1 - En Taar Weru a nunuwu' é Tontemboan

¹ Sapa en icuaku anio' wutul, ampa'paan aku meesao ang karapi i Kristus. Yaku ra'ica matowo. En até weresiku si pakaakinen i Roh Le'nas méé kasairian,

Roma 9:1 ပူးပေါင်းရင်းမြစ်များ

Roma 1:9

Kamu ipenomba-nombayangku wo si Amang Kasuruano en sairi sapaoka aku uli-ulit mengasombayang torona miow. Siao si Amang Kasuruan si pengaselewiranku ang karapi in lekep en até an tutuwku mengakua in Abar Kaaruien andumoro' i Toyaang-Na.

Roma 2:15

Anaé, asé peri éra ituo, imééo tuus sapaoka en ukum Torat itu aipatico an até éra. Em pakawerot éra sumangkum mengaséa' in owak in esa, sumangkum ka'i mengawutul in owak in esa, en itu aituru' in até weresi éra.

Roma 8:16

Wo e Roh i Amang Kasuruan itu kumetero in atéta sapaoka kita toya-toyaang i Amang Kasuruan.

Roma 9:2

sapaoka en atéku susa keli wo tatap mawendu ampa'paan sé tou Israel tou ra'ica maéman a si Yesus.

2 Korintus 1:12

Kami marayo, sapaoka eng katouan ami asi cayo'baan anio', linangkoio ami ang karapi in lekep en até wo rondor en até. Kami menonou tanu siitu wuntulke' im paesaan wo icamu. Siituo eng kasairian in até weresi ami. Niéma' ami en itu, ra'ica ang karapi ing kapinteran é tou, taan ang karapi in upus aitambér i Amang Kasuruan.

2 Korintus 1:23

Si Amang Kasuruan en sairiku ampa'paan kailekan-Na en atéku. Yaku ra'ica mamuali maai ang Korintus, ampa'paan ra'ica kiimku mendu in até miow.

2 Korintus 11:10

En darayoku itu ra'ica toro kalaan é séike' mangé an Akhaya, ampa'paan en sususuien wutul i Kristus an untepo in atéku.

2 Korintus 11:31

Si Amang Kasuruan, Amang i Apo' Yesus, kailekan-Na aku ra'ica matowo. Irayoo mangé si Amang Kasuruan akar ing kauré-uré.

2 Korintus 12:19

Ang kauré miow maca in surat anio', weroten réén miow sapaoka kami asalo méla in owak an dior iow? Ra'ica tanu siitu! Kailekan i Amang Kasuruan sapaoka pakasa sé ipakua ami itu makiit ing kasalé'an i Kristus. Poo-poow sé icaupusku, sapa sé niéma' ami, en itu e méé ing kaketeran am paémanen iow.

Galatia 1:20

Sapa sé aipaticku ai camu anio' wutul, wo kailekan i Amang Kasuruan aku ra'ica matowo.

Filipi 1:8

Kailekan i Amang Kasuruan sapaoka kamu im baya lelonku keli wo icaupusku tanu si Kristus Yesus mengaupus icamu.

1 Tesalonika 2:5

Si Amang Kasuruan en sairi ami, kailekan-Na wutul en an untep in até ami. Kailekan iow ka'i in esa kami ra'ica kawisa numuwu' i nunuwuun sé asaloke' mengaarui sé tou, wo kami ra'- ica kawisa mawasa-wasa in lumongi' im baya-waya.

1 Timotius 1:5

Sina'uku waya en anio' ai co wosama' sé tou meupu-upusan. Wo en upus itu musti lumembomai an até le'nas wo an até weresi owo wo am paémanen imauli-ulit.

1 Timotius 2:7

Siituo imangémai aku sinisir i Amang Kasuruan mamuali ruru'du'an-Na e mangé a sé tou ra'ica Yahudi eng kumua in abar andumoro' im paémanen wutul. Pakasa sé aicuaku anio' ulit! Yaku ra'ica matowo.

1 Timotius 5:21

Timotius, iwééku en tawoien anio' ai co an dior i Amang Kasuruan wo si Kristus Yesus wo sé malaékat sé sinisir-Nao. Pangilekenku ai co wosama' émaano waya sé aicuaku anio' an jamaat wo ra'ica marapit.