Roma 8:9 - En Taar Weru a nunuwu' é Tontemboan

⁹ Taan, kamu ra'io menonou mengakiit ing kasalé'an in owak, taan mengakiit ing kasalé'an i Roh i Amang Kasuruan, ampa'paan e Roh i Amang Kasuruan uli-ulit mento' an owak iow. Sa e Roh i Kristus ra'ica menonou an owak i esa tou, sia ra'ica anu i Kristus.

Roma 8:9 ပူးပေါင်းရင်းမြစ်များ

Lukas 11:13

Anaé, sa kamu sé léwo' makailek mawéé sé loor a sé toyaang iow, wopé'taré si Amang iow an sorga! Iwéé-Na oka mai e Roh Le'nas a sé tou sé imangilek ai Sia.”

Yohanes 14:17

Si Matawang ituo si Roh Le'nas si mengawali icamu a si sususuien wutul andumoro' si Amang Kasuruan. Sé tou ang kayo'baan ra'ica tumerima Sia, ampa'paan séra ra'ica isuméré Sia wo ra'ica makatuus Sia. Taan kamu makatuus Sia ampa'paan Sia mewali-wali wo icamu intarépé', wo Sia mento' oka an untep in até miow i esa wo si esa.

Yohanes 14:23

Isowat i Yesus ai sia, “Si tou mengaupus Yaku, tantu émaanna oka en taar-Ku, wo sia icaupus oka i Amang-Ku. Yaku wo si Amang-Ku maai oka ai sia wo mento' ang karapina.

Yohanes 3:34

Ampa'paan si Yesus ayutus i Amang Kasuruan kumua in Taar-Na, ampa'paan winéan-Nao Roh ang karapi in da'- io icakua.

Yohanes 3:6

En owakta anio' tumou asi matu'ata, taan e rohta itumou asi Roh i Amang Kasuruan owo.

Kisah Para Rasul 16:7

An tutuw éra icateka'o am pesupuan i Misia wo em Bitinia, séra mepé' muntep im Bitinia, taan pinéro i Roh i Yesus séra e maangé am bitu.

Roma 7:5

Ampa'paan, indior kita menonoué' makiit ing kasalé'anta sé léwo'. An tutuw itu kita pakakawasané' ing kasalé'an léwo' itu, wo kailekanta en itu suméa' ampa'paan aipatic an ukum Torat, taan eng kasalé-salé'an itu tatap matawoi an owakta akar kita méma' ing kamesé-meséaan si makawali cita am papaté.

Roma 8:1

Intarépé', kita sé meesao ang karapi i Kristus Yesus ra'io ka'i ukumen i Amang Kasuruan.

Roma 8:11

Sa e Roh i Amang Kasuruan si tumou sumawel si Yesus an uner é tou maté maento' an untep in owak iow, eng kaangéanna en owak iow si ro'na maté itu, touen oka ka'i sumawel i Roh i Amang Kasuruan si tumouo sumawel si Yesus Kristus an uner é tou maté.

Roma 8:2

Ampa'paan kita sé meesao ang karapi Kristus Yesus, tumerima i Roh i Amang Kasuruan si méé mai ing katouan weru ai cita. Wo kawasa a si Roh i Amang Kasuruan itu, mekar icita asi kawasa ing kamesé-meséaan si makawali icita am papaté.

1 Korintus 15:23

Taan esa wo si esa touen sumawel kumiit in urutan: kataré si Kristus si tinouo sumawel tanu jaminan ai cita. Wo an tutuw Sia maai sumawel, gilirano é tou-Na en touen.

1 Korintus 3:16

Ra'ipé' réén kailekan iow sapaoka kamu itu tanu Walé i Amang Kasuruan wo e Roh i Amang Kasuruan makaento' ai camu?

1 Korintus 6:17

Taan sa si tou meesao ang karapi i Apo' Yesus, e roh i tou itu mamualio esa ang karapi i Roh-Na.

1 Korintus 6:19

Musti kailekan iow sapaoka en owak iow itu paento'an i Roh Le'nas. E Roh Le'nas itu aiwéé i Amang Kasuruan mento' ai camu. En owak iow ra'ica anu miow in esa taan anu i Amang Kasuruan.

2 Korintus 10:7

Séréno sapa sé an dior iow. Sa tou maéman sapaoka sia anu i Kristus, sia in esa ka'i musti merot icami anu i Kristus kaputéna.

2 Korintus 6:16

Awéan réén em puténa walé i Amang Kasuruan wo im paapo'an é opo-opo'? Kita anio' walé paento'an i Amang Kasuruan si menonou. Si Amang Kasuruan in esa icumua: “Mento' oka Aku an uner éra wo menonou mewali-wali wo iséra. Yaku mamuali oka Amang Kasuruan éra, wo séra mamuali oka tou-Ku.”

Galatia 4:6

Wo ampa'paan kita mamualio toya-toyaang-Na, akar iru'du'-Na e Roh i Toyaang-Na muntep an atéta. Wo e Roh itu méma' icita ro'na tumowa si Amang Kasuruan, “O Abba, o Amang!”

Galatia 5:24

Si séike' sia si mamualio tou i Kristus Yesus, pinaténao em peri-perina sé ra'ica loor wo pakasa ing kasalé'an in owakna ang kayu salip.

Efesus 1:13

Taniitu ka'i camu tou ra'ica Yahudi sé lumingao in sususuien wutul i Amang Kasuruan, siituo en Abar Kaaruien si mengawéé ing kalowiran ai camu. Wo an tutuw iow maémano a si Kristus, tinerimao miow e Roh Le'nas si aijanji-Na tanu tuus kamu imamualio tou-Na.

Efesus 2:22

Ampa'paan i Kristus, kamu sé tou ra'ica Yahudi ka'i winangun mewali-wali wo sé tou Yahudi mamuali paento'an i Amang Kasuruan. Am bitu Sia mento' tanu Roh.

Efesus 3:17

akar si Kristus mento' an até miow ampa'paan kamu maéman ai Sia wo eng katouan iow maa'mut wo tumuur a si upus-Na.

Filipi 1:19

ampa'paan kailekanku sapaoka maai oka en témpona aku icesot am bui, ampa'paano im penomba-nombayang iow wo ka'i en tatawang i Roh i Yesus Kristus a yaku.

2 Timotius 1:14

Ico tinokéan in tawoien anio' puté wo si Casuruan tumoké in esa kasiyaan sosor ulit em bééna. Anaé, téiranmu sumama-sama' en itu. Wo e Roh Le'nas an atéta tumawang oka en tuméir ing kasiyaan itu.

1 Petrus 1:11

Wo pati'tiren éra ka'i, kawisa wo tumambisa en itu mamuali, siituo em paangé-angén i Roh i Kristus si an untep in owak éra. An tutuw itu e Roh i Amang Kasuruan méé kasairian andumoro' ing kawenduan-kawenduan sé sangkumen oka i Kristus wo andumoro' i rarayo wo in sisiri' si kumiitai kekawus ing kawenduan itu.

1 Yohanes 3:24

Si séi si makiit waya im perénta-Na, sia itu meesa wo si Amang Kasuruan wo si Amang Kasuruan ka'i meesa wo isia. Wo kailekantao si Amang Kasuruan menonou meesa wo icita, ampa'paan si Amang Kasuruan imééo i Roh-Na ai cita.

1 Yohanes 4:13

Aiwééo i Amang Kasuruan e Roh-Na ai cita, wo in taniitu kakailekantao eng katouanta meesa wo si Amang Kasuruan wo Sia ka'i meesa wo icita.

1 Yohanes 4:4

Toya-toyaangku, kamu itu asi Amang Kasuruan owo. Kamu icumalao sé nabi ra'ica wutul itu, ampa'paan e Roh ai camu itu eng kawasana en lébé wangko' mai wo si roh asi cayo'baan anio'.

Wahyu 13:8

Pakasa é tou sé menonou ang kayo'baan kumuru en sumiri' oka a si binatang itu. Sérao sé tou tumo'tolke' mai eng kayo'baan anio' niéma' e ngaran éra ra'ica aipatic ang kitap ing katouan i Toyaang i Domba si pinatéo.

Wahyu 20:15

Wo pakasa sé tou e ngaran éra ra'ica aipatic an untep ing kitap katouan itu, iténdél an untep in ta'sic api itu.