Roma 8:7 - En Taar Weru a nunuwu' é Tontemboan

⁷ Wo sé tou pakakawasané' ing kasalé'an in owak in esa, séra menséké'an wo si Amang Kasuruan, ampa'paan séra ra'ica le'tek an ukum i Amang Kasuruan. En ulitna en ukum itu ra'ica kaémaan éra.

Roma 8:7 ပူးပေါင်းရင်းမြစ်များ

Matius 12:34

Éi camu sé taranak i ula' rumacu-racung, tumambisa kamu ro'na kumua sé andumoro' in loor sa kamu in esa léwo'. Ampa'paan sapa en aicua im ba'ba' lumembo an até owo.

Matius 5:19

Ampa'paan in ituo si séike' e misi in esaanke' perénta an ukum Torat mandé ka'i en itu si tumeki-tekic, wo en itu isusuina a sé tou walina, sia lumukut oka an tampa si mawawa-wawa' ang Kakolanoan in Sorga. Taan si séi e mengaéma' wo ipasusuina waya em perénta an ukum Torat, sia lumukut oka an tampa si rumangka-rangka' ang Kakolanoan in Sorga.

Yohanes 7:7

Sé tou ang kayo'baan anio' ra'ica masuut icamu, taan Yaku icasuut éra ampa'paan pengakua-Ku em paémaan éra léwo'.

Roma 1:28

Wo paweroten éra ka'i, ra'io sangali makatuus si Amang Kasuruan, ampa'paan in ituo iwaya i Amang Kasuruan em pakawerot éra icasélé'kow, akar séra mengaéma' sé ra'ica patus émaan éra.

Roma 1:30

Séra masalé' memaa-maar in léwo' andumoro' sé tou walina, masalé' mengawuruk i ngaran é tou walina, séra masuut si Amang Kasuruan, ra'ica mengaadat a sé tou walina, tirayo wo maangkai in owak in esa. Séra pandé mawasa-wasa in léwo', masundur sé matu'a,

Roma 3:31

Sa taniitu, ra'io réén wana eng katoronaan en ukum Torat itu ampa'paan kita maémano a si Yesus? Ra'ica taniitu! Taan ampa'paano taré kita maéman, en ukum Torat itu émaanta i mauli-ulit.

Roma 5:10

An tutuw kita masunduré' a si Amang Kasuruan, kita niéma'-Nao meeluran wo Sia ampa'paan im papaté i Toyaang-Na. Lébé-lébépé' ka'i intarépé' an tutuw kita meelurano sumawel wo Sia, tantu kita lowiren oka asi endo kaka'puan ing kayo'baan ampa'paan si Kristus itumou sumawel.

Roma 7:22

An untep in atéku, icasalé'ku keli méma' in ukum i Amang Kasuruan,

Roma 8:4

Niéma' i Amang Kasuruan in taniitu wosama' kita mamuali tou wutul, meputé ing kasalé'an-Na sé aipatic an ukum Torat. Wo kita ro'na menonou makiit ing kasalé'an i Roh-Na, ra'ica kumiit ing kasalé'an in owakta.

1 Korintus 2:14

Si tou ra'- ica pengaakinen i Roh i Amang Kasuruan, ra'ica mengaterima sé ipakua i Roh i Amang Kasuruan, ampa'paan paanggapenna sé ipakua i Roh itu ra'ica wana torona. Wo en itu ra'ica kaangéanna, ampa'paan wayake' si tou makaanu i Roh i Amang Kasuruan e ro'na makaangé andumoro' in itu.

1 Korintus 9:21

Taniitu ka'i, an tutuwku mewali-wali wo sé tou ra'ica Yahudi, sé ra'ica makiit in ukum Torat, émaanku eng katouanku meputé wo iséra. Émaanku taniitu wosama' ro'na akinenku sé tou ra'ica Yahudi a si Kristus. Anaé, aku ra'ica toro ipeputé tanu tou sé ra'ica makiit im perénta-perénta i Amang Kasuruan, taan aku uli-ulit maéma' im perénta i Kristus.

Kolose 1:21

Indior, kamu ka'i menonou tayang asi Amang Kasuruan wo mamuali kaséké'-Na an untep in até wo e ngaas iow en tuusna em pengaémaan iow léwo'.

Kolose 2:18

Anaé, tioo en laasa ing katouan iow itu léwoon in sususuien in tou si maturu' kéndo' ko'kos en até wo maapo' a sé malaékat wo mengatirayo andumoro' im papaturu'an sé aipapaturu' ai sia wo ka'i mengarangka' in owak ang karapi ra'ica wana alasan ampa'paan asalo imawero-werot ing kasalé'an ing kayo'baan.

2 Timotius 3:4

masalé' mengakianat sé tou, kolek em ipakawerot, mapa im pandéi, masalé'ke' maaru-arui kiit ing kasalé'an éra in esa ra'ica kiim kumiit ing kasalé'an i Amang Kasuruan.

Ibrani 8:10

Taan intarépé', si anioo em perjanjian si émaan-Ku oka ang karapi é tou Israel, asé endo mengangai sa. Iweta'-Ku oka en ukum-ukum-Ku a ngaas éra, wo ipatic-Ku oka en itu an untep in até éra. Yaku mamuali oka Amang Kasuruan éra, wo séra mamuali oka tou-Ku.

Yakobus 4:4

Éi camu, sé tou ra'ica le'tek! Tantu kailekano miow sa kamu makiit ing kasalé'an ing kayo'baan, kamu imamualio kaséké' i Amang Kasuruan. Si séike' si masalé' mekarapi wo ing kayo'baan anio', niéma'nao en owakna mekaséké'an wo si Amang Kasuruan.

2 Petrus 2:14

Em beren éra masalé' menéré-néré sé wéwéné akar masalé' mengabersina wo ra'ica mengasuut mengaéma' ing kamesé-meséaan. Wo séra matawér sé tou ra'ipé' talos maéman a si Apo' Yesus wosama' icasélé'kow. En até éra itu manaramo menonou ang kalongi'an. Wo séra ituo sé tou kinutuk.