Roma 8:39 - En Taar Weru a nunuwu' é Tontemboan

³⁹ kawasa-kawasa walina sé an langit kuma'pa sé an untep in tana', kuma'pa sapake' mangé en itu ra'ica méma' icita icatané an upus i Amang Kasuruan, si aituru'-Na ai cita ampa'paano i Kristus Yesus Apo'ta.

Roma 8:39 ပူးပေါင်းရင်းမြစ်များ

Matius 24:24

Ampa'paan sé kristus ra'ica wutul wo sé nabi ra'ica wutul mapaturu' oka. Émaan éra oka en tuu-tuus wo kakaya'kaan sé ra'io icakua en sumélé'kow sé tou, sa woo ro'na ka'i, isélé'kow éra sé tou sinisiro i Amang Kasuruan.

Yohanes 16:27

ampa'paan si Amang in esa mengaupus icamu. Sia mengaupus icamu, ampa'paan Aku icaupus iow wo paémanen iow sapaoka Aku mai asi Amang Kasuruan owo.

Yohanes 17:26

Aicua-Kuo ai séra si séi si Amang en ulitna, wo ipengua-ngua-Ku oka melala'us andumoro si Amang. Wo in taniitu séra maupus oka sé tou walina tanu si Amang mengaupus Yaku wo Yaku meesa wo iséra.”

Yohanes 3:16

Ampa'paan taloso wangko' eng kaupusan i Amang Kasuruan a sé tou ang kayo'baan anio' akar iwéé-Na mai si Toyaang-Na si Esa-esa, wosama' si séike' si maéman ai Sia ra'ica maté taan makéré ing katouan akar ing kauré-uré.

Roma 1:7

Ampa'paan in ituo, ipaticku en surat anio' ai camu im baya sé maento' a Roma sé icaupus i Amang Kasuruan, sé tinowa-Nao e mamuali tou le'nas. Pekiupusenku woo a si Amang Kasuruan, Amangta wo a si Apo' Yesus Kristus en tumambérai ing kamang wo ing kaeluran ai camu.

Roma 11:33

Ulit ra'io icakua eng kasiyaan, eng kapinteran wo eng kakailekan i Amang Kasuruan. Ra'ica wana mandé esake' en tou e ro'na makailek sé pinusé'-Na, wo ra'ica wana ka'i mandé esake' tou e ro'na makailek im pakatawoi-Na.

Roma 5:8

Taan si Kristus imatéo torona icita an tutuw kita mengaéma'pé' ing kamesé-meséaan. En itu itumuru'o sapaoka eng kaupusan i Amang Kasuruan ai cita uli-ulit wangko'.

Roma 6:23

Ampa'paan em buéna i mengéma-ngéma' ing kamesé-meséaan, makéré oka ukuman icatané a si Amang Kasuruan akar ing kauré-uré. Taan eng kamang aitambér i Amang Kasuruan, siituo eng katouan akar ing kauré-uré. Wo eng kamang aitambér-Na itu tinerimata ampa'paan si Kristus Yesus, Apo'ta.

Roma 8:1

Intarépé', kita sé meesao ang karapi i Kristus Yesus ra'io ka'i ukumen i Amang Kasuruan.

Roma 8:35

Si séi réén e ro'na itumané icita ang kaupusan i Kristus? Kita tatapke' in icaupus-Na, mandé kita meta'up ing kasusaan, kuma'pa ing kawenduan, kuma'pa paokoien, kuma'pa kaareman, kuma'pa ra'ica mekarai, kuma'pa e makawali ang kawangkuran, kuma'pa im papaté.

2 Korintus 11:3

Taan en caindé'ku em bewerot iow kauwakan akar ra'io ka'i wutu-wutul le'tek a si Kristus, kaputé i Hawa indior ka'i kinatawéran i ula' ampa'paano im pakauwak i ula' itu.

2 Korintus 2:11

Émaanku en itu wosama' si kikiiten é sétang ra'ica wana témpo loor muwak icita, ampa'paan kailekanta em pawasa-wasanna léwo'.

Efesus 1:4

Ra'ipé' niéma' i Amang Kasuruan eng kayo'baan anio', sinisir-Nao kita wosama' meesa ang karapi i Kristus wo mamuali anu-Na si ra'ica wana kaséaan sapa-sapa an dior-Na.

Filipi 3:12

Yaku ra'ica kumua sapaoka eng katouanku mamualio kaputé ing katouan i Kristus Yesus kuma'pa eng katouanku makakii-kiito. Taan aku tatap rumaméji wosama' aku ro'na menonou kaputé ing katouan-Na ampa'paan yaku sinisir-Nao mamuali anu-Na.

Filipi 3:3

Taan icitao sé tou wutu-wutul sinunat, ra'ica iséra. Ampa'paan icitao sé tou mengaapo' a si Amang Kasuruan si pakaakinen i Roh-Na, wo mengatirayo ampa'paan meesa wo si Kristus Yesus, wo ra'ica mengamangén a si sapa sé kaséréan tanumai atoran in sunat.

Filipi 3:8

Ra'ica siituke', am baya-waya ra'ica wana torona, sa ipeputé wo yaku intarépé' si makatuuso si Kristus Yesus, Apo'ku. Wo ampa'paano i Kristus Yesus, iwekarku waya en itu wo anggapenku tanu noo, wosama' aku lébépé' ka'i makatuus si Kristus Yesus,

2 Tesalonika 2:4

Si tou ituo en sumundur si Amang Kasuruan wo mengaangkai in owakna rumangka'mai asé im pakasa é opo-opo' sé paanggapen é tou tanu Kasuruan. Wo ka'i sia lumukut an untep im Balé Le'nas wo an dior é tou icuana sapaoka siao si Amang Kasuruan.

1 Yohanes 4:16

Kita makatuuso wo mercayao in upus i Amang Kasuruan ai cita. Si Amang Kasuruan itu e makaanu in upus. Si séi si mengaupus sé tou walina, sia itu imeesa wo si Amang Kasuruan, wo si Amang Kasuruan ka'i meesa wo sia.

1 Yohanes 4:19

Kita mengaupus ampa'paan si Amang Kasuruan irumioro mengaupus cita.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Wahyu 13:14

Wo ampa'paan in tuu-tuus sé niéma'nao an dior i binatang kataré itu, sé tou ang kayo'baan anio' aisélé'kowna. Iru'du'na séra méma' im patong eng giona tanu si binatang kataré, si pinéla'o in sa'bel taan menonouke'.

Wahyu 19:20

Wo si binatang itu mewali-wali wo si nabi ra'ica wutul tinangka'o. Si nabi ra'ica wutul ituo si sumangkumo méma' in tuu-tuus kakaya'kaan an dior i binatang itu, akar sia sumélé'kow sé tou sé itumerimao in tuus i binatang itu wo si kumuru en sumiri' im patongna. Wo si binatang itu mewali-wali wo si nabi ra'ica wutul itu imenonoué' aiténdélo an ta'sic api walélang wangker si mengembu-ngembung.

Wahyu 2:24

Taan awéané' sé tou walina ai camu an Tiatira sé ra'ica makiit in sususuien i Izebel, wo ra'ica masalé' makailek andumoro' si kikiiten é sétang. Wo ra'ica kiim-Ku méé im pamuléngen walina ai camu

Wahyu 20:3

Wo si naga itu iténdélna an untep ing kepal im papaté. Wo kusiinna eng kepal im papaté itu wo ségélenna, wosama' ra'io toro sélé'kowna sé bangsa, sa ra'ipé' imalekep en sangariwu ngata'un. Sa imalekepo en sa- ngariwu ngata'un iwekar oka sumawel si naga itu taan en témpona ra'ica uré.

Wahyu 20:7

Wo kekawus in sangariwu ngata'un si kikiiten é sétang icesot oka ang kepal im papaténa.