Roma 8:38 - En Taar Weru a nunuwu' é Tontemboan

³⁸ Ampa'paan percayanku keli, sapaoka em papaté kuma'pa eng katouan, sé malaékat kuma'pa kawasa-kawasa é roh léwo', sé kala'meren intarépé' kuma'pa asi endo mengangai,

Roma 8:38 ပူးပေါင်းရင်းမြစ်များ

Yohanes 10:28

Wo iwéé-Ku ai séra eng katouan akar ing kauré-uré, wo séra ra'ica iwaya-Ku maté akar ing kauré-uré. Wo ra'ica ka'i wana esaan tou e ro'na mandét iséra ang kama-Ku.

Roma 14:7

Ampa'paan ra'ica wana esaan tou' an unerta i menonou asaloke' in owakna in esa, wo ra'ica wana esa tou ka'i e maté asaloke' in owakna in esa.

Roma 14:8

Sa kita menonou, kita menonou torona i Casuruan. Wo sa kita maté, kita maté torona i Casuruan. Anaé, menonou kuma'pa maté, kita anu i Casuruan.

Roma 4:21

Si Abraham uli-ulit maéman sapaoka ro'na émaan i Amang Kasaruan sapa si aijanji-Nao.

Roma 6:23

Ampa'paan em buéna i mengéma-ngéma' ing kamesé-meséaan, makéré oka ukuman icatané a si Amang Kasuruan akar ing kauré-uré. Taan eng kamang aitambér i Amang Kasuruan, siituo eng katouan akar ing kauré-uré. Wo eng kamang aitambér-Na itu tinerimata ampa'paan si Kristus Yesus, Apo'ta.

1 Korintus 15:24

Kumawus in itu eng kayo'baan maka'pu oka. Wo asi témpo itu ka'i pakapaté-patén i Kristus pakasa sé maperénta, pakasa sé makatimboi ing kakawasaan wo ing kaketeran. Wo isarakan-Na oka eng kakawasaan-Na tanu Kolano a si Amang Kasuruan, Amang-Na.

2 Korintus 11:14

Kamu ra'ica sangali mangaya'ka' andumoro' in itu. Ampa'paan si kikiiten é sétang mengaéma' in owak tanuoka woo si malaékat in sendot!

2 Korintus 4:13

Ang Kitap Le'nas awéan e makua, “Percayanku, ampa'paan in ituo aku manuwu'.” Anaé, ang karapi ing kaincayaan imaéman tanu siitu ka'i, kami manuwu' ampa'paan percayan ami.

Efesus 1:21

A mangé mbitu si Kristus merénta ang karapi ing kawasa si rumangka'mai asé im pakasa ing kawasa é maperénta, sé makakawasa, wo eng kakawasaan, eng kakolanoan wo pakasa i ngaran sé ro'na icua asi témpo ya'sa wo ka'i asi témpo maai oka sa.

Kolose 1:16

Ampa'paano si Kristus, akar émaan i Amang Kasuruan pakasa sé ang kayo'baan wo sé an sorga, pakasa sé kaséréan wo sé ra'ica kaséréan, tanumai palukutan pasiri-siriin kuma'pa kakolanoan, roh sé maperénta kuma'pa sé makakawasa. Em baya-waya niéma' i Amang Kasuruan ampa'paano si Kristus wo torona i Kristus.

Kolose 2:15

Ang kayu salip itu, pakasa é roh sé maperénta wo e roh sé makakawasa kinalao i Kristus. Niéma'-Na séra tanu tou pakawa'kesen, mawaya' makiit an somoi-Na. Séra mamuali séséro'en é tou an tutuw si Kristus muntung.

2 Timotius 1:12

Ampa'paan aku makua in Abar Kaaruien itu, akar sangkumku eng kawenduan am bui anio'. Taan aku ra'ica malawi', ampa'paan kailekanku si Apo' Yesus si paémanenku. Émanenku Sia awéan kawasa en tuméir in tawoien si aitoké-Na a yaku akar asi endo kaka'puan ing kayo'baan.

Ibrani 11:13

Pakasa in tou itu maéman a si Amang Kasuruan akar séra imaté. Sera ra'ica tumerima sapa si aijanji i Amang Kasuruan, taan si aijanji itu asalo tinéinteng wo pengapé-ngapéien éra an tayang. Wo séra imangaku sapaoka séra itu asalo tou imanangkéi ang kayo'baan anio'.

1 Petrus 3:22

Intarépé' si Yesus Kristus imangém an sorga wo lumukut ang kakan i Amang Kasuruan. Wo pakasa sé malaékat, pakasa sé makakawasa wo pakasa ing kaketeran, pakasa in itu an darem ing kakawasaan-Na.