Roma 8:37 - En Taar Weru a nunuwu' é Tontemboan

³⁷ Taan mandé pakasa en itu sangkumenta, kita tantu uli-ulit muntung ampa'paan si Kristus imupuso icita.

Roma 8:37 ပူးပေါင်းရင်းမြစ်များ

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

Roma 8:35

Si séi réén e ro'na itumané icita ang kaupusan i Kristus? Kita tatapke' in icaupus-Na, mandé kita meta'up ing kasusaan, kuma'pa ing kawenduan, kuma'pa paokoien, kuma'pa kaareman, kuma'pa ra'ica mekarai, kuma'pa e makawali ang kawangkuran, kuma'pa im papaté.

1 Korintus 15:54

Wo sa en owakta si ro'na maté sinawelano in owak si ra'io kawisa maté wo en owak asi cayo'baan owo sinawelano in owak si an sorga owo, an tutuw itu lekepen oka en taar si aipatic ang Kitap Le'nas in tana'i, “Eng kawasa im papaté tinerio wo kinalao i Amang Kasuruan.”

1 Korintus 15:57

Taan makapulu'sama' a si Amang Kasuruan, ampa'paan niéma'-Na mai kita imuntung sumundur im papaté ampa'paano i Apo'ta, Yesus Kristus.

2 Korintus 12:19

Ang kauré miow maca in surat anio', weroten réén miow sapaoka kami asalo méla in owak an dior iow? Ra'ica tanu siitu! Kailekan i Amang Kasuruan sapaoka pakasa sé ipakua ami itu makiit ing kasalé'an i Kristus. Poo-poow sé icaupusku, sapa sé niéma' ami, en itu e méé ing kaketeran am paémanen iow.

2 Korintus 12:9

Taan en aisowat i Casuruan a yaku, “En upus aitambér-Ku aweso ai co. Ampa'paan eng kawasa-Ku makaleke-lekep oka sa ko ra'ica keter.” Ampa'paan in itu yaku lébé masalé en tumirayo sé ra'ica keter an owakku. Ampa'paan an tutuw aku ra'ica keter, eng kawasa i Kristus awéan mewali-wali wo yaku.

2 Korintus 2:14

Taan makapulu'sama' a si Amang Kasuruan. Sia maaki- akin icami akar imuntung ampa'paan i Kristus. Pakén i Amang Kasuruan icami wosama' sé tou am bisa-wisa makatuus si Kristus. Anaé, em paselewir ami tanu im bou manam si pengakawouan am bisa-wisa.

Galatia 2:20

Intarépé' ang katouanku, ra'io ka'i yaku e menonou, taan si Kristuso si menonou a yaku. Eng katouanku ang kayo'baan anio' katouan si aituuro am paémanen a si Toyaang i Amang Kasuruan si mengaupuso yaku wo isumarakan in owak-Na toronaku.

Efesus 5:2

Menonouo mangé ang karapi i meupu-upusan, kaputé i Kristus mengaupuso icamu. Sia sumarakano in owak-Na torona icita tanu raragésan si mawou manam torona i Amang Kasuruan.

2 Tesalonika 2:16

Si Apo'ta Yesus Kristus wo si Amang Kasuruan, Amangta mengaupuso mai cita. Aitambér-Nao mai en upus-Na ai cita wosama' ro'na méé ing kaketeran an até akar ing kauré-uré, wo méé mai im paarapen ai cita e makéré oka sé loor.

1 Yohanes 4:10

Si anioo en upus itu: Ra'ica icita si ririor imaupus si Amang Kasuruan, taan Siao si ririor mengaupus icita. Ampa'paan ituo ayutus-Na mai si Toyaang-Na wosama' eng kamesé-meséaanta kaampungan ampa'paan i Toyaang-Na itu.

1 Yohanes 4:19

Kita mengaupus ampa'paan si Amang Kasuruan irumioro mengaupus cita.

1 Yohanes 4:4

Toya-toyaangku, kamu itu asi Amang Kasuruan owo. Kamu icumalao sé nabi ra'ica wutul itu, ampa'paan e Roh ai camu itu eng kawasana en lébé wangko' mai wo si roh asi cayo'baan anio'.

Yudas 1:24

Si Amang Kasuruanke' si makakawasa en tuméir icamu wosama' kamu ra'ica icasu'su'. Siao e makawoo maali icamu sé ra'ica wana kaséaan a si tampa-Na si parayo-rayo wo pasiri-siriin, wo am bitu oka kamu masalé-salé'.

Wahyu 1:5

Wo en upus aitambér wo eng kaeluran itu ka'i mai asi Yesus Kristus owo. Siao en sairi le'tek, wo eng kataré-taré itumou sumawel an uner é tou imaté, wo ka'i e makakawasa a sé kolano asi cayo'baan anio'. Sia mengaupus icita, wo mekar ing kamesé-meséaanta ang karapi in enda'-Na.

Wahyu 12:11

Wo sé poo-poowta an esa paémanen itu kumala sia ang karapi in enda' i Toyaang i Domba wo ampa'paan sé nunuwu' ing kasairian éra. Séra ra'io mengaupus in owak éra in esa mandé ka'i meta'up im papaté.

Wahyu 17:14

Séra merang oka en sumundur si Toyaang i Domba, taan si Toyaang i Domba ra'- ica kinakalaan éra, ampa'paan Sia Tuang am pakasa é tuang, wo Kolano am pakasa é kolano. Si Toyaang i Domba itu mewali-wali wo sé tou sé tinowao, sé sinisiro wo sé le'tek ai Sia, muntung oka.

Wahyu 21:7

Si séi e muntung, kéréanna oka waya en anio'. Wo Yaku mamuali oka Amang Kasuruanna, wo sia mamuali oka toyaang-Ku.

Wahyu 3:9

Séréno! Pira-piraan tou asé jamaat i kikiiten é sétang, sé matuul in owak éra tou Yahudi, taan en ulitna ra'ica taniitu, séra itu kotowo. Émaan-Ku oka séra itu mai wo kumundu an dior ing kécéi miow, wo kakailekan oka éra sapaoka kamu icaupus-Ku.