Roma 8:3 - En Taar Weru a nunuwu' é Tontemboan

³ En ukum Torat ra'ica kawisa lumowir icita, ampa'paan kita makiit in ukum Torat si ra'ica kaémaanta. Taan niéma'o i Amang Kasuruan si ra'ica kaémaan in ukum Torat. Sia mutuso mai si Toyaang-Na in esa ang kayo'baan anio' mamuali tou tanu iméma'o ing kamesé-meséaan wo imaté e mekar sé tou iméma' ing kamesé-meséaan. Wo ampa'paan im papaté i Toyaang-Na itu, kinala-Nao eng kawasa ing kamesé-meséaanta in tou.

Roma 8:3 ပူးပေါင်းရင်းမြစ်များ

Markus 15:27

Aisalip éra ka'i sé rua tou léwo', si esa ang kakan i Yesus wo si esa ang ka'biri-Na.[

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Yohanes 9:24

Wo towan éra ing kumarua si tou si indior wola itu wo icua éra ai sia, “Musti icuamu im butul an dior i Amang Kasuruan. Kailekan ami si tou isumama' ico itu tou ang kamesé-meséaan.”

Kisah Para Rasul 13:39

Anaé, si séi si maéman a si Yesus, nianggap wutul i Amang Kasuruan.

Roma 3:20

Ampa'paan ra'ica wana tou mandé esake' sé nianggap wutul an dior i Amang Kasuruan ampa'paan mengaéma' in ukum Torat. Taan, ampa'paano taré in ukum Torat ituo sé tou makailek ing kamesé-meséaan.

Roma 6:6

Kailekanta, sapaoka em perita uré imatéo mewali-wali wo si Kristus ang kayu salip, wosama' en owakta ra'io pakakawasan ing kamesé-meséaan. Wo in taniitu kita ra'io mamuali ata ing kamesé-meséaan.

Roma 7:18

Kailekanku ra'ica wana sé loor an owakku, iciit ing katouanku in tou. An owakku awéan eng kasalé'an e méma' sé loor, taan en itu ra'ica kawooanku iméma'.

Roma 8:32

Si Toyaang-Na in esa ra'ica pena-nangen-Na en sumangkum ing kawenduan taan aisarakan-Na torona kita im baya. Sa taniitu, tantu iwéé-Na oka ai cita em baya-waya mewali-wali wo Sia.

Roma 9:3

Séra itu poo-poowku kaputé wo yaku. Yaku in esa tu'tulo ing kutuken i Amang Kasuruan wo ipetané asi Kristus sa en itu ro'na méma' sé tou Israel itu malowir an ukuman ing kamesé-meséaan.

2 Korintus 5:21

Si Kristus ra'ica wana kamesé-meséaan, taan niéma' i Amang Kasuruan si Kristus e muléng ing kamesé-meséaanta, wosama' icita mamuali tou wutul an dior i Amang Kasuruan ampa'paan i Kristus.

Galatia 3:13

Si Kristus itumu'buso icita asi kutuk in ukum Torat. Ampa'paan tutuw Sia aisalip, tinanggong-Nao eng kutuk itu sawel icita. Awéan en aipatic, “Si tou niukum im patén wo airantong ang kayu salip, sia itu kaputé i makéré in ukuman patén i Amang Kasuruan.”

Galatia 3:21

Si Amang Kasuruan in esa e méma' in janji-Na, sa taniitu, mensunduran réén en ukum Torat itu wo in janji-Na? Wutu-wutul ra'ica. Sa en ukum Torat méé ing katouan a sé tou, séra ro'na nianggap wutul an dior-Na ampa'paan mengaéma' in ukum Torat.

Filipi 2:7

taan taré iwekar-Na waya sapake' sé ai Sia, wo mindo ing kadudukan si wawa' keli tanu ata wo mamuali tou.

Ibrani 10:12

Taan si Kristus si Imam Wangko'ta méé in owak-Na pinaté makasake' torona ing kaampungan ing kamesé-meséaan akar ing kauré-uré. Kumawus in itu Sia lumukut ang kakan i Amang Kasuruan.

Ibrani 10:14

Anaé, ang karapi in esake' iparagés, linekepo i Kristus torona ing kauré-uré sé tou sé line'nas-Nao.

Ibrani 2:14

Sé tou patuulen i Yesus toya-toyaang itu, séra asaloke' tou si ro'na maté. Anaé, si Yesus imamuali tou wo menonou meputé wo sé tou, wosama' em papaté ro'na sangkumen-Na kaputé in tou. Wo ampa'paano im papaté-Na itu, ro'na kalan-Na si kikiiten é sétang si makakawasa im papaté.

Ibrani 2:17

Ampa'paano in itu am baya-waya si Yesus musti mamuali kaputé é poo-poow-Na. Wo in taniitu, Sia ro'na mamuali Imam Wangko' si mengaturu' ing kaupusan a sé tou wo Sia le'tek mengaselewir a si Amang Kasuruan. Ang karapi im pakaselewir-Na tanu Imam Wangko', eng kamesé-meséaan é tou ro'na kaampungan.

Ibrani 4:15

Ampa'paan si Imam Wangko'ta itu ra'ica imam wangko' sé ra'ica ro'na kumiit mendam ing kalembianta. Ampa'paan sinangkum-Nao mai waya em pangepé'an an tutuw Sia ang kayo'baan, meputé sé pasangkumenta intarépé'. Taan Sia ra'ica kawisa mako méma' ing kamesé-meséaan.

1 Petrus 2:24

Sia in esa imuléngo ing kamesé-meséaanta an owak-Na, an tutuw-Na imaté ang kayu salip. Wo in taniitu kita icawekar asi kawasa ing kamesé-meséaan, wo menonou e méma' ing kasalé'an i Amang Kasuruan. Sé péla-péla'-Na ituo e iméma' icita masama'.