Roma 8:27 - En Taar Weru a nunuwu' é Tontemboan

²⁷ Wo si Amang Kasuruan si mati'tir waya ing kararem in até é tou, kailekan-Na ka'i sapa em pinangilek i Roh itu. Ampa'paan e Roh itu mekiupus torona é tou le'nas iciit ing kasalé'an i Amang Kasuruan.

Roma 8:27 ပူးပေါင်းရင်းမြစ်များ

Matius 6:8

Anaé, tioo kamu kaputé éra, ampa'paan ra'ipé' pinangilek iow a si Amang Kasuruan, kinailekan-Nao sapa em paperlun iow.

Lukas 16:15

Wo icua i Yesus ai séra, “Kamu mapaturu-turu' kéndo' a sé tou walina sapaoka kamu mengaéma' im butul, taan en até léwo' miow kailekan i Amang Kasuruan. Ampa'paan sapa em paanggapen é tou awéan wééna, nianggap i Amang Kasuruan wutu-wutul ra'ica wana wééna.

Yohanes 14:13

Wo sapake' em pangileken iow a ngaran-Ku, émaan-Ku oka en itu wo si Amang-Ku ro'na iparayo-rayo wo pasiri-siriin ampa'paan Aku Toyaang-Na.

Yohanes 21:17

Wuéien ka'i i Yesus ing katelu a si Petrus, “Simon, toyaang i Yohanes, icaupusmu réén Aku?” Wo en até i Petrus mawendu, ampa'paan akar i makatelu si Yesus mamuéi ai sia, “Icaupusmu réén Aku?” Wo isowatna a si Yesus, “Tuang, em baya-waya kailekan-Mu, kailekan-Mu sapaoka aku mengaupus Ico.” Icua ka'i i Yesus a si Petrus, “Paliarano mio' sé domba-Ku.

Kisah Para Rasul 1:24

Wo séra im baya sumombayang, “O Kasuruan, si Casuruanke' e makailek wutul pakasa in até é tou, ituru'o mai ai cami si séi asé rua tou anio' en sisiren-Mu.

Kisah Para Rasul 15:8

Si Amang Kasuruan e makatuus in até é tou, aituru'-Na sapaoka Sia tumerimao sé tou ra'ica Yahudi itu. En itu aituru'-Nao ai cita an tutuw-Na méé i Roh Le'nas ai séra, tanu si aiwéé-Na ai cita.

Roma 8:34

Ra'ica wana tou e ro'na méé séa', ampa'paan bélan oka i Kristus Yesus an dior i Amang Kasuruan. Sia imatéo torona icita wo tinou sumawel, wo makalukut ang kakan i Amang Kasuruan wo mekiupus torona icita.

Roma 8:6

Sa em pakawerot é tou pakakawasané' ing kasalé'an in owak in esa, eng kasiwakana makéré im papaté. Taan sa em pakawerot é tou pakakawasan i Roh i Amang Kasuruan, eng kasiwakana makéré oka ing katouan wo ing kaeluran.

Efesus 2:18

Ampa'paano i Yesus Kristus, kita im baya tou Yahudi kuma'pa tou ra'ica Yahudi ro'na rumuru a si Amang Kasuruan, Amangta ang karapi in tatawang i Roh Le'nas si esa-esa.

1 Tesalonika 2:4

Kami tinokéano i Amang Kasuruan eng kumua in Abar Kaaruien andumoro' i Yesus Kristus, ampa'paan kami nianggap-Na patus eng kumua in itu. Ampa'paan in ituo ipakua-kua ami en Abar Kaaruien itu ra'ica asaloke' mengaarui in até é tou taan mengaarui in até i Amang Kasuruan si mengauji in atéta.

Ibrani 4:13

Ra'ica wana mandé esake' mahluk en icaenep am beren i Amang Kasuruan. Sapa-sapake' makawuka-wuka' wo kaséré-séréan an dior-Na, wo ai Siake' kita méé im panowaten asé im pakasa sé niéma'ta.

Yakobus 5:16

Ampa'paan in ituo, mangakuo mangé ing kamesé-meséaan asi esa wo si esa wo menson-sombayangano mangé wosama' kamu masama'. En sombayang é tou mengaéma' im butul uli-ulit wangko' eng kawasana.

Wahyu 2:23

Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow.