Roma 8:2 - En Taar Weru a nunuwu' é Tontemboan

² Ampa'paan kita sé meesao ang karapi Kristus Yesus, tumerima i Roh i Amang Kasuruan si méé mai ing katouan weru ai cita. Wo kawasa a si Roh i Amang Kasuruan itu, mekar icita asi kawasa ing kamesé-meséaan si makawali icita am papaté.

Roma 8:2 ပူးပေါင်းရင်းမြစ်များ

Yohanes 4:10

Isowat i Yesus ai sia, “Sa raké' woo kailekan i inang sapa si casalé' iwéé i Amang Kasuruan wo makailek si séi réén Aku si mangilek woo elepen, tantu si inang mangilek oka a Yaku, wo iwéé-Ku oka a si inang en dano si mawéé ing katouan.”

Yohanes 4:14

Taan si séike' e melep in dano si aiwéé-Ku, sia ra'io ka'i maré'om akar ing kauré-uré, ampa'paan en dano si iwéé-Ku itu mamuali oka palemboian in dano an owakna. En dano itu melembo-lemboi an owakna akar sia menonou akar ing kauré-uré.”

Yohanes 6:63

Sé tou ra'ica makawoo méma' in owakna menonou akar ing kauré-uré. Wayake' i Roh i Amang Kasuruan e méma' si tou ro'na menonou akar ing kauré-uré. E nunuwu' sé aicua-Ku itu, nunuwu' i Roh-Na wo sé nunuwu' itu iméma' sé tou menonou oka akar ing kauré-uré.

Yohanes 8:32

wo kakailekan oka miow en sususuien wutul, wo en sususuien wutul itu e iméma' icamu anio' ra'io ka'i ang kakawasaan tanu ata.”

Yohanes 8:36

Anaé, sa kamu émaan i Toyaang i Amang Kasuruan ra'io ang kakawasaan ing kamesé-meséaan, kamu anio' wutu-wutul ra'io ang kakawasaan ing kamesé-meséaan.

Roma 16:3

Icuao mangé en siri'ku a si Priskila wo a si penanaanna Akwila. Séra in dua kara-karapiku matawoi torona i Kristus Yesus.

Roma 3:27

Ampa'paan in ituo ra'ica toro kita rumayo in owak. Kita nianggap wutul i Amang Kasuruan, ra'ica ampa'paan mengaéma' in ukum Torat. Ra'ica! Taan ampa'paan kita maéman a si Yesus Kristus.

Roma 5:21

Anaé, kita musti maté ampa'paan kita mengaéma' ing kamesé-meséaan. Taan si Amang Kasuruan itumambéro mai in upus-Na ai cita ampa'paano i Yesus Kristus Apo'ta akar kita nianggap wutul i Amang Kasuruan wo makéré ing katouan akar ing kauré-uré.

Roma 6:14

Anaé, kamu ra'io toro pakakawasané' ing kamesé-meséaan, ampa'paan kamu ra'io menonou makiit in ukum Torat, taan kamu menonou asi upus aitambér i Amang Kasuruan.

Roma 6:18

Kamu ka'i aiwekaro ang kawasa ing kamesé-meséaan wo intarépé' kamu mamualio ata sé mengaéma' im butul.

Roma 6:22

Taan intarépé' kamu aicawekaro ang kamesé-meséaan wo imamualio ata i Amang Kasuruan. Akar kamu makéré im buéna i menonou le'nas torona i Amang Kasuruan wo eng kasiwakana kamu makéré oka ing katouan akar ing kauré-uré.

Roma 7:21

Anaé, tana'io e mamuali a yaku: Yaku masalé' méma' sé loor, taan si kasalé'-salé'anke' mengaéma' sé léwo' e mai an owakku.

Roma 7:23

taan an owakku awéané' kawasa walina mapetokol wo ing kasalé'anku eng kumiit in ukum i Amang Kasuruan itu. Ang kasomoiana aku rinantéo ing kawasa ing kamesé-meséaan si an untep in owakku.

Roma 7:4

Taniitu ka'i kamu, é poo-poowku. Indior kamu kinawasa in ukum Torat. Taan intarépé' kamu tanu imatéo mewali-wali wo in owak i Kristus akar kamu aicawekaro an ukum Torat. Wo kamu mamualio anu i Kristus si tinou sumawel an uner é tou imaté wosama' eng katouanta awéan torona a si Amang Kasuruan.

Roma 8:1

Intarépé', kita sé meesao ang karapi i Kristus Yesus ra'io ka'i ukumen i Amang Kasuruan.

1 Korintus 15:45

Ang Kitap Le'nas cumua in tana'i, “Si tou kataré-taré si Adam mamuali mahluk i menonou,” taan si Adam en sosomoi mamuali Roh si mawéé ing katouan.

2 Korintus 3:17

Si Casuruan ituo e Roh. Wo am bisa en awéan Roh i Casuruan, am bitu ka'i awéan kaloasan.

2 Korintus 3:6

Siao e méma' icami makawoo imamuali maselewir sé makua in esa perjanjian weru a sé tou. Em perjanjian itu ra'ica an ukum sé aipatico indior, taan asi Roh i Amang Kasuruan owo. Ampa'paan en ukum aipatic itu sa ra'ica kiiten, makawali am papaté, taan e Roh i Amang Kasuruan mawéé ing katouan.

Galatia 2:19

Ampa'paan aku tanu si tou imatéo asi ukum Torat wosama' aku menonou torona i Amang Kasuruan. Yaku aisalipo mewali-wali wo si Kristus.

Galatia 5:1

Si Kristus iméma'o icita ra'io ka'i ang kakawasaan in ukum Torat, wosama' kita ra'io pakawa'kesen in ukum Torat. Ampa'paano in itu timboieno sumama-sama' eng kaloasan itu, wo tioo maréng menonou tanuoka ata si pakawa'kesen in ukum Torat.

Galatia 6:2

Sa awéan an uner iow meta'up ing kawenduan, mensén-sémbongano mangé kamu tumanggong im pamuléngen itu! Wo in taniitu kamu icumiito in ukum i Kristus andumoro' i meupu-upusan.

Yakobus 1:25

Taan en tou sé mati'tir in ukum si lumeke-lekep, awéan kawasa e mekar sé tou sé iméma' ing kamesé-meséaan, si tou itu kasake' le'tek an ukum itu wo ka'i pengaémaanna, ra'ica asalo iluminga wo ilupana. Si tou tanu siitu kamangen oka ampa'paan sapa sé paémaanna.

Wahyu 11:11

Taan kumawusai in tiga ari sténga, sé rua nabi itu winéano i Amang Kasuruan aseng ing katouan wo séra tumou sumawel. Wo pakasa sé tou sé suméré séra maindé' keli.

Wahyu 22:1

Wo ituru' ka'i i malaékat a yaku en doyongan in dano ing katouan, en danona léno kaputé ing kristal. Wo en doyongan itu makesotai asi palukutan pasiri-siriin i Amang Kasuruan wo asi palukutan pasiri-siriin i Toyaang i Domba,